27 jun. 2016

ALTA PARTICIPACIÓN E NOVA VICTORIA DO PP NAS ELECCIÓNS XERAIS

       2.190 quirogueses dos 2.975 que podían exercer o seu dereito a voto acudiron na xornada de onte ás urnas. Un 75,36 % de participación nunha xornada que se desenvolveu sen incidencias. Unha vez máis a forza máis votada foi o Partido Popular, que acadou cos seus 1.275 votos un 58,22 %; seguido a moita distancia do PSOE con 410 votos, un 18,72% e de Marea, que cos seus 305 votos e un 13,93%, pasa a ser a terceira forza máis votada. Xa a máis distancia sitúase ciudadanos, cun 4,38% que  lle dan os seus 96; e Nos-BNG con 34 votos e un 1,55% dos votos. Completan o escrutinio dos votos o partido animalista con 15 votos, e Recortes Cero con 3 votos. Tamén se contibilizaron 16 votos en blanco e 36 nulos.
         
Nestas eleccións constituironse seis mesas electorias, xa que dende as eleccións de decembro a mesa de Montefurado está integrada na de Soldón.
         
 No centro social de Quiroga instaláronse duas mesas, na mesa A, cun 70,52% de participación recolléronse 447 votos, dos cales 256 foron para o PP; 66 para o PSOE; e 79 para Marea. Ciudadanos acadou 24 votos, Nos-BNG 9 e o partido animalista 2 e Recortes Cero acadoron 1 voto, 2 dos votos foron en branco e 8 nulos.
         
Na outra das mesas situadas no Centro Social, recolléronse 645 votos, un 76,05% de participación. O PP acadou nesta mesa 340 votos; PSOE  113 e Marea 103. Ciudadanos obtivo 44 votos, Nos- BNG 12, o partido animalista 9, e 2 votos foron para Recortes Cero. Esta mesa recolleu 6 votos en blanco e 16 nulos.
         
     No centro social de Campos de Vila, cun 78,66% de participación recolléronse 595 votos. 266 para o PP; 97 para o PSOE, e 56 para Marea. Ciudadanos obtivo nesta mesa 19 votos, Nos- BNG 8 e o partido animalista 4. 6 votos foron en branco e 3 nulos.
         
A mesa situada no muiño de Soldón, onde votaron os veciñós que habitualmente o facían máis os de Montefurado, recolleu 289 votos, un 74,81%. Destes votos 204 foron para o PP. O PSOE acadou 42 votos e Marea 32votos. Ciudadanos obtivo 6 votos. Tamén se recolleron 2 votos en branco e 3 votos nulos.
         
Na cantina Bonifacio, en Vilar de Lor, cun 75,57% de participación acadáronse 195 votos, dos cales 126 foron para o PP, 44 para o PSOE, e 18 para Marea. Ciudadanos obtivo 1 voto e Nos- BNG 3. ademais 3 votos foron nulos.
        
Finalmente na casa da cultura de Quiroga, a mesa que contou con máis participación, xa que acadou un 79,00%, recolleu 155 votos. O partido popular con 83 votos, o PSOE con 48 votos e marea obtivo 17 votos. Ciudadanos obtivo 2 votos, Nos-BNG 2. Tamén se contabilizaron 3 votos nulos.
         
    Comparadas coas eleccións xerais do pasado mes de decembro a participación subiu duna 74,94 ata un 75,36. Tamén subiu en porcentaxe de votos o PP, a forza máis votada, que pasou dun 57,33, a un 58,22. Tamén subiu lixeiramente o PSOE que pasou dun 18,28 a un 18,72; e Ciudadanos que dun 4,10% dos votos pasou a un 4,38. Pola contra baixaron En Marea e Nos –BNG, que pasaron dun 14,35% a un 13,93 os primeiros e dun 2,36 a 1,55% os segundos.

Estes foron o resultados para o Congreso. Nestas eleccións votáronse duas papeletas, que se distinguían por cores, unha para o senado e outra para o Congreso.  A papeleta do Congreso era de cor branca, impresa por unha soa cara. Pola contra a papeleta do Senado é de cor sepia e común para todos os candidatos, polo que o elector podía por unha cruz ata un máximo de tres candidatos, acadou os seguintes resultados nas tres formacións máis votadas:

          Os candidados do Partido Popular, acadaron: José Manuel Barreiro 1.263 votos, Dámaso López, 1.248 e Sandra Vázquez acadou 1.249 votos. Os candidatos do PSOE,  Ricardo Varela obtivo 406 votos, Darya Fernández 396 e Manuel Dacosta 395. Finalmente os candidatos de Mareas acadaron Luis Manuel Daporta 258 votos, Carmén Pérez 235 e Modesto Renda con 220 votos.




17 jun. 2016

ABERTO O PRAZO PARA INSCRIBIRSE NOS CAMPAMENTOS DE VERÁN PARA NENOS

Dende a Área de Educación do Concello de Quiroga, ofertase novamente para os nenos de 3 a 12 anos os Campamentos de Verán 2016,  que terán lugar de luns a venres, agás festivos, durante os meses de xullo e agosto. Concretamente, do venres 1 de xullo ao mércores  31 de agosto, en horario de once da mañá a duas do mediodía.
A entrada será para todos/as nenos e nenas na Casa da Cultura e a saída nas piscinas municipais, onde terán que recollelos.
Todas as actividades estarán adecuadas á idade dos nenos e nenas e haberá monitores  para cada un dos tres grupos de idade,  e unha supervisora para os tres grupos. Na piscina contarase cun socorrista para as clases de natación.
Para asistir aos campamentos, é necesario que os nenos e nenas de 3 anos teñan autonomía, ademais todos deben traer nunha mochila cómoda para eles, toalla, bañador, chanclas, crema solar, un pequeno tentempé, auga, muda e unha gorra.      
 Os nenos e nenas de 3 a 5 anos comezarán os campamentos con obradoiros de inglés ou expresión matemática, plástica, musical ou contando historias dependendo do día. A segunda hora estará ocupada por xogos e expresión corporal. As xornadas rematarán con natación e xogos na piscina.
 Os nenos e nenas de 6 a 8 anos comezarán con reforzo escolar ou obradoiros manuais, de inglés ou plásticos dependendo do día. A segunda hora estará enfocada a disitintos tipos de xogos para rematar tamén con natación e xogos na piscina.
Finalmente os nenos e nenas de 9 a 12 anos, comezarán, dependendo do día con coñecemento do mundo, reforzo escolar ou obradoiros de inglés. A segunda hora estará centrada tamén nos xogos e deportes para rematar a última hora con natación e xogos na piscina.
     Os campamentos teñen un custo por neno de 25 €/mes para os empadroados en Quiroga e de 35 €/mes para os non empadroados. Os irmáns que asistan aos cursos terán un desconto de 5 €/mes por irmán. Os asistentes de menos de 15 días pagarán 13 € por semana.

      As persoas interesadas en inscribir aos seus fillos/as deben realizar a inscripción na Casa da Cultura antes do luns día 27 de xuño. O pago das cotas realizarase a principios de cada mes. Aquelas persoas que veñan de vacacións a Quiroga poderán inscribirse en calquera momento.

ESTA TARDE CLAUSÚRANSE AS ESCOLAS DEPORTIVAS MUNICIPAIS

O pavillón municipal acollerá esta tarde a clausura das Escolas Deportivas. Os actos comezarán ás sete da tarde coa foto oficial dos distintos equipo e coa disputa dos encontros entre os distintos equipos. Ás oito menos cuarto contarase coa novidade da exhibición das alumnas de ximnasia rítmica, para rematar co tradicional encontro entre pais e fillos.
     A clausura da escolas deportivas rematará coa V Gala Cea do deporte quirogués, como recoñecemento aos eventos, deportistas e clubes da tempada 2015/2016.

A cea aberta a todas as modalidades deportivas, eventos  e amigos de todo o deporte quirogués, celebrarase no Restaurante Dimar, a partir das nove e media da noite.