29 jul. 2011

REUNIÓN COS APICULTORES PARTICIPANTES NA XX MOSTRA DO MEL DE QUIROGA

No transcurso desta semana tivo lugar na Casa da Cultura unha reunión entre a comisión organizadora e os apicultores participantes na XX Mostra do Mel de Quiroga.
Nesta xuntanza o Concello de Quiroga comunicoulles aos participantes que os postos de venda e exposición do produto recuperarán o seu antigo emprazamento na rúa Real como se xa se fixera durante a maioría das edicións do evento gastronómico, en concreto na parte alta da rúa nas inmediacións da Casa do Concello. Nos últimos anos a mostra trasladárase á praza de España e concentrou alí toda a actividade.
Tamén se fixaron os prezos do mel que se porá á  venda durante esta xornada: 4 € o envase de ½ kg e 6 € o de 1 kg.
O programa iniciarase o día 9 de agosto. Na Casa da Cultura, a partir das 20.00 h, terá lugar o sorteo dos postos de venda e a entrega de credenciais aos 10 apicultores participantes.
O propio día da mostra, 10 de agosto, ás 12 h, celebrarase o acto de inauguración e durante toda a mañá, ata pasado o mediodía, poderán mercarse no recinto da feira mel e outros produtos típicos da zona.

No hay comentarios:

Publicar un comentario