27 dic. 2013

CONTINÚASE COS CAMPIONATOS DE NADAL NOS PUBS DA VILA

O Concello de Quiroga, dende a oficina de Xuventude organiza, como todos os anos, os Campionatos de Nadal nos pubs. Hoxe tócalle o turno ao campionato de tute no Pub Ruxe-Ruxe a partir das cinco da tarde e a partir da media noite ao campionato de futbolín no Disco-pub Yoya.

Mañá sábado o pub Tic Tac acolle un campionato de Ping-pong. O xoves día 2 o campionato será de Cricket no Pub Bunny Karaoke e o venres, día 3 o Chupitazo no Goya Music Bar. Todos estes campionatos terán lugar a partir das doce e media da noite.

          Como premios, os terceiros obterán unha cesta de nadal, os segundos un vale de 20€ para mercar na tenda Secinga Hogar, e os primeiros unha cea para dous no Bar “A Taberna”. Ademais, como novidade, este ano, os primeiros partiparán no sorteo dunha Smartbox, que se celebrará o sábado día 4 na Disco Lor.

A OBRA DE TEATRO AVÓS... NUNCA É TARDE REPRESÉNTASE HOXE NO AUDITORIO MUNICIPAL

A obra de teatro 'Avós, nunca é tarde', representarase ante o público de Quiroga esta tarde, a partir das sete, no Auditorio Municipal.

A obra, protagonizada por socios do centro social, trata da loita da filla dunha familia moi tradicional por conseguir que a vida no seu fogar sexa máis xusta e igualitaria.

          Esta obra forma parte do Plan Galego de Persoas Maiores 2010-2013 da Secretaría Xeral de Igualdade da Xunta de Galicia, programa pioneiro para que as persoas maiores sexan transmisoras dos valores da igualdade entre os seus netos e netas menores.


O programa consistiu na organización de obradoiros teatrais nos que se reflexiona sobre cuestións como a socialización diferencial por xénero, co obxetivo de utilizar o teatro como medio de intervención. O traballo deste obradoiro é o que poderemos ver hoxe no Auditorio Municipal.

19 dic. 2013

COMEZAN AS ACTIVIDADES DE NADAL

 O concello de Quiroga comeza esta fin de semana coas súas actividades organizadas pra as Festas de Nadal. A primeira das actividades será unha videoconferencia con Papa Noel. A iniciativa parte da Rede de Centros para a modernización e a inclusión tecnolóxica, na que está incluído o noso municipio.
          O programa conectará a todos os nenos e nenas que o desexen con Papa Noel para facer as súas peticións, este venres, a partir das doce da mediodía no telecentro da Casa de Cultura.
          Tamén o venres, pero a media noite, comezan os campionatos de nadal nos pubs. O primiero deles será un campionato de fútbolín no pub Taj Mahal. Os premios serán o primeiro unha cea para duas persoas, o segundo, un vale de 20 € e o terceiro unha cesta de Nadal.
          O sábado, a partir das sete da tarde no Auditorio Municipal  o Concerto de Nadal coa  actuación  da Coral Polifónica de Quiroga , do Grupo de Danzas e da Banda de Gaitas “San Martiño” de Quiroga, Grupo de Danzas “Arume de Queiruga” e coa actuación Grupo de Alumnos que acoden ás clases de música organizadas polas  Áreas de Educación e Xuventude.
          No transcurso de este acto, entregaranse os premios do Concurso de Postais e  do IV Certame de Relato Curto organizados dende Áreas de Xuventude e Educación.
          O día 22, coa colaboración da Rede de Dinamización Lingüística terá lugar no Auditorio Municipal a representación de Títeres “O Crebanoces”. Trátase dun espectáculo para público familiar inspirado no conto de Hoffman.
          Os días 26 e 27 a área de educación oferta ludoteca de Nadal, para nenos e nenas de 3 a 12 anos en horario de once e media da mañá a unha e media.
          O día 27, o grupo de teatro do Centro Social de Quiroga, en colaboración coa área de Igualdade representará a obra de teatro “Avós…Nunca é Tarde”.
          A Programación de Nadal, que se prolongará ata o día 5 de xaneiro inclúe  un concerto didáctico de Zanfona a cargo de Víctor Soto o día 4 de xaneiro, a Cabalgata de Reis, o día 5 e un Campionato de Fútbol de Nadal. edia.
          O día 27, o grupo de teatro do Centro Social de Quiroga, en colaboración coa área de Igualdade representará a obra de teatro “Avós…Nunca é Tarde”.

          A Programación de Nadal, que se prolongará ata o día 5 de xaneiro inclúe  un concerto didáctico de Zanfona a cargo de Víctor Soto o díO concello de Quiroga comeza esta fin de semana coas súas actividades organizadas pra as Festas de Nadal. A primeira das actividades será unha videoconferencia con Papa Noel. A iniciativa parte da Rede de Centros para a modernización e a inclusión tecnolóxica, na que está incluído o noso municipio.
          O programa conectará a todos os nenos e nenas que o desexen con Papa Noel para facer as súas peticións, este venres, a partir das doce da mediodía no telecentro da Casa de Cultura.
          Tamén o venres, pero a media noite, comezan os campionatos de nadal nos pubs. O primiero deles será un campionato de fútbolín no pub Taj Mahal. Os premios serán o primeiro unha cea para duas persoas, o segundo, un vale de 20 € e o terceiro unha cesta de Nadal.
          O sábado, a partir das sete da tarde no Auditorio Municipal  o Concerto de Nadal coa  actuación  da Coral Polifónica de Quiroga , do Grupo de Danzas e da Banda de Gaitas “San Martiño” de Quiroga, Grupo de Danzas “Arume de Queiruga” e coa actuación Grupo de Alumnos que acoden ás clases de música organizadas polas  Áreas de Educación e Xuventude.
          No transcurso de este acto, entregaranse os premios do Concurso de Postais e  do IV Certame de Relato Curto organizados dende Áreas de Xuventude e Educación.
          O día 22, coa colaboración da Rede de Dinamización Lingüística terá lugar no Auditorio Municipal a representación de Títeres “O Crebanoces”. Trátase dun espectáculo para público familiar inspirado no conto de Hoffman.
          Os días 26 e 27 a área de educación oferta ludoteca de Nadal, para nenos e nenas de 3 a 12 anos en horario de once e media da mañá a unha e ma 4 de xaneiro, a Cabalgata de Reis, o día 5 e un Campionato de Fútbol de Nadal. 

9 dic. 2013

OS QUIROGUESES XA PODEN ASINAR NO AUTOBÚS PARA APOIAR A CANDIDATURA DA RIBEIRA SACRA A PATRIMONIO DA HUMANIDADE


          O autobús da campaña de apoio da candidatura da Ribeira Sacra a ser Patrimonio da Humanidade chegou esta mañá a Quiroga. Ata o de agora o autobús leva recollidas peto de 6.000 firmas por todos os concellos que visitou dentro da provincia de Lugo.
O autobús permanecerá en Quiroga ata o mércores once de decembro, e estará situado na praza España, en horario das dez da mañá ata as duas e polas tarde de catro a seis, para que todos os veciños que o desexen poidan asinar no libro oficial da Unesco. O alcalde de Quiroga, Julio Alvarez, era dos primeiros en facelo esta mesma mañá. Ademais de deixar a súa sinatura, todas as persoas que se acheguen ata o autobús, poderán atopar material promocional da campaña e información sobre a Ribeira Sacra.
       O autobús promocional, rotulado con imaxes da propia Ribeira Sacra, que forma parte da campaña da Deputación Provincial de Lugo para promocionar por toda España a candidatura de la Ribeira Sacra a Patrimonio de la Humanidad está realizando un periplo por toda Galicia e estará en diferentes localidades no que queda de ano para recoller firmas de apoio á candidatura, ademais de repartir material informativo e publicitario sobre esta zona, formada por 21 municipios, 13 de Lugo e 8 deOurense.
       Posteriormente, a partir de 2014, ese autobús promocional desprazarase a outras localidades de España para recompilar apoios á candidatura fóra de Galicia.

      Patrimonio da Humanidade ou Patrimonio Mundial é o título conferido pola Unesco a sitios específicos do planeta que foron nomeados e confirmado para a súa inclusión na lista mantida polo Programa Patrimonio da Humanidade. O obxectivo do programa é catalogar, preservar e dar a coñecer sitios de importancia cultural ou natural excepcional para a herdanza común da humanidade. Baixo certas condicións, os sitios mencionados poden obter financiamento para a súa conservación do Fondo para a conservación do Patrimonio da Humanidade. No ano 2013, o catálogo consta de 981 sitios, dos cales 759 son culturais, 193 naturais e 29 mixtos, distribuídos en 160 países. Italia ten o maior número de sitios (49) catalogados como "Patrimonio da Humanidade" seguida de España, China, Alemaña, Francia, e México. 

6 dic. 2013

O AUTOBÚS DE APOIO Á RIBEIRA SACRA ESTARÁ A PARTIR DO LUNS EN QUIROGA

          O autobús da campaña de apoio da candidatura da Ribeira Sacra a ser Patrimonio da Humanidade chegará a Quiroga o vindeiro luns, día 9. Ata o de agora o autobús leva recollidas 5.000 firmas por todos os concellos que visitou dentro da provincia de Lugo.
          O autobús permanecerá en Quiroga ata o mércores once de decembro, e estará situado na praza España, para que todos os veciños que o desexen poidan asinar no libro oficial da Unesco. Ademais de deixar a súa sinatura, poderán atopar material promocional da campaña e información sobre a Ribeira Sacra.
          O autobús promocional, rotulado con imaxes da propia Ribeira Sacra, que forma parte da campaña da Deputación Provincial de Lugo para promocionar por toda España a candidatura de la Ribeira Sacra a Patrimonio de la Humanidad está realizando un periplo por toda Galicia e estará en diferentes localidades no que queda de ano para recoller firmas de apoio á candidatura, ademais de repartir material informativo e publicitario sobre esta zona, formada por 21 municipios, 13 de Lugo e 8 deOurense.

          Posteriormente, a partir de 2014, ese autobús promocional desprazarase a outras localidades de España para recompilar apoios á candidatura fóra de Galicia.

5 dic. 2013

A MOSTRA DO ACEITE TRASLADARASE AO MES DE MAIO

      Hoxe  tivo lugar no Concello  a primeira reunión da Comisión Organizadora da  Mostra do Aceite, presidida polo Alcalde e coa asistencia dos colleiteiros e persoal da organización.

      Despois  de avaliar a pasada edición para mellorar  naqueles aspectos  que se poida,  e como cabe esperar, facer que esta XIV MOSTRA DO ACEITE DE QUIROGA, recoñecida este ano como Festa de Interese Turístico de Galcia supere a tódalas anteriores. Os temas  tratados nesta primeira reunión foron os seguintes:

Escoller a data de celebración do evento que sufrirá un atraso no tempo pasando a celebrarse  no mes de maio, posiblemente o  día 18. Este atraso responde as seguintes razóns:
-Mellora na presentación do produto por estar máis decantado e clarificado.
-Mellora nas condicións meteorolóxicas, por ser esta mostra ao aire libre nun entorno privilexiado, permitirán aos asistentes disfrutar máis do evento e do entorno.
-Necesidade de establecer unha data fixa para este xa consolidado evento.

         Outro dos temas tratados foi a creación dun Comité de Cata integrado por persoas do municipio para a realización da mesma o día da mostra.

       As condicións de partición para as persoas interesadas en acudir a  mostra co produto son as  mesmas que en anos anteriores.
- A cantidade mínima que ten que posuír cada colleiteiro que desexe participar no certame  debe superar os 200 litros.
- Os participantes na mostra deben  aboar   100,00€  a hora de realizar a súa inscrición.




O CONCELLO ULTIMA AS ACTIVIDADES PARA O NADAL

      Dentro da ampla oferta cultural do Concello de Quiroga para as  Festas de Nadal, o día 20 ás 12:30h. terá lugar no Telecentro  unha videoconferencia con Papá Nöel a que poden acudir todos os nenos e nenas que o desexen para facer as súas peticións.
       Xa o sábado día 21 a partir das 19:00h. terá lugar no Auditorio Municipal  o Concerto de Nadal coa  actuación  da Coral Polifónica de Quiroga , do Grupo de Danzas e da Banda de Gaitas “San Martiño” de Quiroga, Grupo de Danzas “Arume de Queiruga” e coa actuación Grupo de Alumnos que acoden ás clases de música organizadas polas  Áreas de Educación e Xuventude.
    No transcurso de este acto, entregaranse os premios do Concurso de Postais e  do IV Certame de Relato Curto organizados dende Áreas de Xuventude e Educación.
      O día 22, coa colaboración da Rede de Dinamización Lingüística terá lugar no Auditorio Municipal a representación de Títeres “ O Crebanoces”
       O día 27, o grupo de teatro do Centro Social de Quiroga, en colaboración coa área de Igualdade representará a obra de teatro “Avós…Nunca é Tarde”.

      A Programación de Nadal, que se prolongará ata o día 5 de xaneiro inclúe  numerosos actos para tódolos públicos. Cabe salientar o concerto didáctico de Zanfona a cargo de Víctor Soto o día 4 de xaneiro, a Cabalgata de Reis, a ludoteca de Nadal, Campionato de Fútbol de Nadal, obradoiros e campionatos nos pubs da vila. 

2 dic. 2013

O CONCELLO VAI POÑER EN MARCHA ESTA SEMANA AS CENTRAIS FOTOVOLTAICAS DOS EDIFICIOS PÚBLICOS

O concello de Quiroga vai poñer en marcha, ao longo desta semana as novas instacións de centrais fotovoltaicas colocadas en distintos edificios públicos.

          Colocáronse pequenas centrais fotovoltaicas de produción de enerxía eléctrica, de 10 kilowatios de potencia nominal, nas cubertas do Auditorio Municipal, da Casa da Cultura, do CEIP de Quiroga e do Pavillón Polideportivo Municipal.

Asemade tamén se realizou a instalación de pequenas centrais fotovoltaicas de produción de enerxía eléctrica, de 10 kilowatios de potencia nominal, na Escola Infantil Galiña Azul, que compartirá cos garaxes da Praza España; na depuradora municipal, que compartirá coas Piscinas Municipais e o Campo de Fútbol; e na Estación de Tratamento de Auga potable.

          A instalación destas centrais suporá para o concello de Quiroga unha fonte de aforro enerxético de 20.000 euros ao ano e consecuentemente a redución dos custes correspondentes.

          O  funcionamento das centrais é na modalidade de autoconsumo. Isto supón que a produción da planta destinarase a abastecer o consumo enerxético do inmoble. Nos momentos nos que no inmoble non haxa demanda, o excedente verterase a rede. Polo contrario, cando a produción da planta fotovoltaica sexa nula ou simplemente non sexa suficiente como para abastecer a demanda, tomarase a enerxía da rede de distribución do mesmo xeito que se fai na actualidade. Os sistemas fotovoltaicos transforman a enerxía solar incidente en enerxía eléctrica. 


29 nov. 2013

CONCURSO DE POSTAIS E OBRADOIROS DE ADORNOS DE NADAL PARA O MES DE DECEMBRO

O departamento de educación do concello organizou con motivo do Nadal un concurso de postais de nadal, e dous obradoiros: un de confección de adornos para a árbore de Nadal e outro para o adorno das carrozas dos reis magos, este último en colaboración coa área de xuventude.

O concurso de postais de Nadal vai dirixido a nenos e nenas de 3 a 12 anos. A postal ten que versar sobre o tema do Nadal e ocupar medio folio. Estes traballos deberán presentarse na casa da culturalantes do día 16 de decembro, acompañados dun sobre pechado que conterá os datos do autor.

O concurso conta con cinco categorías, de 3 a 4 anos, de 5 a 6, de 7 a 8, de 9 a 10 e a última categoría para o rapaces e rapazas de 11 a 12 anos. Os gañadores de cada unha das categorías recibirán premios sorpresa.

 O obradoiro de confección de adornos para a árbore de Nadal desenvolverase os  mércores 4, 11 e 18 de decembro na aula da Ludoteca; en horario das cinco menos cuarto da tarde ás seis.

Nestes mesmos días desenvolverase o Obradoiro para adornar as carrozas dos Reis Magos, pero o seu horario será dende as seis da tarde ás oito do serán na Casa da Cultura.

Os interesados en participar nalgún destes obradoiros deben de inscribirse na Casa da Cultura persoalmente ou a través do teléfono 982.43.51.25.


A RUTA DO FERRADAL E A RUTA DA LUCENZA NUNHA GUIA DO CONSORCIO DA RIBEIRA SACRA

            O Consorcio da Ribeira Sacra editará tres novas guías turísticas, unha das cales será a primeira que este organismo dedica de forma exclusiva ás rutas de sendeirismo. As tres guías serán editadas en papel e tamén poderán conseguirse a través de Internet. A guía de sendeirismo contará cunha web propia e un pouco máis adiante tamén estará dispoñible nunha aplicación para teléfonos móbiles.
          A edición da guía forma parte dunha iniciativa coa que o consorcio pretende potenciar as rutas de sendeirismo como recurso turístico. Durante a súa preparación negociouse cos vinte e un concellos da zona, a cada un dos cales se lle ofreceu a posibilidade de seleccionar dúas rutas situadas no seu territorio para ser incluídas na guía. A condición que se puxo que os concellos se comprometesen a manter os camiños en estado transitable ao longo de todo o ano.
          Quiroga terá duas rutas nesta guía a Ruta do Ferradal e a Ruta da Lagoa da Lucenza na Seara. O Camiño Ferradal ou da Caleira ten un recorrido aproximado de 10,5 km, desenvólvese de xeito íntegro nas parroquias de Bendollo, Paradaseca e Vilarmel. Une os lugares de Rugando, Paradapiñol, Paradaseca e Ponte Soldón cun percorrido de 10,5 km. Comúns á meirande parte dos camiños tradicionais asentados sobre o substrato rochoso natural, as rodadas esculpidas no chan dos típicos carros de bois do país están tamén aquí presentes como proba dun continuado uso desta vía no tempo, probablemente para o transporte do ferro producido na ferrería de Rugando e do cal cocido nos fornos da zona.

          A outra das rutas seleccionadas, entre a aldea da Seara e a lagoa de orixe glaciar da Lucenza, de 11,7 km de recorrido é  unha das rutas de sendeirismo máis destacadas da serra do Caurel. Nesta ruta podese ver O Fócaro, unhas das fervenzas máis espectaculares da serra do Caurel, cuns 30 metros de altura e cun caudal bastante estable durante todo o ano. Tamén é posible contemplar un dos maiores saltos de auga da serra: a fervenza de Navaregas de preto de 70 metros. A lagoa da Lucenza ten uns 70 m de diámetro e pode chegar a secarse a finais dos veráns máis secos. É de orixe glaciar e a súa antigüidade remóntase ao Plistoceno Superior, hai máis de 16.000 anos. O percorrido ata este punto é de 2,8 quilómetros.

19 nov. 2013

O LIBRO INFANTIL "DRAGÓNS NO CAUREL", PRESÉNTASE MAÑÁ NA CASA DA CULTURA

          Mañá mércores, a partir das once da mañá, a Casa da Cultura acollerá a presentación do libro de literatura infantil “Dragóns no Caurel”, da escritora  Francesca D´a Silva.
Nesta actividade colabora o CEIP de Quiroga e o Concello de Quiroga que xunto coa editorial Elvira e a autora desenvolverán a actividade a que acudirán os alumnos do CEIP e as perosoas interesadas.
O libro da editorial Elvira, dirixido a nenos e nenas de ata 12 anos, dá o pistoletazo de saída á nova Colección Infantil da editorial, cun deseño moi particular que non deixará indiferente a ninguén.
Natural de Ferrol e veciña de Vigo, a escritora e ilustradora Francesca López da Silva ten raíces familiares en Quiroga, onde presentará o libro infantil Dragóns non Courel nun acto ao que asisitirán alumnos do colexio público local. A obra foi publicada recentemente pola editorial viguesa Elvira. López da Silva publicou anteriormente o libro Pequeno dicionario equivocado.
A escritora dixo que escolleu O Courel para ambientar a súa historia porque as vivencias que tivo nesta comarca de nena marcárona moito. A súa familia paterna é de Quiroga e ela pasaba aquí os veráns. Os seus parentes eran amigos de Ánxel Fole e presenciou as conversacións que tiña co seu tío cando este escritor vivía en Quiroga. Recoñece que a natureza e o mundo tradicional destas terras influírona moito na infancia. Aquí coñeceu o campo e todo o que vía chamáballe moitísimo a atención: as montañas, as árbores, os animais... Imaxinábase que nas covas da serra vivían dragóns e seres fantásticos e tentou recoller esas imaxinacións infantís neste libro. A escritora afirma que quixo reflectir a visión desta terra a través dos ollos dunha nena.

Pretende que a historia reflecta o mundo mítico galego, pero dunha forma algo suavizada. No conto introduciu o personaxe dun trasgo chamado Barucho que en realidade é un veciño de Quiroga, unha persoa de carne e óso que lle contou moitas cousas desa terra. A historia mestura ademais as lendas galegas coa mitoloxía irlandesa. 

14 nov. 2013

VIDAL ROMANÍ E AURORA GRANDAL DE VISITA COS SEUS ALUMNOS NO MUSEO XEOLÓXICO

 O director do Instituto Universitario de Xeoloxía “Isidro Parga Pondal”, Juan Ramón Vidal Romaní, e a doutora, Aurora Grandal d’Anglade, acompañados dos alumnos de primeiro curso da Facultade de Ciencias da Universidade da Coruña, visitaron esta maña o museo Xeolóxico de Quiroga. Vidal Romaní e Aurora Grandal colaboraron co concello de Quiroga na dotación de contido deste museo pioneiro en Galicia.
     Os contidos do museo xiran ao redor do impresionante patrimonio xeolóxico e paleontolóxico da nosa comarca, constituíndo unha temática singular e atractiva para dar a coñecer esta parte do patrimonio natural. Os alumnos poideron ver os dous paneis de grandes que abren o museo, un sobre a ruta xeolóxica da comarca de Quiroga e outro no que se explican os principais acontecementos da Historia Xeolóxica e Paleontolóxica de Galicia.
O museo está dividido en cinco salas. A primeira está adicada a formación do territorio de Galicia, nesta sala o plegamento de Campodola é o maior representante, tamén se poden ver varias mostras de minerais e rochas presentes na nosa comarca. A segunda sala centrase na historia paleontolóxica, onde se amosan diferentes fósiles animais; entre os que destacan os da era Cuaternaria, como o oso das cavernas, a hiena, o rinoceronte lanudo, o uro, o cervo, o xabaríl e o corzo, todos eles poboadores da nosa serra. A terceira sala é a da idade dos xeos, representada por cantos de depósitos glaciares recollidos na zona da Lucenza, nela explicase porque se producen as glaciacións. A cuarta das salas centrase nas primeiras ocupacións humanas da zona, aquí amosanse as posibles liñas de penetración do home en Quiroga. Nesta sala podense ver dez cránios dos primeiros humáns e ferramentas líticas do Paleolítico e do Neolítico, atopadas na zona da Hermida. Finalmente a última sala, na que se expoñen bloques de distintos minerais collidos na zona representa a parte da nosa minería. Hai ferro recollido na veneira de Vieiros, cal de Cereixido, lousa de Pacios da Serra, ouro de Montefurado e Antimonita de Vilarbacú. Estes minerais están acompañados dunha explicación sobre a súa explotación e transformacióntribuír de xeito activo á súa protección.

As instalacións do Museo Xeolóxico de Quiroga son o punto de partida para unha Ruta Xeolóxica. Cara esta ruta partiron os alumnos e os profesores para contemplar e entender sobre o propio terreo os principais elementos que constitúen as distintas salas temáticas nas que se articula. Daquela o sinclinal do Caurel (pregamento de Campodola-Leixazós), as zonas mineiras (Pacios da Serra, Montefurado, Vilarbacú etc), os vales glaciares da Seara e Vieiros, os restos fósiles da fauna do Cuaternario e anterior e as primeiras testemuñas da presenza humana nesta zona, conforman esta ruta.

8 nov. 2013

QUIROGA CELEBRA O LUNS A FESTA DO SEU PATRÓN

        Numerosas actividades son as organizadas dende o concello con motivo da  festa do San Martiño, patrón da vila, que comezarán xa mañá sábado cunha obra de teatro a cargo do grupo  de teatro A Adala de Foz, ás sete da tarde no auditorio municipal, actividade enmarcada dentro do programa “Buxiganga” da Deputación Provincial.

O domingo a banda de gaitas San Martiño fará un pasarrúas e ofrecerá un concerto diante da casa consistorial a unha da mediodía.
O luns, día de San Martiño e festa local, ás doce da mediodía se o tempo o permite celebrarase a procesión na que o Santo homenaxeado recorrerá a Praza Maior. Ao remate dos actos relixiosos actuarán o grupo de danzas Arume da Queiruga acompañado da banda de gaitas San Martiño. Pola tarde, a partir das catro, xogos populares para os máis pequenos e a partir das sete da tarde castañas  asadas e o viño novo, amenizadas pola música do duo Fondo Tropical, e nun descanso da festa, sobre as nove da noite terá lugar a entrega de premios dos os rapaces que participen nos xogos populares.

Dentro das actividades programadas para a celebración das festas do noso patrono haberá un lugar destacado para os deportes, xa que o sábado haberá fútbol sala feminino no pavillón municipal ás seis da tarde, partido importantísimo para as futbolistas quiroguesas xa que se enfrontan o líder da clasificación o Adarve, e  o domingo ás catro e cuarto fútbol no campo do San Martiño, o Quiroga recibe ao Laiosa; e o luns, ás once da mañá celebrarase a Carreira Popular San Martiño, na carreira de caracter local, haberá como sempre varias categorías para rapaces e rapazas de 6 a 15 anos, a saída e medta estará situada diante da casa consistorial e o recorrido será dentro da casco urbán.

O FUME DUN EDIFICIO ALERTA AOS SERVIZOS DE EMERXENCIAS

          Preto da media noite de onte, o fume que aparecía nun edificio da rúa Anxel Fole movilizou a veciños e medios de emerxencias. Os veciños do edificio o percatarse do forte cheiro a fume alertaron ao 112 que movilizou os servizos de emerxencia locais, policía local, grupo de emerxencia e unha ambulancia. Tamén acudiron a chamada dous camións de bombeiros de Monforte e a Garda Civil.
Os grupos de emerxencia comprobaron durante máis dunha hora as posibles causas do fume pero non chegaron a atopar o lugar no que se produxo, ainda que todo parecía indicar que era causado nas chemineas das caldeiras e campanas extractoras do edificio.

Afortunadamente todo quedou nunha falsa alarma e os veciños puideron retirarse tranquilos aos seus domicilios.

29 oct. 2013

CÓCTEL DE SANGUE E MERENDA DE MEDO PARA CELEBRAR O SAMAÍN

        A área de educación do concello organizou para este xoves unha festa de Halloween ou Samaín, a partir das cinco da tarde na Casa da Cultura para todos os rapaces e rapazas.
Os rapaces que acudan a festa serán recibidos cun coctel de sangue e posarán nun Photocall. Despois poderán disfrutar dunha merenda de medo.

E tras a merenda xogos, coa busca do tersouro perdido na casa da cultura, piñatas e pintura de cara.

21 oct. 2013

A CASA DA CULTURA ACOLLE MAÑÁ UNHA CHARLA SOBRE O ALZHEIMER

          O concello de Quiroga, a través do departamento de servizos sociais, porá en marcha un programa de actividades  destinado á estimulación cognitiva, psicomotriz e  da memoria  en persoas maiores que sofren deterioro cognitivo.   

Este programa consta de  dous  obradoiros  diferentes,  pero relacionados entre si, que terán como obxectivo  a prevención e mellora  de enfermidades cerebrais, especialmente a enfermidade de alzheimer e as caracterizadas pola perda aillada e obxectiva da memoria, preténdese desenvolver as capacidades cognitivas, de psicomotricidade e memoria nas persoas que sofren deterioro nestes aspectos.

O punto de partida  destas actividades  será unha charla que terá lugar mañá pola tarde, a partir das seis, na casa da cultura. A charla baixo o título: “alzheimer, que podemos facer entre todos”, está organizada polo departamento de servizos sociais do concello en colaboración coa  asociación de familiares e enfermos de alzheimer e outras demencias (Afamon). Os encargados de impartila serán o traballador social e a psicóloga desta asociación que darán pautas básicas sobre esta enfermidade.


A charla está aberta a todas as persoas interesadas.

18 oct. 2013

A CASA CONSISTORIAL CONTA CUNHA CONEXIÓN WIFI GRATUITA

        A Deputación de Lugo puxo en marcha en Quiroga a conexión wifi gratuita instalada no concello. Esta iniciativa forma parte do plan Innova-te, que inclúe a posta en mrcha destas redes abertas e tamén un servizo de asesoramento tecnolóxico para os funcionarios municipais.


A conexión inclúe tres puntos wifi, dous no interior da casa consistorial e outro no exterior do edificio. Estes puntos de conexión contarán cunha velocidade de 256 kilobaits por segundo, o máximo legal permitido para estes servizos prestados por administracións públicas. Deste xeito, os veciños dispoñerán de acceso a Internet libre e gratuito dende calquera dispositivo móbil: ben un ordenador portátil, PDA ou teléfono,  a espazos web coma páxinas institucionais, redes sociais ou correos webmail.

16 oct. 2013

CAMIÑATA EN SOLIDARIDADE CO DIA INTERNACIONAL DO CANCRO DE MAMA

            O Centro de Información á Muller do concello, dependente da área de Igualdade e Benestar, ten organizada a camiñata que realiza todos os anos con motivo da conmemoración do día Internacional do Cancro de Mama.

A camiñata está prevista para este venres, 18 de outubro. Como todos os anos, os participantes partirán ás cinco e media da tarde dende as inmediacións do Auditorio Municipal e dirixiranse polas Barrancas ata o paseo fluvial, onde recorrerán o seu quilómetro de extensión.

          Todas as persoas que queiran solidarizarse coas persoas que padecen esta enfermidade, soamente teñen que acudir á hora prevista ao lugar de saída.


10 oct. 2013

CHARLA SOBRE AS AXUDAS PARA A PLANTACIÓN DE CASTIÑEIROS DE FROITO

         A Casa de Cultura acollerá esta tarde unha charla informativa sobre as axudas que concede a Xunta de Galicia para a plantación de castiñeiros para froito.
A charla estará impartida por un técnico da Xunta de Galicia, e comezará ás seis e media da tarde.
     Serán subvencionables os gastos de plantación forestal e de área de defensa contra incendios forestais, a prima de mantemento e as infraestruturas de acompañamento ou obras complementarias das novas forestacións (peche, apertura e arranxo de pista forestal).

       Estas axudas financiaranse con cargo ao Programa de Desenvolvemento Rural de Galicia, cunha achega do Fondo Europeo Agrícola de Desenvolvemento Rural (FEADER) do 75%.                                         

3 oct. 2013

AVENTURA E MAXIA ESTE SÁBADO NA CASA DA CULTURA

        A Casa de Cultura acolle este sábado, a partir das sete, o espectáculo de Chrystyan Magic, "Na senda da serpe alada", unha historia de aventura, fantasía e valores.
Esta actividade, organizada pola área de Cultura do concello, forma parte do programa Ler conta moito, programa de dinamización da lectura nas bibliotecas públicas promovido pola Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia.
          Na senda da serpe alada" é un espectáculo de animación á lectura e de dinamización da lingua presentado por ChrystyanMagic e baseado no conto de mesmo nome. Da chistera do mago sairán ducias de xogos de ilusionismo que revivirán as aventuras do seu protagonista, Chrystyan, y do vello mago Bosco. As  aventuras transcurrirán perdidos nos labirintos que atravesan o chano dun castro e do gran bosque que o rodea e… que está protexido por mouros.

COMEZA A REMODELACIÓN DA ZONA MÁIS COMERCIAL DA RÚA REAL

Comezaron as obras de remodelación da zona máis comercial da rúa Real, o tramo á altura da casa consistorial.

O goberno local decidiu levar a cabo esta remodelación contando cunha subvención da Consellería de Economía e Industria e porque dende o ano 1990 non se levou a cabo ningunha remodelación nesta zona.

As obras que inclúen a remodelación total de bordillos, plaqueta das beirarrúas e cambio de mobiliario urbán, así como a sustitución de puntos de alumeado público por lámpadas led; deberán estar rematadas a finais de novembro deste mesmo ano.


O presuposto de contrata desta obra supera os 150.000 €.

27 sept. 2013

CULTURA ORGANIZA UNHA VIAXE PARA ASISTIR AO ESPECTÁCULO QUIDAN DO CIRCO DO SOL

         A área de cultura do concello organizou unha viaxe á Coruña para a sistir ao espectáculo do Circo do Sol. O espectáculo que presentan, baixo o nome de Quidam, terá lugar o día 26 de decembro a partir das cinco e media da tarde no coliseum da Coruña.
O prezo orientativo desta actividade, dirixida a maiores de quince anos,  é duns 50 €.

As persoas interesadas en participar deberán de inscribirse dende o luns 30 de setembro ata o venres catro de outubro, para poder reservar as entradas, na Casa da Cultura, onde tamén recibirán máis información.

20 sept. 2013

O PROXECTO DE MELLORA DA RÚA REAL XA SE PODE CONSULTAR NA CASA DO CONCELLO



O  goberno municipal vai mellorar o pavimento e o mobiliario urbán do primeiro treito da rúa Real. O proxecto estará exposto durante a vindeira semana no salón de plenos da casa consistorial para poder ser consultado por todos os veciños interesados.

O goberno local decidiu levar a cabo esta remodelación contando cunha subvención da Consellería de  Industria e Comercio, porque dende o ano 1990 non se levou a cabo ningunha remodelación nesta zona. As obras que inclúen a remodelación total de bordillos, plaqueta das beirarrúas e cambio de mobiliario urbán, así como a sustitución de puntos de alumeado público por lámpadas led; deberán estar rematadas a finais de novembro deste mesmo ano. O presuposto de contrata desta obra supera os 150.000 €.


Deste proxecto informouse esta mañá á mesa do comercio que se reunia esta mañá . A mesa acolleu favorablemente a proposta de dinamización da zona. 

Mercado de artigos de segunda man.

Na reunión da mesa do comercio de Quiroga tratouse outro tema que lles propuxo o concello, o acordo que se tomou na pasada sesión plenaria sobre a posta en marcha dun mercado veciñal de artigos de segunda man. A mesa estivo de acordo con esta iniciativa e acordou falar cos comerciantes e crear unha normativa que regule este mercado. 

SERVIZOS SOCIAIS DO CONCELLO VAI POÑER EN MARCHA DOUS OBRADOIROS PARA A PREVENCIÓN DO ALZHEIMER

          O concello de Quiroga, a través do departamento de servizos sociais, porá en marcha un programa de actividades  destinado á estimulación cognitiva, psicomotriz e  da memoria  en persoas maiores que sofren deterioro cognitivo.   

Este programa consta de  dous  obradoiros  diferentes,  pero relacionados entre si, que terán como obxectivo  a prevención e mellora  de enfermidades cerebrais, especialmente a enfermidade de alzheimer e as caracterizadas pola perda aillada e obxectiva da memoria, preténdese desenvolver as capacidades cognitivas, de psicomotricidade e memoria nas persoas que sofren deterioro nestes aspectos.

O punto de partida  destas actividades  será unha charla o día 22 de outubro, na casa da cultura, ás 18:00h co título: “alzheimer, que podemos facer entre todos”, organizada polo departamento de servizos sociais do concello en colaboración coa  asociación de familiares e enfermos de alzheimer e outras demencias (Afamon). A charla  conmemora   o día internacional do alzheimer que se celebra o  vindeiro día 21  de setembro.

As actividades  impartiranse mediante dous obradoiros que comezarán no mes de novembro. Un deles versará sobre a “estimulación cognitiva e psicomotriz”, con dúas sesións semanais en horario de mañá, e outro será un “obradoiro de memoria” que  terá un horario de tarde cunha sesión única de dúas horas.

No desenvolvemento   das actividades, tanto do obradoiro de estimulación cognitiva e psicomotricidade como o de memoria  colabora  persoal da asociación  Afamon.

Nos  próximos días  vaise abrir o plazo de  inscrición para os dous obradoiros, que terán límite de plazas  e  unha cota mensual para cada participante.  





17 sept. 2013

O SERVIZO MUNICIPAL DA AUGA XESTIONARASE DENDE O CENTRO DE FORMACIÓN OCUPACIONAL

O concello de Quiroga puxo en marcha unha oficina da Auga, no centro de Formación Ocupacional Pía Páxaro, na que se xestionarán todos os temas relacionados con este servizo municipal.

A oficina funcionará de luns a venres en horario de nove da mañá a duas da tarde.

Pero ademáis puxo a disposición de todos os veciños tres teléfonos, aos que se pode chamar en caso de uxencia, que son o 618.649.814, o 649.819.052 e o 982.428.355.

Tanto a oficina como os teléfonos de urxencias xa se atopan operativos.




12 sept. 2013

A ALCALDÍA DE QUIROGA CAMBIA OS TENENTES DE ALCALDE

    
       A alcaldía de Quiroga, e na súa representación o alcalde presidente, Julio Alvarez, tomou a decisión de modificar os tenentes de alcalde da corporación e polo tanto os membros que compoñen a Xunta de Goberno Local.

Así aos tenentes de alcalde, quedarán do seguinte xeito, primeiro tenente de alcalde segue sendo Ana Nuñez García, o segundo tenente de alcalde pasa a ser Manuel Mondelo Rodríugez e o terceiro tenente de alcalde Loli Sánchez Durán.

En canto a xunta de Goberno Local estará formado polos concelleiros que son tamén tenentes de alcalde, Ana Nuñez García, Manuel Mondelo Rodríguez e Loly Sánchez Durán.

Destes nomeamentos así como dos ceses dos anteriores feitos mediante resolución da alcaldía deberá de darse conta ao pleno da corporación na primeira sesión que se celebre.

10 sept. 2013

A AUGA DE QUIROGA VOLTA A SER XESTIONADA POLO CONCELLO

       O concello de Quiroga rescindiu o contrato que mantiña coa empresa Aqualia sobre a xestión da auga. Tras chegar a un acordo coa empresa e tras a súa aprobación na pasada sesión plenaria, esta mañá asinábase oficialmente a documentación  que o acredita entre o concello de Quiroga, representado polo alcalde, Julio Alvarez, e a empresa, por medio do seu representante José Luis García Ibañez.
          Todo o material que tiña no seu poder Aqualia para o mantemento do sistema de abastecemento de auga de Quiroga pasa así a mans do concello. Os dous empregados cos que contaba a firma pasan a formar parte do cadro de persoal municipal.
A empresa  renuncia a reclamar xudicialmente unha indemnización e o concello devolvelle á firma o aval que esta presentou no ano 2005, cando se fixo coa concesión da auga. Este acordo que se asinou hoxe amistosamente, foi negociado durante os últimos meses.

A partir de agora, a xestión da auga volta a ser responsabilidade directa do concello, e o concelleiro José Enríquez terá a responsabilidade de supervisar este servizo.

3 sept. 2013

QUIROGA ACOLLERÁ UN OBRADOIRO TEATRAL DO PLAN GALEGO DE PERSOAS MAIORES DA SECRETARÍA XERAL DE IGUALDADE


A Xunta de Galicia a través da Secretaría Xeral de Igualdade está a impulsar un programa pioneiro para que as persoas maiores sexan transmisoras dos valores da igualdade entre os seus netos e netas menores. O programa consiste na organización de obradoiro teatrais nos que se reflexiona sobre cuestións como a socialización diferencial por xénero, o obxetivo é utilizar o teatro como medio de intervención. Un destes obradoiros desenvolverase en Quiroga.
 
Esta iniciativa enmárcase no Plan Galego de Persoas Maiores 2010-2013 e desenvólvese a través do proxecto transnacional 'Eles tamén', impulsado por Galicia, en colaboración con Castela León e Portugal.
 
O obxectivo é utilizar o teatro como medio de intervención; transformación da realidade e conciencia social para a ruptura dos estereotipos de xénero, a partires da reflexión individual das persoas maiores que exercen labores de coidado e atención de menores.
 
Neste sentido, a Secretaría Xeral da Igualdade programou catro obradoiros, un por provincia, coa colaboración das entidades locais participantes. Tras o bo resultado do primeiro obradoiro en Padrón (A Coruña), o pasado mes de decembro; a partires de setembro celebraranse os de Verín (Ourense); Vila de Cruces (Pontevedra) e Quiroga (Lugo).
 
A duración de cada obradoiro é de arredor de 45 horas distribuídas en 15 sesións e nel abordaranse contidos como a corresponsabilidade; a educación non sexista; o uso de tempos e espazos; os estereotipos de xénero ou a distribución sexual dos traballos. Os participantes son homes e mulleres de idades comprendidas entre os 45 e 75 anos.
 
As persoas interesadas en participar neste obradoiro deben de inscribirse no Centro Social ou no Centro de Información á muller e acudir o luns, día 16 de setembro ao Centro Social ás catro da tarde.                     
 
A obra de teatro 'Avós, nunca é tarde', representarase ante o público de cada un dos concellos participantes o vindeiro mes de decembro. Trata da loita da filla dunha familia moi tradicional por conseguir que a vida no seu fogar sexa máis xusta e igualitaria.

29 ago. 2013

MAIS DUNHA VINTENA DE POETAS PARTICIPAN NO XV ENCONTRO DE POETAS NO VAL DE QUIROGA


O vindeiro sábado 31 de agosto a partir das 11 da mañá na Casa da Cultura, terá lugar o décimo quinto Encontro de Poetas no Val de Quiroga, organizado polo grupo poético Amencer Quirogués e o Concello de Quiroga.
 
Un ano mais os poetas da comarca, Xesús Galán e Pepe Pol, serán os encargados de presentar o acto onde Dona Martina Campos actuará como pregoeira deste certame.
 
A este acto acoden cada ano máis poetas, tanto da nosa Comunidade coma doutras da xeografía española, todos eles co afán de potenciar este xénero literario. Máis dunha vintena de poetas, algúns que xa veñen participando dende a primeira edición deste certame e outros que se incorporan por primeira vez paticiparán nesta nova edición do Encontro de Poetas. O acto contará con música en directo, nesta ocasión o cargo do cantautor Javier Sotuela.
 
Con este Certame o Concello de Quiroga quere fomentar o interese pola literatura en xeral e pola poesía en particular, ademais de ofrecer a posibilidade de desenvolvemento da creatividade de todos os poetas, algúns ata este intre no anonimato, que atopan neste tipo de eventos o lugar axeitado para expresar e mostrar a súa obra.
 
Unha vez rematado o evento entregaraselles a todolos participantes do certame un pequeno detalle para agradecerlles a sua participación neste novo encontro de poetas no Val de Quiroga.

26 ago. 2013

A 5ª ETAPA DA VOLTA CICLISTA A ESPAÑA PASARÁ POR QUIROGA O 28 DE AGOSTO


A 5ª etapa da Volta Ciclista a España pasará por Quiroga. O día 28 de agosto, mércores a partir da unha da mediodía, cruzará a rúa Real a volta a España 2013. Pero dende unha hora antes xa se poderá ver a caravana que acompaña aos ciclistas.

A quinta etapa da volta ciclista sairá dende Sober e pasará pola Rúa Real de Quiroga e o Toucedo, en dirección á Rúa, para rematar nos Lago de Sanabria, tras recorrer 174 Kilómetros.

A volta comezaba esta ano en Galicia, concretamente o 24 de agosto en Vilanova de Arousa.

17 ago. 2013

AS ÁREAS DE EDUCACIÓN E XUVENTUDE ORGANIZAN UNHA VIAXE O AQUAPARK


As áreas de Educación e Xuventude organizaron unha viaxe ao Aquapark en Cerceda para os rapaces e rapazas de 10 a 30 anos.
 
Os mozos interesados en facer esta excursión, que ten un custo de 10 €, deben inscribirse previamente na Casa da Cultura, xa que hai prazas limitadas.
 
A excursión vai a ter lugar o martes 27 de agosto, ás nove da mañá sairíase dende a Casa da Cultura e a volta dende Cerdeda cara Quiroga ás sete da tarde.

12 ago. 2013

ESTABILIZADO O INCENDIO QUE COMEZOU ONTE EN VILANUIDE


Arestora continúa activo, malia que estabilizado e sen chama, o incendio forestal iniciado en Quiroga, na parroquia de Vilanuíde, e que tamén afectou á parroquia de Seadur, no concello ourensán de Larouco.
          Así o confirmou este mediodía a conselleira do Medio Rural e do Mar, Rosa Quintana, desde o Posto de Mando Avanzado no que se coordinan as tarefas de extinción. A conselleira –que estivo acompañada polo secretario xeral de Medio Rural e Montes, Tomás Fernández-Couto– indicou que actúan na zona 2 helicópteros e que no momento en que a néboa permita que se incorporen os demais medios aéreos o farán.
          A titular de Medio Rural e do Mar sinalou tamén que segundo datos preliminares a superficie afectada polo lume se sitúa arredor das 500 hectáreas. Destacou tamén que na extinción deste lume traballaron todos os medios dispoñibles (máis de 36 brigadas, 18 motobombas, efectivos da UME, 8 avións e 8 helicópteros), cunha excelente coordinación e sinalou que “en principio, o perigo pasou”.
          O lume comezou ás 17:20 horas de onte domingo e ás 13:03 horas de hoxe quedou desactivado o nivel 1, decretado onte ás 20:30 horas pola Consellería do Medio Rural e do Mar como medida preventiva pola súa proximidade aos núcleos de poboación.
          Nos traballos de extinción deste incendio participaron onte 2 técnicos, 14 axentes forestais, 36 brigadas, o grumir de Quiroga, 19 motobombas, 2 palas, 8 helicópteros e 8 avións. Tamén se pediu colaboración á Unidade Militar de Emerxencias (UME).
Sobre as oito e media da tarde era declarado o nivel un de urxencia, de modo preventivo, debido á proximidade das chamas e o fume ás casas das parroquias de Vilanuiz, en Quiroga e de Seadur, en Larouco. Incluso o departamento autonómico de Medio Rural e do Mar, solicitarou reforzos á Unidade Militar de Urxencias (UME) para axudar a apagar as chamas.
Os maiores apuros vivíronse en Seadur, onde algúns veciños tiveron que ser desaloxados por precaución, pero xa volveron ás súas casas, onde tamén regresou o fluído eléctrico, que durante algún tempo estivo interrompido.

6 ago. 2013

VECIÑOS DE QUIROGA PÚBLICO DESTA TARDE NO PROGRAMA DE TELECINCO SÁLVAME DIARIO


47 persoas de Quiroga sairon esta noite cara Madrid para participar na grabación do programa Sálvame Diario de Telecinco en Madrid.
 
Previa á grabación do programa os excursionistas tiñan programado facer un paseo turístico pola cidade de Madrid.
 
A partir das catro da tarde e ata as oito do serán, poderemos ver aos quirogueses formar parte do público do programa presentado por Paz Padilla, a pregoeira da Feira do Viño de Quiroga no ano 2011.
 
Esta viaxe, totalmente gratuita, foi posible grazas á amizade que ten Manuel Villanueva, director de contidos de Mediaset España, co noso concello, e especialmente co rexedor local.