30 ago 2012

ORGANIZADO O 1º CONCURSO DE GRAFFITI "O VAL DE QUIROGA"


          O Departamento de Xuventude do concello de Quiroga, organíza o I Concurso de Graffiti, en colaboración coa Dirección Xeral de Xuventude, co tema “O Val de Quiroga”.
Neste concurso poden participar artistas individualmente ou en grupo cun máximo de tres persoas por grupo. No caso de menores de idade, é necesaria unha autorización por parte da nai/pai/titor legal para poder participar.
          Para inscribirse é necesario presentar a seguinte documentación:
          * Boceto en tamaño A3 co proxecto do graffiti que se pretende realizar.
          * Unha fotografía dun mural/graffiti ou obra realizada con anterioridade pola persoa ou grupo participante.
          * Listado de cores e materiais que se utilizarán, xa que os materiais a utilizar correrán a cargo do concello.
.        * Datos do autor ou grupo, con nome e apelidos, dni, teléfono e dirección.
Toda esta documentación presentarase nun sobre pechado na Casa de Cultura antes do venres día 21 de setembro.
          O día escollido para a realización dos debuxos será o sábado día 29 de setembro. No caso de malas condicións meteorolóxicas, a organización resérvase o dereito a modificar esta data.
Os gañadores/as do concurso clasificaranse en primeiro, segundo e terceiro, e, ademáis da realización do seu graffiti, que se corresponderá cos bocetos presentados ao concurso, nas inmediacións do Auditorio Municipal, levarán, o 1º,  150 €uros en material; o 2º,  75 €uros en material e o 3º,  35 €uros en material.
          Todos os gañadores/as comprométense a ceder os dereitos de propiedade intelectual do graffiti que van a realizar, ao concello de Quiroga.
           O concello de Quiroga quedará eximido de calquera responsabilidade derivada do plaxio ou de calquera transgresión da lexislación vixente que en materia de propiedade intelectual puidesen incorrer os participantes.

28 ago 2012

A "V RUTA DE MTB VAL DE QUIROGA" CELÉBRASE O DÍA 9 DE SETEMBRO


A área de deportes do concello organizou a V Ruta de Montainbike polo Val de Quiroga o domingo 9 de setembro.
 
          Ás 9.00h da mañá dará saída na Praza de España esta proba de carácter non competitivo que discurrirá por varias das zonas máis belas do val, nun ambiente perfecto para a práctica da MTB. Así tras sair da praza España recorrerase o paseo fluvial e sairase na zona da Ribeira para coller un tramo da ruta da Encomenda. Dende Caspedro subirase ata Castromouco para seguir polo alto da serra ata a Cruz das Eiras. Unha vez alí os ciclistas dirixirante cara Rugando, Baixando ata Ponte Soldón por Paradapiñol e Paradaseca. Paralelamente a N-120 seguirase por as Medas e entrarase a Quiroga dende o Toucedo.
 
O percorrido é aproximadamente uns 45 quilómetros, polo que a participación se restrinxe (pola elevada quilometraxe) a persoas maiores de 18 anos. Ó tratarse dunha ruta de carácter non competitivo faranse reagrupamentos en varios puntos, contando ademais con puntos de avituallamento.
 
Os participantes, no caso de ter que transitar por estradas abertas ó tráfico, deberán circular con precaución, respetando sempre as normas viarias. A ruta rematará de novo na zonas das Piscinas, onde cada participante poderá asearse, disfrutando dos pinchos e bebidas.
 
Os interesados en participar deberán de inscribirse antes do mércores, 5 de setembro. Nesta quinta edición, haberá que aportar 12 euros en materia de inscripción, que cobren os gastos organizativos. Nesta cuota está incluída a comida de cada participante, o avituallamento e unha camiseta técnica conmemorativa da proba.
 
Para máis información podense dirixir á dirección de correo quirogadeportes@hotmail.com, ou aos teléfonos 615336369 (Chufi) e o 620752201 (Andrés).

23 ago 2012

"RUGANDO" DE CELIA DÍAZ PRESÉNTASE O DÍA 31 EN QUIROGA


A Casa da Cultura de Quiroga acollerá o venres, 31 ás oito e media do serán, a presentación lo libro "Rugando", de Celia Díaz.
 
Celia Díaz, con raices quiroguesas, é licenciada en Filoloxía Galego-Portuguesa e en Filoloxía Hispánica e tamén diplomada en Maxisterio. Traballa como profesora de educación secundaria en Ourense, onde reside. A súa actividade docente compaxínaa coa literatura, campo no que acadou varios premios.
 
Entre as súas obras podemos atopar: “Adeliña”, obra gañadora do primeiro premio de literatura infantil e xuvenil Pura e Dora Vázquez, no ano 2004; “Cataventos e Cía” coa que tamén no ano 2004 gañou o premio Barriga Verde de textos literarios; e “Rugando” co que gañou novamente o premio Pura e Dora Vázquez no ano 2011.
 
Ademáis é autora de varios libros de texto de literatura galega e do libro “Voces da Terra. Quiroga e os seus escritores”, publicado no ano 1995.
 
O libro que se vai presentar, titulado, ‘Rugando’, ubicase neste lugar de Quiroga, e a autora parte da base histórica do funcionamento das antigas ferrerías para constuir un relato de intriga.
 
A obra ten duas partes diferenciadas. Unha primeira parte situada no presente, no que un grupo de rodaxe se despraza ata Rugando para rodar un documental sobre a elaboración do ferro. Na segunda parte, un monje de Samos chega a Rugando para administrar a ferrería. Nesta parte é onde se fragua o misterio que recolle a obra.

21 ago 2012

MARIA DO CEO ACTUARÁ NAS FESTAS DE SAN BARTOLOMÉ


A Igrexa parroquia de Hospital acollerá o vindeiro venres, con motivo da celebración das súas festas na honra a San Bartolomé, un concerto da cantante María do Ceo.

O concerto comenzará ás doce e media, pero a cantante tamén actuará ao longo da celebración relixiosa que comenzará a unha da mediodía.

Maria do Ceo, está considerada una fadista tradicional, pero también canta musica tradicional ou boleros. Maria do Ceo actuou en Quiroga xunto coa Real Banda de Gaitas da Deputación de Ourense na homenaxe que o concello lle fixo a Victorino Nuñez polo seu nomeamento como fillo predilecto.

ESTE SÁBADO CELÉBRASE UN NOVO ENCONTRO DE POETAS NO VAL DE QUIROGA


O vindeiro sábado 25 de agosto a partir das 11 da mañá na Casa da Cultura, terá lugar o décimo cuarto Encontro de Poetas no Val de Quiroga, organizado polo grupo poético Amencer Quirogués e o Concello de Quiroga.

Un ano mais os poetas da comarca, Xesús Galán e Pepe Pol, serán os encargados de presentar o acto onde Dona Rosa Vázquez actuará como pregoeira deste certame.

A este acto acoden cada ano máis poetas, tanto da nosa Comunidade coma doutras da xeografía española, todos eles co afán de potenciar este xénero literario. Máis dunha trintena de poetas, algúns que xa veñen participando dende a primeira edición deste certame e outros que se incorporan por primeira vez paticiparán nesta nova edición do Encontro de Poetas. O acto contará con música en directo, nesta ocasión o cargo do cantautor Javier Sotuela.

Con este Certame o Concello de Quiroga quere fomentar o interese pola literatura en xeral e pola poesía en particular, ademais de ofrecer a posibilidade de desenvolvemento da creatividade de todos os poetas, algúns ata este intre no anonimato, que atopan neste tipo de eventos o lugar axeitado para expresar e mostrar a súa obra.

Unha vez rematado o evento entregaraselles a todolos participantes do certame un pequeno detalle para agradecerlles a sua participación neste novo encontro de poetas no Val de Quiroga.

17 ago 2012

O CONCELLO LEVA A CABO UNHA CAMPAÑA INFORMATIVA SOBRE A SEPARACIÓN DO LIXO


           O concello de Quiroga está levando a cabo unha campaña informativa sobre a separación do lixo. Así recordalle a veciños e visitantes onde debe depositarse cada un dos residuos que se xera no fogar.
No contedeor amarelo deben depositarse os envases lixeiros, entre os que se inclúen os envases de plástico, os envases metálicos, como as latas de bebida ou conservas, e os envases tipo brik. É moi importante que os envases vaian totalmente baleiros.
No contedor de vidrio, deberanse depositar botellas, tarros e frascos que deberan ir tamén baleiros e sen tapas nin tapóns. Neste contenedor non se poderán depositar  vasos, copas, vidros de ventás, espellos, bombillas nin materiais cerámicos.
No contedor de cartón, soamente se poderá botar papel e cartón. As caixas débense pregar axeitadamente, se o contenedor está cheo, deixarase enriba do mesmo ben colocado. Ademáis en caso de grandes cantidades deste material disponse de recollida a domicilio chamando ao teléfono 636.69.35.00.
          No contedor de orgánica botaranse todolos residuos que non poden ir noutros contenedores, tales como restos de comida, calzado, xoguetes, porespán, trapos, etc. Estes residuos deberán de ir en bolsas ben pechadas para evitar cheiros.
Tamén se dispón de colector de recollida de aceite de cociña usado. O aceite doméstico usado depositarase nestes contedores metido en botellas de plástico ben tapadas, de maneira que non vertan. Dende o concello recórdase a importancia de usar este colector, xa que un litro de aceite usado pode contaminar máis de mil litros de auga.
          Finalmente, o concello tamén dispón dun punto limpo ao que se levarán os residuos voluminosos, como mobles e colchóns, restos metálicos do fogar, cascallos de pequenas obras, electrodomésticos, pilas e baterías, divolventes e pinturas, fluorescentes e radiografías. Para utilizar este punto o concello dispón dun servizo de recollida a domicilio chamando ao tfno: 636.65.35.00.

16 ago 2012

MONTEFURADO ACOLLE ESTA FIN DE SEMANA A SÚA PRIMEIRA FESTA ROMANA


O pobo de Montefurado celebrará esta fin de semana a súa primeira festa romana, na que haberá distintas actividades para recordar a presenza romana na zona, que deixou pegadas indelebles como o túnel romano.

A festa está organizada pola asociación veciñal Boca do Monte, que conta co patrocinio do Concello de Quiroga e coa colaboración do grupo Caetra Lucensium, de reconstrución histórica, colectivo que goza de gran prestixio ao ser unha peza crave en festas como o Arde Lucus (Lugo).

O sábado abrirase o programa ás 10.00 da mañá cunha camiñada cultural romana con saída do pobo de Anguieiros para visitar os máis importantes enclaves romanos da zona.

Ás doce e media está prevista a chegada das tropas romanas co legado do César ao pobo de Montefurado. Os oficiais da lexión formarán as tropas e ensinarán o armamento dos lexionarios.

Xa pola tarde, ás cinco unha charla coloquio titulada “Montefurado, a historia dormida” repasará os diferentes aspectos históricos da zona, dende a época romana ata os nosos días. Unha hora máis tarde os visitantes poderán ver o fundido do metal e a acuñación da moeda denominada “caetra”, utilizada para pagarlle as tropas romanas.

Á media noite farase unha queimada con conxuro aos deuses.

O domingo ás once e media desfilarán polas rúas do pobo as patrullas romanas. Ás doce celebrarase a misa na honra a San Miguel, patrón de Montefurado, a continuación a procesión estará acompañada polos tambores romanos.

Pola tarde, o lanzamento de dardos con ballesta poñerá punto final a primeira festa romana de Montefurado.

10 ago 2012

COA FESTA DA COMUNIDADE E A MOSTRA DO MEL ARRANCAN AS FESTAS DE QUIROGA

Na noite de onte comenzaban as das Festas de Verán de Quiroga coa Festa da Comunidade. A organización, como anos anteriores, correu a cargo do Concello de Quiroga e a Comunidade de Montes en man común de A Conchada.

A festa da Comunidade dende hai xa sete anos forma parte dos actos que o concello organiza para celebrar as súas Festas de Verán, sendo deste xeito un atractivo máis dentro do turismo gastronómico da nosa bisbarra.

Como xa é habitual a festa celebrouse nas inmediacións do parque da Constitución a partir das oito e media do serán.

O menú da cea desta edición estivo composto por: codillo asado con arroz blanco, guisantes, pementos e pan de fogaza; empanada de carne e roscón do país. Todo elo acompañado de  viño tinto, auga, refrescos en lata e tinto de verán. Para degustar a cea era preciso adquirir previamente un vale ao prezo de 5€.

Ao remate da cea comenzou a música en directo no propio recinto da festa a cargo do grupo local, Fondo Tropical.

Pero a festa continúa na xornada de hoxe. Ás once da mañá inaugurouse a XXI Mostra do Mel, e os postos de venda e exposición de mel e outros produtos típicos da zona, estiveron a disposición de quen o desexara dende primeiras horas da mañá ata despois do xantar.
  
Os 10 apicultores participantes nesta edición foron:
* Jose Río  Espada, de Pacios de Mondelo.
* Isabel Marcos López, da Ponte Rodela
* Manuel Macía González, das Estradas.
* Angel Gómez Martínez, de Paradapiñol.
* Andrés Campo García, de Fisteus.
* Manuel Rodríguez Fernández, de Centeais.
* Agripino Ferreira Machado, de Quiroga.
* Mª Luisa Fernández Gafo, de Caspedro.
* Blanca Carballo Rodríguez, de Quiroga.
* Manuel Macía Castiñeira, de Quiroga.
         
Ademáis haubo tres expositores de productos típicos da zona como o aceite, licores ou castañas.
          Como novidade nesta edición a Delegación de Cultura mediante o Museo Etnográfico de Quiroga, organizou un fiadeiro tradicional, no que poideron observarse os procesos do traballo para obter fío coa la de ovella. Así poideronse ver labouras de cardado, fiado ao fuso e a roca, torcido, tecido con agullas e tecido dos flecos para a decoración.

A festa continuará esta mesma noite a partir das once cunha nova actuación do programa música na rúa, nesta ocasión na rua Real, entre o Mesón Andaluza, Vinoteca Quiroga e bar Lago. E as doce e media da noite na zona dos pubs vai a ter lugar a Festa da Xuventude coa actuación dos grupos musicais Lethal  Chains, Utopía  e  Más  Iva, ao comenzo destes concertos procederasea a entrega dos premios do concurso de fotografía.
    
           Mañá sábado e o domingo non faltarán os pasarúas nin as actuacións. Así a unha da mediodía acturará o grupo de danzas San Martiño acompañado da banda de Gaitas do mesmo nome. A partir das sete da tarde, na praza de España todolos rapaces poderán disfrutar do Concurso Pinta con Xiz no Chan e a continuación dunha festa infantil. O grupo Limón e o prato forte deste ano, a actuación do coñecido grupo folk A RODA, serán as actuacións musicais da noite.

Xa o domingo a Banda de Música de Antas de Ulla dará un concerto a unha da mediodía. Ás seis e media da tarde presentarase o novo equipo do Quiroga Fútbol Club, que disputará o IV Trofeo Joyería Zafiro no campo do San Martiño. Ás oito do serán a praza de España acollerá un espectáculo de maxia infantil e a orquestra a Bámbola e o grupo La Oca pecharán as festas deste ano.

Precisamente con motivo das festas, a rúa Real permanecerá cortada ao tráfico dende as doce da mediodía de mañá sábado ata a primeira hora do luns. Mentras permaneza pechada ao tráfico esta rúa, a circulación terá unha regulación especial debidamente sinalada.

8 ago 2012

CO SORTEO DE POSTOS DE VENDA COMEZA O PROGRAMA DA XXI MOSTRA DO MEL


O Concello de Quiroga, celebra o venres día 10, coincidindo coa feira mensual máis importante do ano e coas festas de verán de Quiroga, a XXI Mostra do Mel de Quiroga. Este evento gastronómico ten como obxectivo principal dar a coñecer as magníficas calidades do mel que se produce na zona de Quiroga, que comparte un lugar destacado con produtos como o viño, o aceite ou as castañas.
O programa comezará xa esta tarde, ás oito do serán na casa de cultura, cunha reunión dos apicultores participantes na mostra e na que se sortearán os postos de venda e se lles entregará as credenciais ós dez apicultores que participan nesta edición.
Tendo en conta as preferencias dos participantes na mostra a comisión organizadora decidiu que os postos de venta e exposición dos productos sexa na parte alta da rúa Real, en concreto nas inmediacións da Casa do Concello.
A programación variará pouco con respecto ás anteriores edicións, daquela haberá un acto de inauguración ás 11 horas e os postos de venda e exposición de mel e outros produtos típicos da zona, estarán a disposición de quen o desexe dende primeiras horas da mañá ata despois do xantar.
Como novidade nesta edición a Delegación de Cultura mediante o Museo Etnográfico de Quiroga, organiza un fiadeiro tradicional, no que poderán observarse os procesos do traballo tradicional coa la de ovella, no mesmo recinto da Mostra do Mel.
Os 10 apicultores participantes nesta edición son:
* Jose Río  Espada, de Pacios de Mondelo.
* Isabel Marcos López, da Ponte Rodela
* Manuel Macía González, das Estradas.
* Angel Gómez Martínez, de Paradapiñol.
* Andrés Campo García, de Fisteus.
* Manuel Rodríguez Fernández, de Centeais.
* Agripino Ferreira Machado, de Quiroga.
* Mª Luisa Fernández Gafo, de Caspedro.
* Blanca Carballo Rodríguez, de Quiroga.
* Manuel Macía Castiñeira, de Quiroga.
          Ademáis haberá tres expositores de productos típicos da zona como o aceite, licores ou castañas.
Precisamente con motivo desta celebración, a rúa Real permanecerá cortada ao tráfico dende as once da mañá ata media tarde. Mentres permaneza pechada ao tráfico esta rúa, a circulación terá unha regulación especial debidamente sinalada.

O CONCELLO ACOLLE MAÑÁ UN ENCONTRO DA COMUNIDADE GALEGA EN CATALUÑA


O concello de Quiroga acollerá mañá xoves o Encontro dá Comunidade Galega en Cataluña, unha reunión anual organizada pola Federación de Entidades Galegas en Catalunya (Fegalcat) que se celebra cada verán nun municipio diferente de Galicia.

Este encontro homenaxea cada ano a unha persoa vinculada coa cultura galega na emigración. Nesta ocasión homenaxearase a Arsenio Castro González, natural de Quiroga e antigo presidente da asociación Toxos e Xestas, que promove a música e a danza galegas en Barcelona.

O programa de actividades comezará ás once da mañá cunha recepción aos participantes -entre os que haberá numerosas persoas de orixe quirogués- no salón de plenos do Concello. Os visitantes asistirán despois -ás doce do mediodía- á presentación do libro de fotografías Os nosos devanceiros na igrexa parroquial da vila. Posteriormente compartirán unha comida de confraternización e visitarán o museo Etnográfico municipal.

7 ago 2012

FALLADOS OS PREMIOS DO CONCURSO DE FOTOGRAFÍA "QUIROGA, E TI COMO A VES?


      A área de Xuventude do Concello, anunciou que a gañadora da cámara dixital do Concurso de Fotografía, “Quiroga, e ti como a ves”, foi AURA PACHECO VELÁSQUEZ coa foto “ENTRE LUSCO E FUSCO”.
          No certame houbo unha quincena de fotos presentadas, que se subirán á páxina do facebook da Omix de Quiroga na mañá do mércores día 8.
          A entrega de premios, xa que o resto de participantes levarán un detalle, terá lugar o venres día 10, coincidindo coa Festa da Xuventude, a partir das doce e media da noite  na zona de pubs.
          Tras a entrega dos premios comenzarán os concertos dos grupos musicais + IVA, LETHAL CHAINS e UTOPÍA.

2 ago 2012

O VINDEIRO XOVES PRESÉNTASE O LIBRO FOTOGRÁFICO: OS NOSOS DEVANCEIROS


          O vindeiro xoves día 9 de agosto, terá lugar a presentación do libro: Os nosos devanceiros, Quiroga, Rivas do Sil e Courel, realizado por Jesús Río e Manoel Carrete.
Trátase dun libro de fotografías en branco e negro dos tres concellos.
As fotos foron cedidas por particulares e son de temática diversa, nas que se poden atopar fotos de familia, de festa, da mocidade, ou do agro.

          A finalidade deste libro, segundo os seus autores é recuperar material fotográfico das terras de Quiroga, Rivas do Sil e Courel. Os fondos acadados pola súa venda servirán para realizar outras actividades de tipo cultural.


          A presentación terá lugar o día 9 ás doce da mediodía na Igrexa parroquial de Quiroga