29 dic 2011

FALLADOS OS PREMIOS DO CONCURSO DE POSTAIS DE NADAL

O Concello de Quiroga, dende a área de Educación en colaboración coa área de Xuventude, e, coa axuda do xurado escollido para esta ocasión, ven de fallar os premios do Concurso de Postais de Nadal.

Os gañadores/as son os seguintes:

CATEGORÍA DE 3 E 4 ANOS:

2º PREMIO: Natalia Álvarez Díaz.

1º PREMIO: María Vila Rochela.

CATEGORÍA DE 5 E 6 ANOS:

1º PREMIO: Brais Fernández González.

CATEGORÍA DE 7 A 9 ANOS:

3º PREMIO: Miguel Rodríguez Santamaría.

2º PREMIO: Emma Casanova Martínez.

1º PREMIO: Lucía Álvarez Domínguez.

CATEGORÍA DE 10 A 12 ANOS:

3º PREMIO: Cristina Nogueira Minguillón.

2º PREMIO: Sara Casanova Martínez.

1º PREMIO: Adrián Rodríguez Santamaría.

A entrega de premios será o vindeiro día 5 de xaneiro, ás doce e media na casa consistorial.

23 dic 2011

FELICES FESTAS DE NADAL!!!

HOXE INAUGÚRASE A EXPOSICIÓN FOTOGRÁFICA "AQUELES MARABILLOSOS ANOS"

O concello de Quiroga, dende o departamento de Xuventude, en colaboración co departamento de Educación, e coa cooperación do Ceip de Quiroga, ven de organizar unha exposición fotográfica.

A exposición, nomeada “AQUELES MARABILLOSOS ANOS”, componse de parte das fotografías realizadas durante toda a vida do colexio de Quiroga, dende as mais antiguas ata as mais actuais. Expoñeranse fotos tomadas no entroido, nos distintos festivais realizados, nos finais de curso, etc…

A inauguración terá lugar hoxe, ás 18:00 horas na sala de exposicións da Casa de Cultura e todos e todas quedan convidados e convidadas a deleitarse con “AQUELES MARABILLOSOS ANOS”.

22 dic 2011

O CONCELLO INAUGURA HOXE O PARQUE INFANTIL E A PISTA POLIDEPORTIVA DA RIBEIRA

Esta tarde, a partir das cinco da tarde inaugurarase o parque infantil e a pista polideportiva exterior da Ribera, situados xunto ao campo da Festa.

O parque conta cunha superficie de douscentos metros cadrados e está equipado con estructura de xogos, balancín, muelle, columpios e con xogos pintados no chan.Tamén conta con mobiliario urbán, bancos e papeleiras.

A pista polideportiva exterior, cercada perimetralmente, ten unha superficie de catrocentos metros cadrados, e está equipada con canastas e porterías.

O presupuesto total desta obra ascendeu a 106.036,97 euros, correndo a cargo do GDR Ribeira Sacra e do Concello de Quiroga.

TOCA UN QUINTO PREMIO DA LOTERÍA DE NADAL EN QUIROGA

O establecemento Z&C salía agraciado esta mañá cun quinto premio no sorteo de lotería de Nadal. A propietaria Elena Piñeiro Gomez amosábase encantada coa entrega deste premio do que repartiu 600.000 € entre décimos e participacións.

O número agraciado en Quiroga con este quinto premio foi o 92.202.

16 dic 2011

O CONCELLO DE QUIROGA PRESENTA AS ACTIVIDADES ORGANIZADAS PARA ESTE NADAL

O Concello de Quiroga acaba de sacar á rúa o programa de actividades lúdicas para toda a familia a desenvolver, dende os distintos departamentos municipais, nas vindeiras festas de Nadal.

Os actos darán comezo o sábado día 17 a partir das 19:30h., no Auditorio Municipal, terá lugar o tradicional Concerto de Nadal coa actuación da Coral Polifónica de Quiroga , do Grupo de Danza e da Banda de Gaitas “San Martiño” de Quiroga.

O luns, día 19, ás 11:30h., no Telecentro, unha videoconferencia con Papá Nöel a que poden acudir todos os nenos e nenas que o desexen para facer as súas peticións.

O día 21, no Centro Social o maiores de Quiroga celebran xuntos o nadal nunha xornada festiva organizada polo Concello de Quiroga.

O día 23, a área de xuventude e educación , abrirá a exposición “Aqueles Marabillosos Anos”, na sala de exposicións municipal onde se poderá visitar ao longo do Nadal.

A divulgación do noso patrimonio tamén ten cabida dentro das festas, debido a presencia de numerosos visitantes, os días 26 e 27 terán lugar dúas xornadas divulgativas coas visitas guiadas aos Museos Municipais Etnográfico e ao recentemente inaugurado Museo Xeolóxico.

O día 29, no Auditorio Municipal, Espectáculo de Maxia para toda a familia, ILUSIONARTE a cargo de Mago Martyn.

Cabe salientar ademais, a ludoteca de nadal dirixida aos máis cativos; as actividades deportivas tales coma os torneos de fútbol sala tanto para adultos coma para nenos; os campionatos de futbolín, póker, cricket organizados dende a área de xuventude, os certames e concursos de postais e poesía ,etc.

Esta programación rematará o vindeiro día 5 coa Cabalgata de Reis, que como cada ano percorrerá a rúa real e rematará cunha festa infantil.

15 dic 2011

UN PASO MAIS PARA A DECLARACIÓN DO PREGAMENTO DE CAMPODOLA COMO MONUMENTO NATURAL

O Diario Oficial de Galicia publicou hoxe a resolución da Dirección Xeral de Conservación da Natureza, pola que se somete a información pública o proxecto de decreto polo que se declara monumento natural o pregamento xeolóxico de Campodola-Leixazós.

A Lei do Parlamento galego de conservación da natureza, define como espazos naturais protexidos aqueles espazos que conteñan elementos ou sistemas naturais de particular valor, interese ou singularidade, tanto debidos á acción e evolución da natureza como derivados da actividade humana, e que fosen declarados como tales.

No artigo 13 da Lei de conservación da natureza, defínese a figura de monumento natural como aqueles espazos ou elementos da natureza constituídos basicamente por formacións de notoria singularidade, rareza ou beleza que merecen ser obxecto dunha protección especial, así como as formacións xeolóxicas, os xacementos paleontolóxicos e demais elementos da xea que reúnan un interese especial pola singularidade ou importancia dos seus valores científicos, culturais ou paisaxísticos.

O pregamento xeolóxico de Campodola-Leixazós consiste nun pregamento xeolóxico de tipo deitado, no cal pode apreciarse con total claridade a ondulación dos estratos superiores da codia terrestre provocada polas forzas tectónicas, nun proceso que neste caso tivo unha duración de 500 millóns de anos. A súa singularidade estriba en que pode apreciarse con total nitidez este proceso grazas ao encaixamento do río Ferreiriño, que deixa ao descuberto a estrutura interna do sinclinal nun grande corte transversal, o que o converte nun dos puntos da xeoloxía estrutural máis importante de España e lle confire un gran valor científico-educativo.

Cómpre, por tanto, manter a integridade dos valores xeolóxicos e fomentar o seu coñecemento, polo que a Dirección Xeral de Conservación da Natureza iniciou o procedemento de declaración no ano 2009.

Nos monumentos naturais, con carácter xeral estará prohibida a explotación de recursos, salvo naqueles casos que por razóns de investigación ou conservación se permitan, logo da pertinente autorización administrativa.

Tras a publicación no DOGA abrese un período de información pública por un prazo de 20 días hábiles que permita a participación do público en xeral no procedemento de declaración do monumento natural do pregamento xeolóxico de Campodola-Leixazós coa finalidade de que as persoas ou entidades que se consideren afectadas poidan remitir suxestións ou alegacións á Dirección Xeral de Conservación da Natureza da Consellería do Medio Rural.

14 dic 2011

OS MUSEOS ETNOGRÁFICO E XEOLÓXICO AMPLIAN OS SEUS HORARIOS DE VISITA DURANTE O NADAL

O Museo Xeolóxico de Quiroga ofrece a veciños e visitantes a posibilidade de contemplar por primeira vez unha ampla serie de mostras representativas da riqueza xeolóxica da zona, da súa fauna prehistórica e dos rastros máis antigos de asentamentos humanos.

Coincidindo coas festas de Nadal tanto o Museo Xeolóxico como o Museo Etnográfico contarán con horarios especias para facilitar as visitas.

Os horarios para o Museo Xeolóxico serán, de luns a venres de once e media da mañá a unha da mediodía; e os sábados, domingos e festivos, incluidos os sábados día 24 e o día 31, dende as once da mañá ata as doce da mediodía.

Os horarios para o Museo Etnográfico serán, de luns a venres de unha a duas da tarde e os sábados, domingos e festivos de doce da mediodía a unha.

O concello decidiu facer duas xornadas de divulgación destes museos, que consistirán nunha visita guiada. No Museo Etnográfico será o martes día 27 dende as doce da mediodía ata a unha e media; e no Museo Xeolóxico será o mércores día 28 tamén en horario de doce da mediodía ata a unha e media.

Fora destas datas e horarios podense solicitar visitas chamando ao teléfono 982.43.51.25 ou dirixíndose a Casa da Cultura.

12 dic 2011

COMEZA ESTA MAÑÁ UN CURSO SOBRE ROCHAS ORNAMENTAIS OBRIGATORIO PARA TRABALLAR NAS CANTEIRAS

O sindicato CC.OO, en colaboracion co Concello de Quiroga, comezaba esta mañá un curso sobre rochas ornamentais, obrigatorio a partir de marzo para traballar en calquera posto dunha explotación louseira. O curso desenvólvese en horario de mañá, entre as 9 e as 13 h, no salón de actos da casa da cultura.

Este novo curso denominado "Formación preventiva de operador de plantas de beneficio e tratamento de minerais", está organizado para 25 persoas. O curso céntrase en temas como as técnicas preventivas e de protección específicas a cada posto de traballo particular. Os perigos asociados ás tarefas definidas en cada traballo. Equipos de traballo e de protección individual ou medios auxiliares utilizados. Control e vixiancia sobre o lugar de traballo e a súa contorna e interferencias con outras actividades.

Debido a gran grande demanda, unha vez rematado comenzará outro novo, polo que as persoas interesadas poden inscribirse no Centro de Formación Ocupacional "Pía Paxaro" de Quiroga.

2 dic 2011

XA SE PODE VISITAR O MUSEO XEOLÓXICO DE QUIROGA

O Concello de Quiroga abriu esta mañá as portas do seu museo de xeoloxía e paleontoloxía. No acto oficial de inauguración atopábanse ademáis do grupo de goberno, representantes do Instituto Universitario de Xeoloxía Isidro Parga Pondal da Universidade da Coruña, do departamento de Prehistoria da Univerdidade de Santiago e da Unidade do Instituto Xeolóxico e Mineiro de Santiago, todos eles colaboradores deste proxecto.

O alcalde de Quiroga, Julio Alvarez, foi o encargado da inauguración, que el mesmo calificou de acto sinxelo, e no que invitou a calquera veciño ou visitante a inicar unha viaxe polo noso pasado.

As instalcións do museo xeolóxico, no que o concello empregou 150.000 €, dos que 28.000 foron aportados polo GDR Ribeira Sacra e o resto polo concello conta con varias salas.

Na entrada do museo podense ver dous paneis de grandes tamaños, un sobre a ruta xeolóxica da comarca de Quiroga e outro no que se explican os principais acontecementos da Historia Xeolóxica e Paleontolóxica de Galicia.

Tras esta zona de recepción, o museo está dividido en cinco salas. A primeira está adicada a formación do territorio de Galicia, nesta sala o plegamento de Campodola é o maior representante, tamén se poden ver varias mostras de minerais e rochas presentes na nosa comarca.

A segunda sala centrase na historia paleontolóxica, onde se amosan diferentes fósiles animais; entre os que destacan os da era Cuaternaria, como o oso das cavernas, a hiena, o rinoceronte lanudo, o uro, o cervo, o xabaríl e o corzo, todos eles poboadores da nosa serra.

A terceira sala é a da idade dos xeos, representada por cantos de depósitos glaciares recollidos na zona da Lucenza, nela explicase porque se producen as glaciacións.

A cuarta das salas centrase nas primeiras ocupacións humanas da zona, aquí amosanse as posibles liñas de penetración do home en Quiroga. Nesta sala podense ver dez cránios dos primeiros humáns e ferramentas líticas do Paleolítico e do Neolítico, atopadas na zona da Hermida.

Finalmente a última sala, na que se expoñen bloques de distintos minerais collidos na zona representa a parte da nosa minería. Hai ferro recollido na veneira de Vieiros, cal de Cereixido, lousa de Pacios da Serra, ouro de Montefurado e Antimonita de Vilarbacú. Estes minerais están acompañados dunha explicación sobre a súa explotación e transformación.

Horario para os próximos días: -sábado 3 de decembro 11-13 h. -domingo 4 de decembro: 11-13 h. -luns 5 de decembro: 8-15 h. -martes 6 de decembro: 11-13 h. -mércores 7 de decembro: 8-15 h. xoves 8 de decembro: 11-13 h. venres 9 de decembro: 8-15 h. sábado 10 de decembro: 11-13 h. domingo 11 de decembro: 11-13 h. outros horarios e datas previa cita no 982435125 ou na Casa de Cultura.




1 dic 2011

A OFICINA DE XUVENTUDE ORGANIZA UN CONCURSO DE POSTAIS DE NADAL

O Concello de Quiroga, dende a Oficina de Xuventude, organiza o Concurso de Postais de Nadal, no que poden participar todos os rapaces e rapazas de entre 3 e 17 anos.

A medida das postais, que terán como tema o Nadal, será de medio folio de tamaño A4. Os datos do autor/a, dirección e teléfono presentaránse no reverso das postais.

Establécense varias categorías:

a) De 3 e 4 anos.

b) De 5 e 6 anos.

c) De 7 a 9 anos.

d) De 10 a 13 anos.

e) De 14 a 17 anos.

Os traballos pódense enviar por correo ou entregalos persoalmente na Casa de Cultura de Quiroga, antes do 19 de decembro.

A entrega de premios, que consistirán en tres premios sorpresa por categoría, será o 5 de xaneiro no Auditorio Municipal.

O CONCELLO DE QUIROGA ABRE MAÑÁ O SEU MUSEO XEÓLÓXICO

O Concello de Quiroga abrirá mañá venres, a partir das 12.30 da mediodía, o seu museo de xeoloxía e paleontoloxía . Realizarase un acto oficial de inauguración e a partir dese momento poranse a disposición do público as instalacións.

Na entrada do museo poderanse ver dous paneis de grandes tamaños, un sobre a ruta xeolóxica da comarca de Quiroga e outro no que se explican os principais acontecementos da Historia Xeolóxica e Paleontolóxica de Galicia.

Tras esta zona de recepción, o museo está dividido en cinco salas. A primeira está adicada a formación do territorio de Galicia, nesta sala o plegamento de Campodola será o maior representante, tamén se poderán ver varias mostras de minerais e rochas presentes na nosa comarca.

A segunda sala centrarase na historia paleontolóxica, onde se amosaran diferentes fósiles animais; entre os que destacan os da era Cuaternaria, como o oso das cavernas, a hiena, o rinoceronte lanudo, o uro, o cervo, o xabaríl e o corzo, todos eles poboadores da nosa serra.

A terceira sala será a da idade dos xeos, representada por cantos de depósitos glaciares recollidos na zona da Lucenza, explicará porque se producen as glaciacións.

A cuarta das salas centrarase nas primeiras ocupacións humanas da zona, aquí amosaranse as posibles liñas de penetración do home en Quiroga. Nesta sala poderánse ver dez cránios dos primeiros humáns e ferramentas líticas do Paleolítico e do Neolítico, atopadas na zona da Hermida.

Finalmente a última sala, na que se exporán bloques de distintos minerais collidos na zona representará a parte da nosa minería. Hai ferro recollido na veneira de Vieiros, cal de Cereixido, lousa de Pacios da Serra, ouro de Montefurado e Antimonita de Vilarbacú. Estes minerais irán acompañados dunha explicación sobre a súa explotación e transformación.

Os responsables municipais confían en que o novo centro sexa un importante atractivo no terreo do turismo cultural e tamén un referente no plano educativo en toda Galicia, por ser o primeiro museo da comunidade dedicado exclusivamente a esta temática.

25 nov 2011

O C.I.M. PLANTARÁ UNHA ÁRBORE COMO HOMENAXE AS VÍTIMAS DA VIOLENCIA DE XÉNERO

O Centro de Información á Muller organizou varios actos para conmemorar o día 25 de novembro, día da non violencia contra a muller. O último dos actos organizados con este motivo terá lugar esta tarde e consistirá na plantación dun magnolio.

Esta árbore, que se plantará na zona verde inmediata ao Colexio de Educación Infantil e Primaria de Quiroga, será unha homenaxe en recordo das vítimas da violencia de xénero.

O acto, no que tamén se lerán unhas verbas de rexeitamento desta lacra social, terá lugar a partir das cinco e media da tarde.

23 nov 2011

40 SOCIOS DO CENTRO SOCIAL COMENZAN ESTA TARDE UN CAMPIONATO DE TUTE

O Centro Social comenza esta tarde un campionato de tute cun total de 20 parellas inscritas. A participación é a máis alta de todos os campionatos celebrados ata hoxe, chegando a 40 persoas das que 23 son homes e 17 son mulleres. Aparte das 20 parellas tamén hai otra parella en situación de reserva por si houbera algunha incidencia no momento do inicio do campionato.

Apartir das catro da tarde comeza o campionato, unha vez que se fagan mediante sorteo os primeiros enfrontamentos. E arredor das 19:00 h. cando rematen as primeiras eliminatorias, o centro social convida a todos os participantes a un viño español.

O campionato continuará mañá xoves e o venres, sendo éste último para as finais onde se proclamará parella campiona e sucampiona, así como o 3º e 4º postos.

Os agasallos para os gañadores do campionato están expostos no bar do Centro Social. No caso de rematar o torneo o venres día 25, tal e como está previsto, os gañadores poderán recoller os premios o sábado día 26 a partir das cinco da tarde.


22 nov 2011

ACTOS PARA CONMEMORAR O DÍA DA NON VIOLENCIA CONTRA A MULLER

O Centro de Información á Muller organizou varios actos para conmemorar o día 25 de novembro, día da non violencia contra a muller.

Un destes actos foi unha sesión de contacontos que se desenvolveu no día de onte. Os primeiros en poder disfrutar desta actividade foron os alumnos e alumnas de educación infantil do CEIP de Quiroga. Pola tarde os alumnos de primaria e secundaria serían os que participaban desta actividade.

Outra das actividades organizadas para esta conmemoración foi un concurso de artes plásticas titulado “Exprésate contra a violencia”.

A entrega dos premios deste concurso farase esta tarde na sala de exposicións da casa da cultura, a partir das seis da tarde. Os traballos presentados éste concurso poderanse ver precisamente nesta sala de exposicións dende ese momento ata o 25 de novembro.

O último dos actos organizados con este motivo é a plantación dunha Magnolia. Este acto terá lugar o venres, a partir das cinco e media da tarde nas inmediacións do Colexio de Educación Infantil e Primaria.

21 nov 2011

AMPLA PARTICIPACIÓN NUNS COMICIOS NOS QUE OS POPULARES SEGUEN SENDO A OPCIÓN MAIORITARIA

Quiroga é o segundo municipio máis popular do sur da provincia de Lugo, ao acadar o 68,5% dos votos emitidos na xornada de onte. O PP foi a opción elexida pola maioría dos quirogueses, concretamente por 1.678.

A participación nestes comicios foi alta, dun 76,79%, o que se traduce en que 2.485 quirogueses acudiron ás urnas, nunha xornada sen incidencias, para exercer o seu dereito a voto nestas eleccións xerais. Do total de votos acadados 1.678 foron para o Partido Popular; 546 para o PSOE; 161 para o BNG; 14 para UPyD; 32 para UP-Os Verdes; 6 para outras formacións. Ademáis houbo 11 votos en branco e 37 foron nulos.

No municipio de Quiroga unha vez máis constituíronse sete mesas electorais: na mesa situada en Vilar de Lor votaron os veciños censados no Lor Alto e no Lor Baixo. Dun censo de 301 veciños emitíronse 230 votos, un 76,41%; deles 167 para o PP, 43 para o PSOE; 12 para o BNG; 3 para Os Verdes e 5 votos foron nulos.

Na mesa de Sequeiros, cun censo de 251 votantes, exerceron este dereito 202, o que supón un 80,48%. Nesta mesa o PP acadou 159 votos, o PSOE 30; e BNG 6; e outras formacións 5. Ademais houbo dous votos nulos.

Na mesa de Montefurado, cun censo de 239 votaron 173, un 72,38%; destes 124 foron para o PP; 29 para o PSOE; 12 para o BNG; 5 para outras formacións. Houbo tamén e votos nulos.

Na mesa situada na Casa da Cultura, que acollía os veciños das parroquias da Ermida e do Nocedo, dun censo de 221 votaron 176, un 79,64%: destes votos 119 foron para o PP, 40 para o PSOE, 11 para o BNG; 6 para outras formacións.

Na primeira mesa do Centro Social, na que votaban os veciños censados na parroquia de San Martiño con apelidos comprendidos entre o A e o J, dun censo total de 672 recibiu 496 votos, un 73,81%. Por partidos políticos, o PP acadou 327, o PSOE 111, o BNG 38, 13 votos foron para outras formacións políticas. Tres votos foron nulos e 4 en branco.

Na segunda mesa situada no Centro Social, onde votaban os apelidos dende o J ata o Z, a máis numerosa de todas, cun censo de 922 acadáronse 706 votos, o que supón un 76,57%. Nesta mesa o PP acadou 464 votos, o PSOE 155, o BNG 57, e 12 foron para outras formación. Ademáis contabilizáronse 13 votos nulos e 5 en branco.

Finalmente, na mesa situada na escola de Santa Cubicia, onde votaron os veciños comprendidos entre as parroquias do Hospital e A Seara, cun censo de 630 persoas, recolleu un 79,68%, 502 votos. O PP acadou 318, o PSOE 138, o BNG 25, e 8 foron para outras formacións ademais de 11 nulos e 2 en branco

18 nov 2011

3.236 QUIROGUESES PODERÁN VOTAR NAS ELECCIÓNS XERAIS DESTE DOMINGO

O domingo celébranse unhas eleccións xerais nas que están chamados ás urnas 3.236 quirogueses, que serán os que elixan os deputados e senadores que despois elexirán, á súa vez, ao presidente do goberno por un período de catro anos.

Sete mesas electorais deberán quedar constituídas ás nove da mañá cos seus correspondentes presidentes e vocais para que os veciños maiores de 18 anos poidan exercer o seu dereito a votar ata as oito do serán, momento no que se pecharán oficialmente as mesas.

Na mesa A do Centro Social poderán votar 672 persoas, na mesa B, 922. En Santa Cubicia poderán exercer este dereito 630 veciños e en Soldón, 251. 239 poderano facer en Montefurado e 301 en Vilar de Lor. Finalmente, 221 votantes poderán depositar o seu voto na Casa da Cultura.

QUIROGA ACOLLE UNHA ETAPA DA VOLTA A GALICIA DE COCHES CLÁSICOS E UNHA CONCENTRACIÓN MOTEIRA

Quiroga acollerá durante este mes de novembro unha etapa da volta a Galicia de automóviles clásicos e unha concentración de motos de carretera.

O sábado día 19, a VIII edición da volta a Galicia de Automóviles Clásicos, organizada pola Escudería de Clásicos de Ourense, fará un recorrido por estradas comarcais e locais, facendo un reagrupamento de 20 minutos en Quiroga. Este reagrupamento terá lugar sobre a unha da mediodía no aparcamento de autobuses do colexio. Estes vehículos que respetarán en todo momento as normas de circulación ao moverse por vías abetas ao tráfico, non superarán os 50Km por hora, e chegarán a Quiroga procedentes de Seoane do Caurel.

O seguinte sábado día 26 de novembre, quen chegará a Quiroga será a primeira concentración de motos de carretera da asociación veciñal Piño Santa Bárbara. Esta concentración composta por unhas 40 motos, sairá ás catro da tarde dende a Pobra de Brollón, e tras recorrer Bóveda, O Incio e Folgoso do Caurel, chegará a Quiroga.

15 nov 2011

QUIROGA ACOLLE O PROGRAMA DEPORTIVO "NON TE RETIRES VOLTA A XOGAR"

A área de deportes do Concello de Quiroga e a Deputación Provincial de Lugo organizan un programa deportivo de actividade física para a xente maior.

O programa denominado “Non te retires volta a xogar” terá lugar os mércores a partir das seis da tarde no centro social. Este programa  comezará o mércores 16 de novembro. 

Durante as sesións, que serán de duas horas, traballarase a flexibilidade, a resistencia (mediante un exercicio de baixa intensidade pero sostido no tempo) e o fortalecemento e tonificación da musculatura máis precisa no día a día. Este programa pretende ademais atender as necesidades cognitivas deste colectivo, mediante a interactuación e a implicación dos participantes, como xeito de prevención dos problemas de illamento e falta de estímulos.

10 nov 2011

XUVENTUDE ORGANIZA UN CURSO DE ACHEGAMENTO A INTERNET 2.0

Dende a Oficina de Xuventude do Concello de Quiroga organízase para este mes de novembro un curso de achegamento a internet 2.0.

Este curso, impartido por un técnico entendido na materia, comezará o luns día 14, e terá lugar os días 14, 16, 21, 23 e 28 de novembro de 20:00h. a 22:00h. na aula Cemit da casa de cultura.

Os contidos do cursiño serán o correo electrónico, as redes sociais, os blogues,  as aplicacións online e a imaxe.

O custo do curso por persoa é de 10 € e para poder asistir hai que ter desenvoltura co ordenador, manexo do ratón, teclado etc.

Para anotarse pódese chamar ao teléfono 982435125 ou pasar pola casa de cultura.

A CASA DE CULTURA ACOLLE O SÁBADO UN TALLER DEMOSTRACIÓN DE BONSAIS

A Casa da Cultura de Quiroga acollerá o vindeiro día 12, sábado, un taller demostración de bonsais a cargo de José Antonio Peña Alonso.

Os traballos a realizar nesta sesión consisten no modelado e transplante dunha peza comercial para conseguir un estilo “Balsa” e tamén se realizarán demostracións dos traballos de mantemento e pinzado de exemplares.

Ademais do obradorio, que se desenvolverá entre as 11:00h. e as 14:00h.; poderase ver unha miniexposición de exemplares moi interesante.

As persoas amantes deste arte, poden participar gratuítamente neste taller e resolver as posibles dúbidas que teñan no cuidado dos seus exemplares que poden traer para realizar as consultas os integrantes do taller.

Esta actividade, organizada pola área de Cultura do Concello de Quiroga, conta coa colaboración do “Grupo de Aficionados ao Bonsai Val de Lemos”.

8 nov 2011

QUIROGA TRABALLA PARA ACADAR UNHA "DENOMINACIÓN ESPECÍFICA" PARA O ACEITE

A Comisión formada por olivareiros e un enxeñeiro agrícola que no seu día fixou as condicións esixidas para poder facer uso da marca Aceite de Quiroga, reuniuse novamente na tarde de onte na casa consistorial. Desta comisión tamén forma parte agora o biólogo e profesor de Ciencias Naturais do Instituto de Educación Secundaria de Quiroga, José Espinosa.

A Comisión que fixara no seu día os requisitos de producción, elaboración e comercialización que se lles esixen os productores para acollerse ésta marca, tenta agora poder chegar a acadar unha denominación específica, máis adsequible que unha denominación de orixe.

Esta comisión creouse para supervisar que quenes usen a marca Aceite de Quiroga, cumpran uns requisitos tanto na producción e na elaboración como na comercialización do aceite; así como para regular e ordenar as plantacións de oliveiras.

O aceite elaborado pasará unha serie de controis que certifiquen a calidade do producto, como análises organolépticas, físico-químicas e bacteriolóxicas. A comisión trata agora de definir os parámetros destas análises para que só poida levar o nome de aceite de Quiroga aquel que entre dentro destes parámetros, o que garantizaría que a materia prima procede íntegramente da nosa zona, que o aceite está elaborado dentro do noso municipio e con aceitunas das variedades aceptadas pola Comisión, co fin de evitar fraudes e que aceite de fora se poida comercializar co nome de aceite de Quiroga.

4 nov 2011

QUIROGA RECOLLEU 165 KILOS DE ACEITE DE COCIÑA USADO NO PRIMEIRO TRIMESTRE DE FUNCIONAMENTO DO SERVIZO DE COLECTORES PARA ESTE RESIDUO

O concello de Quiroga recibiu os datos do aceite de cociña usado recollido nos colectores que colocou no pasado mes de xullo.

No trimestre que comprende os meses de xullo, agosto e setembro estes colectores recolleron un total de 165 kilos de aceite de cociña usado. Desglosado por meses en xullo recolléronse 50 kilos, os mesmos que no mes de agosto, e en setembro esta cantidade aumentou ata situarse en 65 kilos.

En total o concello de Quiroga instalou catro contenedores para a recollida destes residuos, tres deles están situados na rúa Real e un na rúa Quiroga de Arxentina.

Para utilizar estes depósitos é preciso que o aceite usado se meta en botellas de plástico ben tapadas para que non vertan. Non se poden usar botellas de vidrio, xa que poden romperse ao tiralas dentro do colector.

A utilización destes colectores evita que se teña que eliminar o aceite de cociña usado polos desagües evitando problemas tanto de contaminación, xa que un litro de aceite usado pode contaminar máis de mil litros de auga, como problemas de atascos nas redes de saneamento ou proliferación de pragas e malos olores.

3 nov 2011

O CONCELLO ORGANIZA OS ACTOS PARA CONMEMORAR O PATRÓN DA VILA

A comisión organizadora da festa do San Martiño reuniuse na casa consistorial para rematar de organizar as actividades a desenvolver o día 11 de novembro, día de San Martiño, patrón da Vila.

Este ano os actos están integramente organizados dende o concello, xa que os veciños non se fixeron cargo desta festa tradicional do barrio da praza.

Nesta xuntanza presentouse o programa dunha festa que se centrará no venres día 11. Así os actos comenzarán ás once menos cuarto da maña, cunha alborada a cargo da banda de gaitas San Martiño.

As once da mañá terá lugar a carreira popular, que nesta edición é soamente de caracter local e na que haberá distintas categorías, dende pitufos ata cadetes. A carreira terá a súa saída e a súa meta diante da casa consistorial e o recorrido levará aos participantes pola zona da praza Maior.

Ás doce da mediodía comenzarán os actos litúrxicos, que se iniciarán coa tradicional procesión na que a imaxe do patrón da vila recorrerá a zona da praza Maior.

Á unha e cuarto os actos trasládanse ata a praza, onde o grupo de danzas San Martiño actuará acompañado da banda de gaitas do mesmo nome. Sobre as catro os cativos poderán disfrutas de xogos populares organizados dende a área de educación.

E finalmente a partir das sete da tarde poderase degustar o magosto acompañado de viño novo. A música da noite correrá a cargo do dúo local, Fondo Tropical.

31 oct 2011

UN CONCURSO DE ARTES PLÁSTICAS PARA CONMEMORAR O 25 DE NOVEMBRO

O Centro de Información á Muller organizou un concurso de artes plásticas para conmemorar o día 25 de novembro, día da non violencia contra a muller, titulado “Exprésate contra a violencia”.

A temática do concurso é a loita contra a violencia cara a muller e nel podese participar con calquera técnica artística, dende pintura, fotografía, escultura, etc.

Fixáronse tres categorías para os participantes. A primeira para nenos e nenas de 9 a 12 anos; a segunda para rapaces e rapazas de entre 13 e 16 anos e a terceira para maiores de 17 anos. Cada participante poderá presentar un máximo de dous traballos, aínda que só poderá ser premiado un deles.

No reverso de cada traballo presentado deberá de figurar unha clave ou pseudónimo, o mesmo que deberá figurar no exterior do sobre pechado que o acompañará e que levará no seu interior os datos do autor.

Establécense dous premios por cada categoría, que consistirán o primeiro premio nunha cámara fotográfica dixital e o segundo, nun maletín de pintura.

Os traballos deberán presentarse na oficina do Centro de Información á Muller do Concello antes do venres 18 de novmebro.

O fallo do xurado, así como a entrega de premios farase o martes 22 de novembro na sala de exposicións da casa da cultura, a partir das seis da tarde. Os traballos presentados éste concurso poderanse ver precisamente nesta sala de exposicións dende ese momento ata o 25 de novembro.

O Centro de Información á Muller resérvase o dereito de anular o concurso ou algunha das súas categorías de non existir un mínimo de 5 participantes por categoría.

28 oct 2011

O SINDICATO CC.OO. OFERTA DOUS CURSOS PARA PARADOS

O sindicato CC.OO, en colaboracion con el Concello de Quiroga, oferta dous cursos para parados. Un sobre enerxías renovables e outro sobre rocas ornamentais, este último obligatorio a partir de marzo para traballar en calquera posto dunha explotación pizarreira.

O curso de enexia renovable, organizado para un máximo de 25 alumnos, terá 60 horas de duración. Este curso centrarase na enerxía eólica e desenvolverá temas como a localización do vento e os mapas eólicos, os aeroxeneradores, instalacións eólicas, e montaxe e mantemento de equipos.

O outro dos cursos, sobre rocas ornamentais, denominado Formación preventiva de operador de plantas de beneficio e tratamiento de minerais, organizado tamén para 25 persoas terá 40 horas de duración. Este curso centrarase en temas como as Técnicas preventivas e de protección específicas a cada posto de traballo particular. Os peligros asociados ás tarefas definidas en cada traballo. Equipos de traballo e de protección individual ou medios auxiliares utilizados. Control e vixiancia sobre o lugar de traballo e a súa contorna e interferencias con outras actividades.

As persoas interesadas e para máis información poden pasar polo Centro de Formación Ocupacional Pía Páxaro.


27 oct 2011

FESTA DE HALLOWEEN PARA OS NENOS E NENAS DE QUIROGA

O concello de Quiroga, dende o departamento de Educación, organizou para o vindeiro luns, día 31, unha festa de Halloween.

A festa terá lugar na casa de cultura dende as cinco da tarde ata sete e nela os asistentes poderán disfrutar dunha gran merenda, xogos terroríficos e piñatas con regaliños.

Todas as nenas e nenos do concello están convidados a participar nesta festa.

26 oct 2011

APRÓBANSE OS ORZAMENTOS DO 2011 NUNHA POLÉMICA SESIÓN PLENARIA

A corporación municipal celebrou onte unha polémica sesión plenaria que rematou coa expulsión da sala dos concelleiros da oposición. Neste pleno aprobouse o orzamento xeral da corporación para o exercicio 2011. Este punto aprobouse cos votos en contra da oposición, que criticou o prazo de presentación do orzamento.

Outro dos puntos da orden do día que tamén trouxo polémica foi a modificación das ordenanzas fiscais do imposto sobre construcións, instalacións e obras; a chamada licenza de obra, e de diversas taxas. O BNG acusou ao alcalde de ter ao concello nunha situación de “axfisia fiscal” mentras que o PSOE quixo que constara en acta que ía levar ao xulgado conceptos que o seu entender estanse a cobrar no recibo da auga de xeito ilegal. O PP pola súa banda acusou a oposición de falar só da parte que lle conviña e non explicar que o que realmente se incrementaban as taxas eran uns céntimos.

Modificouse unha das festas de carácter local do concello de Quiroga para o ano 2012: no pleno anterior se fixárase para o 10 de agosto e agora trasladouse definitivamente para o luns 13 de agosto.

Chegados ao punto de rogos e preguntas reavivouse a polémica e a subida de tono dos concelleiros, co que o alcalde presidente do pleno despois de chamar tres veces a orde aos concellerios da oposición, pediulles que abandonaran o salón de plenos.

O útimo punto da sesión plenaria foi o sorteo das mesas electorais para as eleccións xerais que terán lugar o día 20 de novembro e que xa se realizou soamente cos concelleiros do PP na sala.

20 oct 2011

REALÍZANSE AS CATAS PARA O INICIO DA RESTAURACIÓN DO RETABLO DA IGREXA DE HOSPITAL

O retablo maior da igrexa do Hospital comenzará en breve a ser restaurado. Na tarde de onte a restauradora encargada de realizar estes traballos realizaba xa as catas previas ao inicio dos traballos.

A restauración do retablo, presupostada en preto de 30 000 €, foi tramitada pola Asociación San Bartolomé do Hospital a través do GDR Ribeira Sacra.

O retablo maior da igrexa do Hospital é de estilo barroco, de finais do século XVII ou algo posterior. A súa estrutura, que cobre toda a bóveda, é de gran riqueza artística xa que na mesma obra poden atoparse diferentes elementos e técnicas.

 Os traballos a realizar, que a restauradora  fixou en dous ou tres meses de traballo, consistirán na fixación da policromía. Posteriormente, procederase á eliminación de elementos que deterioren o soporte e revisaranse as ancoraxes. A consolidación da madeira mediante a inxección ou impregnación de resinas acrílicas será o seguinte paso. Ademais reconstruiranse os volumes perdidos. Para devolver a luminosidade das cores empregadas en orixe realizarase unha limpeza química a base de diferentes disolventes e, finalmente, a protección final con vernices de resinas de orixe sintética protexerá a obra de posteriores agresións

17 oct 2011

A SAÚDE EN FEMININO, NOVA ACTIVIDADE DO C.I.M.

O Centro de Información á Muller de Quiroga organizou unha nova actividade denominada A saúde en Feminino. Dentro desta activiade recóllese unha camiñata para conmemorar o día mundial contra o cancro de mana e duas charlas, unha sobre a osteoporose e outra sobre o cancro de mama e o virus do papiloma.Estas duas charlas están abertas a todo o público interesado nestes temas.


Esta mañá un gran lazo rosa lucía no balcón da casa consistorial como apoio ao día que se celebra mañá. Ademáis deste lazo persoal do CIM colocará tamén mañá lazos rosas aos participantes na II andaina solidaria no día Mundial contra o canro de mama. Esta camiñata ao igual que o pasado ano sairá dende o auditorio municipal ás seis e media da tarde para dirixirse ao paseo fluvial. Esta actividade vai dirixida a todolos públicos.

A primeira das charlas terá como tema principal o cancro de mama e o virus do papiloma. Nesta ocasión a charla correrá a cargo do xinecólogo Domingo Latorraca González. e celebrarase na casa da cultura o martes día 25 apartir das seis da tarde.

As segunda das charlas sobre a saúde feminina será o xoves día 27 coa Osteoporose como tema. A especialista en medicina de familia do centro de sáude de Quiroga, a doutora Eva Rodríguez Macía, será a encargada desta charla que comenzará as seis e media na casa da cultura.

7 oct 2011

A OFICINA DE XUVENTUDE ORGANIZA O VII CERTAME DE RELATO CURTO


Dende a Oficina de Xuventude organizase o VII Certame de Relato Curto, coas seguintes bases:

1.- Poden participar todas as persoas co desexen con tantos relatos curtos como queiran.

2.- Tema: libre.

3.- Os relatos poden estar escritos en castelán ou en galego cunha extensión máxima de vinte folios e mínima de dous, mecanografados ou a ordenador por unha sóa cara, por duplicado e sen firma.

4.- Os datos do autor/a, dirección e teléfono presentaránse dentro dun sobre pechado. No exteriror figurará o título do relato e a categoría na que participa.

5.- Categorías:

a) Xuvenil: menores de 18 anos.b) Adultos: maiores de 18 anos.

6.- Premios: Categoría a) e Categoría b)

1º premio; placa conmemorativa e máis unha obra de relatos.

2º premio; placa conmemorativa.

3º premio; placa conmemorativa.

7.- Os traballos pódense enviar por correo ou entregalos persoalmente na Casa de Cultura de Quiroga ou na Oficina de Información Xuvenil.

8.- Data límite 30 de novembro de 2011.

9.- O fallo do xurado será inapelable. Comunicaráselles ós gañadores a data fixada polo Concello para a entrega dos premios.

Todas estas actividades están dirixidas pola concelleira de Xuventude, Dna. Rosa Mª Arza Rodríguez e subvencionadas pola Xunta de Galicia e o concello de Quiroga.

5 oct 2011

DENDE A OFICINA DE XUVENTUDE ORGANÍZASE UN CURSO BÁSICO DE PHOTOSHOP E UNHA VIAXE AO AQUARIUM FINISTERRAE

Dende a oficina de xuventude, organízase para este mes de outubro un curso básico de PHOTOSHOP que comezará o luns día 10 e se desenvolverá todos os martes e xoves de outubro entre as 20 e as 22 horas. O custo será de 10 € para a xente empadroada en Quiroga, e 15 € para os non empadroados.

Tamén o sábado 22 de outubro, terá lugar unha viaxe ao Aquarium Finisterrae da Coruña, dirixida aos mozos e mozas de máis de 13 anos, con visita ao acuario, comida e horas libres. O autobús será gratuíto e a comida e a entrada ao acuario correrá por conta propia.


29 sept 2011

QUIROGA TEN UNHA TAXA DE CRIMINALIDADE DAS MÁIS BAIXAS DA PROVINCIA

O subdelegado do Goberno en Lugo, José Vázquez Portomeñe, xunto co alcalde de Quiroga, Julio Álvarez Núñez, representantes da Garda Civil, da Unidade de Tráfico, da Policía Local e un representante da Administración Autonómica levaron a cabo na mañá de onte unha Xunta Local de Seguridade.

Na xuntanza fixeron balance da actividade policial neste municipio entre os meses de xaneiro e agosto. De acordo coas estatísticas expostas na reunión, a Garda Civil esclarece o 75% dos delitos cometidos durante os oito primeiros meses deste ano. Ademais, no balance da Policía Local destaca que os seus axentes interpuxeron desde xaneiro un total de 64 denuncias por infraccións de tráfico. En relación aos delitos contra as persoas esclareceronse o 100% dos mesmos e nas faltas un 96,15%.

O subdelegado do Goberno, José Vázquez Portomeñe, destacou que Quiroga ten unha taxa de criminalidad do 12,21.

Os participantes acordaron ademais delimitar mellor as competencias da Garda Civil e a Policía Local e avanzar na súa coordinación para mellorar o seu rendemento. Intensificar a vixilancia e o control daquelas zonas susceptibles de maior índice delincuencial. Estreitar as relacions coa Policía Local, para un mellor encauzamento da colaboración e a planificación de operativos conxuntos, intensificando no posible o número de servizos a prestar de maneira conxunta. Incrementar os servizos de vixiancia da poboación. E intensificar as actuacións das unidades da Policía Xudicial.

23 sept 2011

MANUALIDADES, PINTURA E DISTINTOS ESTILOS DE BAILE, ACTIVIDADES OFERTADAS POLA ASOCIACIÓN DE MULLERES SAN MARTIÑO

A Asociación de Mulleres San Martiño deu a coñecer as súas actividades presvistas para a tempada 2011 -2012: manualidades e pintura acrílica, pintura ao oleo, sevillanas, rumba e castañolas, e clases de bailes de salón, latinos e kizomba.

Manualidades e pintura acrílica estará impartido pola profesara de anos anteriores, Loli de Monforte, e terán lugar os venres dende as catro as seis da tarde. Para un mínimo de 15 participantes, terá un custo de 20 € para as socias e as súa familia e de 23 € para os non socios. Esta actividade comenzaría o 14 de outubro.

Pintura ao oleo estará impartido por Sara Iglesias os luns de catro e media ás seis e media. O seu custo será o mesmo que o de manualidades e comenzará o día 3 de outubro.

Sevillanas, rumba e castañolas; comenzará o 8 de outubro e impartirase os sábados dende as catro e media ás cinco e media. O seu custo virá determinado polo número de participantes, para o que se requerirá un mínimo de 15, así prevese que o prezo para socias e familia oscile entre os 12 e os 15 € e para as non socias entre 15 e 18 €.

Finalmente as Clases de bailes de salón, latinos e kizomba impartiranse os domingos de seis e media a sete e media a partir do 9 de outubro, sempre que se reuna un mínimo de 20 participantes. O seu custo será de 10 € para as socias e de 13 para o resto.

As actividades de pintura ao óleo, sevillanas e bailes de salón realízanse en colaboración coa Asociación Cultural da Comarca de Quiroga.

As persoas interesadas en participar nalgunha destas actividades debe anotarse canto antes dirixíndose a calquera membro da xunta directiva da asociación de mulleres san Martiño, ou chamando aos teléfonos 689003747 ou 982438951.

22 sept 2011

O CENTRO SOCIAL ORGANIZA UNHA VIAXE A LOURDES, SAN SEBASTIÁN E BIARRITZ ABERTA A TODOS OS VECIÑOS

O centro social organizou unha viaxe de tres días a Lourdes, Biarritz e San Sebastián os días 30 de setembro, e 1 e 2 de outubro. Esta viaxe está aberta a todos os colectivos, sen ser necesario ser socio do centro social nin xubilado.

O programa inclue o primeiro día unha visita a San Sebastián, considerada unha das cidades máis bonitas da costa Cantábrica. Visitarase o paseo marítimo, a praia da Concha, o casco antigo, a catedral do Bo Pastor e a Praza da Constitución.

O segundo día visita a Lourdes. Coñecerase o impresionante santuario e a gruta onde apareceu a virxe. Tamén se poderán visitar o muiño de Boly, ou o museo adicado á santa.

O terceiro día as visitas realizarnse en Biarritz, Francia, onde ademais de percorrer os lugares máis emblemáticos da cidade visitarase o museo do chocolate.

O prezo estipulado para esta viaxe é de 179 € por persoa, no que se inclue a viaxe en gran turismo, o hotel, as visitas previstas e a entrada ao museo do chocolate, ademáis do seguro de viaxe.

Os interesados en participar deben inscribirse no centro social 982435176 ou no concello de Quiroga 982428001.

20 sept 2011

ESTA TARDE COMENZA A LUDOTECA MUNICIPAL PARA NENOS E NENAS DE 3 A 12 ANOS

Dende a Área de Educación do Concello de Quiroga, ofértase de novo o servizo de Ludoteca municipal, de setembro a xuño, e o curso de natación para o trimestre de outubro a decembro.

A Ludoteca terá lugar os martes e os xoves de cada semana dende esta tarde ata finais de xuño de 2012, con excepción nas datas de nadal e semana santa, nas que haberá un servicio especial.

As clases impartiranse na aula da ludoteca, baixo da Casa de Cultura, en horario de 17:00 a 18:00 horas para pequenos/as de 3 a 6 anos, de 18:00 a 19:00 horas para os nenos e nenas de 7 a 9 anos e de 19:00 a 20:00 para rapaces e rapazas de 10 a 12 anos.

Respecto ó curso de natación, é recomendable de forma positiva para os músculos e a capacidade pulmonar e os profesionais e especialistas en deportes e saúde a recomendan.

Neste curso poden participar os nenos e nenas en idade escolar. As clases terán lugar na piscina climatizada de Monforte de Lemos e serán os mércores. O autobús recollerá ás 16:30h. e deixará de volta sobre as 19:00h. ós nenos e nenas no colexio.

Para axudar a cubrir os gastos de autobús e de matrícula, no caso da natación, así como do material da Ludoteca, cobraranse 10 €uros por mes a cada neno/a empadroado en Quiroga e ós nenos e nenas que non estén no padrón quirogués, pagarán 15€ mensuais.

Para apuntarse nestas duas actividades subvencionadas pola Deputación provincial e máis o concello de Quiroga, poden pasar pola Casa de Cultura ou chamar o teléfono 982 435 125.

13 sept 2011

O PROFESOR DA UNIVERSIDADE DE SANTIAGO, ARTURO DE LOMBERA, VISITA AS INSTALACIÓNS DO MUSEO XEOLÓXICO

O profesor de historia da Universidade de Santiago, Arturo de Lombera, visitou as instalacións do futuro Museo Xeolóxico de Quiroga, xa que esta Universidade, está colaborando nunha das salas do museo, concretamente na sala de prehistoria, que está enfocada ao uso da pedra e os restos fósiles.

De Lombarda forma parte do departamento de prehistoria da Universidade de Santiago e é un dos encargados das excavacións que se están realizando en cova Eirós en Triacastela.

Dende o inicio do proxecto do Museo Xeolóxico, o concello de Quiroga contou co asesoramento deste profesor e agora desprazouse ata as instalacións municipais para reflexar a súa opinión sobre o proxecto.

No museo foi recibido pola concelleira de cultura, Loli Sanchez, e polo encargado desta instalación, Ramón Vila, aos que lle manifestou a súa satisfacción pola organización do museo e pola idea que se está levando a cabo.

12 sept 2011

ARRANCA UN NOVO CURSO NO C.E.I.P DE QUIROGA CON 149 ALUMNOS

149 alumnos do Colexio de Educación Infantil e Primaria de Quiroga comenzaron esta mañá as clases do curso 2011 – 2012. Un curso que se prolongarán ata o mes de xuño.

22 destes alumnos comenzan este ano en primeiro de infantil, un dos cursos máis numerosos dos últimos anos. Estes alumnos de 3 anos, entran escalonadamente no centro, polo que durante estas duas primeiras semanas terán diferentes turnos para acudir á aula e abandonala, realizando horarios de menos de duas horas diarias como período de adaptación.

Para os demais alumnos, durante este mes de setembro, ó igual que no mes de xuño, os alumnos terán clases dende as dez da mañá ata as duas e media da tarde. Pero contarán co servicio de transporte e comedor ao seu pleno rendimento. O servizo de transporte incrementa a súa ruta durante este curso e o servizo de comedor aumenta as solicitudes.

No referente ás axudas para os libros de texto, mantéñense os dous sistemas como o ano pasado. Así os alumnos de 1º e 2º poderán optar a axudas de 170 ou 90 €, en función dos ingresos familiares, mentres que os de 3º e 4º continúan co sistema de préstamo.

A novidade coa que conta este curso o Colexio de Educación Infantil e Primaria de Quiroga é cunha aula dixital, ó integrarse dentro do proxecto Abalar da Xunta de Galicia. Trátase do curso de quinto de primaria que este ano utilizará as novas tecnoloxías nalgunhas das súas materias.

9 sept 2011

A CONCELLEIRA DE XUVENTUDE ENTREGA O PRIMEIRO BONOBÚS DESTE CURSO

Un ano máis, coincidindo co inicio do curso universitario, o Concello de Quiroga pon en marcha o programa do Bonobús. Programa co que o concello axuda economicamente a todos aqueles rapaces empadroados en Quiroga que cursan os seus estudos universitarios nos distintos campus galegos.

Esta mañá a concelleira de xuventude, Rosa Arza, fixo entrega do primeiro Bonobús da tempada. Esta axuda pódese solicitar na Oficina de Información da Xuventude situada na Casa da Cultura.

O concello subvenciona nun 50% o servizo de transporte ás distintas universidades de Galicia. Así os mozos que se despracen ao campus de Santiago terán que aboar polo bono anual 550 €; os que se despracen a Lugo, 340 €; á Coruña, 612,5€; a Vigo, 715 e os que vaian a Ourense abonarán 242,5€.

Cada persoa terá dereito a dúas viaxes semanais durante o curso escolar, unha de ida e outra de volta. As saídas do autobús universitario serán os domingos e os retornos os venres; en caso de existir pontes, as saídas produciranse os días festivos e os retornos as vésperas de festivos.

Para os desprazamentos a Santiago e Lugo, os universitarios poderán optar por todas as expedicións que a empresa Monbús teña en funcionamento.

O servizo, que comezará o vindeiro día 11, estará en funcionamento ata o 8 de xuño do 2012.

6 sept 2011

MÚSICA, NOVA ACTIVIDADE QUE QUERE POÑER EN MARCHA O DEPARTAMENTO DE CULTURA

O Concello de Quiroga, co ánimo de ampliar o abano de actividades culturais e formativas para os vindeiros meses, quere poñer en marcha unha nova actividade: Música (solfexo, canto, percusión, clarinete etc.).

Esta actividade desenvolverase na Casa da Cultura sempre que se xunte un número mínimo de alumnos e alumnas.

O custo será de 20,00€ mensuais por alumno/a.

As persoas interesadas en participar deberán anotarse na Casa de Cultura ao longo deste mes de setembro.

5 sept 2011

O CONCELLO OFERTA ACTIVIDADES EXTRAESCOLARES PARA NENOS E ADULTOS

O Concello de Quiroga abre o prazo de inscrición para participar nas actividades extraescolares complementarias organizadas para os meses de outubro, novembro e decembro tanto para nenos e nenas como para adultos.

As actividades que se desenvolverán son: inglés, reforzo en matemáticas e lingua, reforzo en comunicación, informática, pintura e teatro.

Os interesados deberán anotarse na Casa da Cultura en horario de 8:00 h a 15:00 h e aboar 10,00 € mensuais por cada actividade.

Para os alumnos e alumnas de educación infantil ofértase:
-Inglés todos os mércores.
-Pintura todos os sábados.
-Teatro todos os sábados.

Para os alumnos e alumnas de Primaria as clases ofertadas son:
-Inglés todos os mércores.
-Reforzo en matemáticas e lingua (alumnos 5º e 6º) os luns e os xoves.
-Reforzo educativo, actividades de comunicación: comprensión e expresión (alumnos/as 1º a 4º). Os luns e os xoves.
-Informática e técnicas de búsqueda na Internet os martes.
-Pintura todos os sábados.
-Teatro todos os sábados.

Para os alumnos de 1º e 2º de ESO:
-Inglés todos os mércores.
-Reforzo en matemáticas e lingua, os luns e os xoves.
-Informática e técnicas de búsqueda na Internet os martes.
-Pintura todos os sábados.
-Teatro todos os sábados.

E para os adultos:
- Informática os martes.
- Inglés os mércores.

2 sept 2011

XÓVENES AGRICULTORES COMEZA UN CURSO DE AGRICULTURA CON CERTIFICADO DE PROFESIONALIDADE

Esta mañá comezaba un curso sobre Actividades Auxiliares de Agricultura, organizado polo sindicato Xóvenes Agricultores, en colaboración co Concello de Quiroga. O alcalde quirogués, Julio Álvarez, dáballe a benvida aos integrantes na Casa da Cultura.

O curso, de 380 horas de duración, forma parte do Plan AFD. Trátase dun curso de formación ocupacional cofinanciado pola Consellería de Traballo, o que implica que ao seu remate os participantes recibirán un Certiticado de Profesionalidade.

O curso de 15 prazas vai dirixido fundamentalmente a desempregados inscritos no servizo público de emprego, aínda que as dúas prazas que quedan por cubrir poden ocupalas traballadores en activo.

As clases, que comezaron esta mañá, prolongaranse ata o 30 de novembro e impartiranse en horario de oito e media da mañá a dúas e media, de luns a venres. As clases teóricas impartiranse na Casa da Cultura, mentres que as prácticas se realizarán en cultivos de terreos municipais e zonas verdes.

O temario do curso inclúe varios módulos, entre os que se inclúen as operacións de preparación de terreos, sementeira e plantación de cultivos; de rega, abonado e tratamentos; e recolección de cultivos e mantemento de instalacións agrícolas.

Os participantes neste curso contan con axudas por transporte, por minusvalía e por conciliación.

1 sept 2011

UNHA FESTA DESPIDE OS CAMPAMENTOS DE VERÁN

Os rapaces participantes nos campamentos de verán do servizo de Educación Social do Concello participaron onte nunha gran festa de despedida dos obradoiros.

A festa desenvolveuse no pavillón municipal a partir das doce do mediodía e prolongouse ata as dúas. Durante este tempo o medio cento de rapaces e rapazas participantes durante este verán nos campamentos puideron desfrutar dos xogos organizados por unha empresa de animación.

Ata esta festa achegouse o alcalde, Julio Álvarez, e a concelleira de Educación, Benestar e Igualdade, Ana Núñez. Despois de despediren os rapaces, informáronos de que tras un pequeno descanso retomarase a Ludoteca de Inverno.

Máis de medio cento de rapaces e rapazas participaron durante os meses de xullo e agosto nos campamentos de verán. Esta actividade tiña como finalidade dar un servizo diario aos seus usuarios nunhas datas nas que os máis pequenos desfrutaron de tanto tempo de lecer.

31 ago 2011

O CONCELLO TENTA QUE O PREGAMENTO DE CAMPODOLA SEXA DECLARADO MONUMENTO NATURAL

Técnicos da Consellería de Medio Rural achegáronse onte ata Quiroga para entrevistárense co alcalde, Julio Álvarez, sobre a declaración do pregamento de Campodola como Monumento Natural.

Nesta xuntanza establecéronse os límites da zona que vai quedar dentro da protección do Monumento Natural e, para iso, tratouse de acoutar unha zona que prexudique o menos posible os veciños que poidan levar a cabo algún aproveitamento do monte. Así o 90% da zona delimitada é unha parede completamente vertical que non permite ningún tipo de uso.

Tras o acordo acadado onte entre o Concello de Quiroga e a Xunta de Galicia en canto aos límites e á declaración, agora será a Xunta a que aprobe definitivamente este título.

O Concello de Quiroga comezou no ano 2005 os trámites para acadar a declaración de Monumento Natural do pregamento, coa intención de darlle unha figura de protección e un valor engadido en canto á súa divulgación.

De acadar esta protección, o pregamento de Campodola sumaríase aos sete espazos que contan con este amparo en toda Galicia, entre os que se atopan a praia das Catedrais ou o souto de Rozabales.