28 may. 2010

REÚNESE A COMISIÓN DE FACENDA E A DE ASUNTOS DO PLENO

Na mediodía de onte reuniuse na casa consistorial a Comisión de Facenda e Especial de Contas para aprobar a Conta Xeral do Orzamento do exercicio 2008, que será remitida ó Consello de Contas de Galicia e o Tribunal de Contas.

Trala Comisión de Facenda reuniuse a Comisión de Asuntos do Pleno na que se aprobou ceder á comunidade veciñal do monte en man común da Seara, arrendado polo concello durante once anos, o aproveitamento cinexético do monte; designar a D. Urbano Nuñez Rodríguez para o cargo de Xuíz de Paz substituto do Xulgado de Paz de Quiroga; e ceder á comunidade veciñal de Pacios da Serra o uso e goce do edificio da antiga escola de Pacios da Serra para o seu uso en actividades comunais.

Todos estes puntos serán debatidos na sesión plenaria extraordinaria que a corporación municipal celebrará o vindeiro luns a partir da unha da mediodía.

27 may. 2010

SOCIOS DO CENTRO SOCIAL PERCORRERÁN A RUTA DO FERRADAL

O Centro Social para a Terceira Idade organizou para o vindeiro xoves, 3 de xuño, unha actividade de aire libre e sendeirismo, polo val do río Soldón, para percorrer a ruta do Ferradal, unha ruta que ten o aliciente da paisaxe de montaña e do río.

A actividade está dividida en tres grupos. O primeiro grupo que fará a ruta dende Rugando a Ponte Soldón; o segundo grupo fará a ruta dende Quiroga Ponte Soldón e un terceiro grupo que participará soamente no xantar e as actividades lúdicas.

40 socios farán a ruta a pe dende Rugando ata Ponte Soldón, cun percorrido de 10,5Km cunha dificultade media baixa. Este grupo sairá das inmediacións do centro social ás oito da mañá, para comenzar a camiñata en Rugando sobre as oito e cuarto. Os caminantes deberán ir equipados con roupa e calzado axeitado e bastón de apoio en caso de precisalo. Este grupo estará dirixido por Agapito Vila, experto camiñante e coñecedor desta ruta.

Outros 15 participantes farán a ruta a pé dende Quiroga ata Ponte Soldón, cun percorrido aproximado de 4,5Km. Para coincidir na súa chegada a Ponte Soldón coa chegada do grupo que sae dende Rugando estes camiñantes teñen previsto sair de Quiroga ás once da mañá.

Un terceiro grupo participará no xantar con todos os demais e nas actividades lúdicas e a visita ao entorno cultural e etnográfico do Soldón. Este grupo desprazarase ata o punto de encontro por medios propios.

A última hora da tarde emprenderase o regreso cara Quiroga na que os caminantes farán a ruta novamente a pé, contando co apoio do coche de Protección Civil do Concello.

26 may. 2010

SENDEIRISMO DE LIMPEZA POLO RÍO QUIROGA

A Área Social do concello de Quiroga, en colaboración coa Deputación Provincial, organíza unha actividade de “Sendeirismo de limpeza polo río Quiroga”, dirixido a nenos e nenas de 10 a 12 anos.

Esta actividade terá lugar os mércores do mes de xuño de 18:30 a 20:00 horas e consistirá en limpar as beiras do río, xunto con dous monitores ó mesmo tempo que coñecerán a flora e fauna existente neste lugar, como recompensa convidarase ós participantes a unha merenda.

Como premio polo traballo realizado todos os participantes terán unha camiseta e unha mochila diseñadas por eles mesmos. Para apuntarse poden facelo na Casa de Cultura antes do día 1 de xuño.

25 may. 2010

UN NOVO MIRADOR PARA DIVISAR O VAL DO RÍO QUIROGA

O rexedor local, Julio Alvarez, acompañado do concelleiro Angel Rodríguez e un técnico municipal, achegouse ata Bustelo de Fisteus onde se comenzou a construcción dun mirador.

Nestes momentos trabállase na base do futuro mirador, que se construirá prácticamente igual que o resto dos miradores do municipio, é decir a base de lousa e pedra ornamental.

Dende este novo mirador podense contemplar unhas espectaculares vistas do val do río Quiroga, coa vila quiroguesa ó fondo, e ancestrais soutos de castiñeiros na parte esquerda.

24 may. 2010

A ASOCIACIÓN DE MULLERES SAN MARTIÑO VAISE DE EXCURSIÓN A SEGOVIA

A Asociación de Mulleres San Martiño organizou unha excursión para esta fin de semana, 29 e 30 de maio, a Segovia e a Sepúlveda.

A viaxe que está dirixida ás socias e as súas familias farase en autobús, sáindo de Quiroga o sábado ás 6:30 da mañá para chegar sobre as 11:30 á cidade de Segovia, onde un guía local os agardará para realizar unha visita pola cidade.

O domingo a visita será á vila medieval de Sepúlveda, onde permanecerán ata as seis da tarde, momento previsto para a saida de cara a Quiroga.

Durante os dous días os visitantes degustarán os productos típicos desta zona como é o cochinillo asado, o cordeiro ou a sopa castellana.

21 may. 2010

DETECCIÓN PRECOZ DO CANCRO DE MAMA

Dende o pasado martes está instalada nas inmediacións do Centro de Saúde, a unidade móvil para a realización de mamografías para a detección precoz do cancro de mama. As quiroguesas con idades comprendidas entre os 50 e os 69 anos foron citadas polo Sergas para que acudan a realizar estas revisións na unidade que estará en Quiroga ata o vindeiro xoves, día 27.

O programa, que empezou a funcionar con mulleres de 50 a 64 anos, chega na actualidade ata os 69. A partir dos datos do padrón e a base de datos da tarxeta sanitaria, o Sergas localiza ás mulleres comprendidas nesta franxa de idade e dirixelles unha invitación por carta para someterse a unha revisión que consta de duas mamografías de control e que se repite cada dous anos.

As placas son leidas por dous radiólogos especializados e os resultados sonlles comunicados a cada usuaria por carta certificada no prazo aproximado dun mes. No caso de que a mamografía suscite sospeita, o Sergas remitirá automáticamente unha cita médica para asegurar o diagnóstico e, si é o caso, iniciar o tratamiento.

A unidade móvil atende ás mulleres dende as oito e media da mañá ata a unha e media, e pola tarde dende as tres e cuarto as catro. As mulleres citadas deberán acudir acompañadas do Documento Nacional de Identidade.

20 may. 2010

A III VOLTA CICLISTA POR LUGO PASARÁ POR QUIROGA O DÍA 30

A III volta ciclista as comarcas de Lugo que organiza o Club Ciclista Cidade de Lugo, pasará por Quiroga o domingo 30 de maio.

Esta proba da categoría Elite sub-23, de ámbito nacional desenvolverase os días 28, 29 e 30 de maio, nos que os participantes recorrerán a práctica totalidade da provincia.

Está previsto que os primeiros ciclistas cheguen a Quiroga o domingo sobre a unha e vinte da mediodía. Os corredores que veñen dende o alto do Boi pasarán pola rúa Real onde estará situada unha meta volante nas inmediacións da casa consistorial, para continuar camiño cara a N-120 en dirección a Monforte de Lemos.

No desenvolvemento desta proba o seu paso por Quiroga colaborará a Policía Local e voluntarios de Protección Civil.

15 may. 2010

ENTREGA DOS PREMIOS DE POESÍA E DEBUXO

O Concello de Quiroga, con motivo do Día das Letras Galegas fará entrega de diversos premios, a partir das 13:15h. no Salón de Sesións do Concello. Trátase dos premios dos seguintes concursos:

*Certame de Poesía organizado pola área de xuventude do Concello de Quiroga
CATEGORÍA NON LOCAL DOURADA
                        1º PREMIO: JESÚS ALFONSO PARADA JATO.
CATEGORÍA LOCAL INFANTIL
                        1º PREMIO: MARTÍN RODRÍGUEZ BELL.

*Concurso de Debuxo e exposición dos traballos presentados ó mesmo ó longo de varios anos, ambas actividades organizadas pola área municipal de educación social.
CATEGORÍA A: nenos/as de 4 a 6 anos:
                        1º PREMIO: NURIA RAMOS DOS ANXOS
CATEGORÍA B: nenos/as de 7 a 10 anos:
                        1º PREMIO: NEREA LEMOS MUÑOZ
                        2º PREMIO: LUCÍA ÁLVAREZ DOMÍNGUEZ.
                        3º PREMIO: MARTA CAMPOS MATEO.

12 may. 2010

II LIBRO CARTAS DE AMOR "VILA DE QUIROGA"

O vindeiro luns, con motivo do Día das Letras Galegas, o concello de Quiroga presentará o segundo libro Cartas de Amor Vila de Quiroga.

O primeiro dos libros publicouse no ano 2006 en el recollíanse as cartas gañadoras dos tres primeiros certamenes. Agora, neste segundo libro recollense as cartas dos gañadores do 4º, 5º e 6º certame convocado polo concello de Quiroga a través da Oficina de Xuventude.

No cuarto certame os gañadores na categoría de cartas non locais foron para as cartas tituladas: “Dende alén do mar”; “El amor no tiene edad” e “Grazas por ser como es”. Na categoría de cartas locais o premio foi para “Querido caramelo”. Todas elas participaban na subcategoría dourada.

No quinto certame do concurso o premio para a carta non local foi para a titulada“Por vos”; e na categoría local para “Ola Rubén”. Ademais houbo un accésit para a carta titulada “Ola, meu ceo”.

No sexto certame de Cartas de amor, as premiadas foron as cartas tituladas: “Quiero decirte”, “Amor de corazón”, “La más bonita de todas las fiestas” e “Carta para eme”. Nesta ocasión tamén se fixo entrega dun accésita á Asociación de axuda ó enfermo mental da Mariña por todos os seus traballos.

Todas estas cartas están recollidas no libro editado polo concello de Quiroga e que se presenta oficialmente coincidindo cos actos programados para o día das Letras Galegas.

11 may. 2010

O CONCELLO DE QUIROGA ORGANIZA OS ACTOS PARA O DÍA DAS LETRAS GALEGAS

O concello de Quiroga organizou diversos actos para conmemorar o vindeiro luns día 17 de maio, día das Letras Galegas.

Os actos organizados comenzarán a unha e cuarto da mediodía coa recepción na casa consistorial ós distintos colectivos culturais do municipio. Trala recepción presentarase o segundo libro “Cartas de amor vila de Quiroga”. Tamén se aproveitará para entregar os premios do certame de poesía organizado pola área de xuventude e do concurso de debuxo da área de educación social. A recepción rematará coa actuación da banda de gaitas San Martiño.

Pola tarde, a partir das oito do serán o auditorio municipal acollerá unha obra de teatro infantil titulada “Erase unha vez… unha estantería” a cargo do grupo Mundo Piruleta.

10 may. 2010

MEDIO CENTO DE QUIROGUESES PARTICIPAN NO PRIMEIRO TRAMO DO CAMIÑO DE SANTIAGO A PE

O concello de Quiroga organizou un percorrido polo tramo do Camiño Francés que discorre por Galicia andando. Trátase de recorrer o tramo dende o Cebreiro ata Santiago de Compostela, 144,7 Km en total, en sete etapas que se realizarán os sábados.

A primeira das etapas realizouse o sábado; e comprendeu o tramo entre o Cebreiro e Triacastela, un total de 21,1 Km. Nesta etapa que os peregrinos comenzaron saindo de Quiroga ás oito e media da mañá, participaron 54 persoas.

Dividiron a xornada en duas etapas, pola mañá empreñaron tres horas para facer un recorrido de aproximadamente 12 Km deixando para a tarde 9 Km. Sobre as oito da tarde estaban novamente de regreso en Quiroga.

A vindeira etapa realizarase o sábado día 22 de maio, e comprende o tramo entre Triacastela e Sarria, un total de 18,3 Km.


6 may. 2010

O PLENO APROBA OS PRESUPOSTOS MUNICIPAIS

A Corporación municipal celebrou onte a partir das doce e media da mediodía, unha longa sesión plenaria ordinaria na que o punto máis destacado foi a aprobación dos presupostos para o exercicio 2010.

A sesión plenaria comenzaba coa aprobación da acta correspondente a sesión plenaria do día 25 de febreiro. Cos votos en contra da oposición aprobouse o expedente de recoñecemento extraxudicial de créditos.

O terceiro punto da orde do día era a aprobación do orzamento xeral da corporación para este ano. O voceiro do BNG acusou o alcalde de inflar os presupostos, mentres que o do PSOE dixo que estes presupostos eran turbios. O rexedor local pola súa banda calificou os presupostos de continuistas, serios e rigurosos.

Cos votos a favor do PP os votos en contra do PSOE e coa abstención do BNG desestimaronse as alegacións dos propietarios dos terreos incluidos no expedente de expropiación forzosa para o proxecto de dotación de servicios socioculturais ó barrio da Ribeira.

No punto relativo á ratificación dos acordos da Xunta de Goberno Local sobre o plan de desenvolvemento xitano e ó plan de desenvolvemento da prestación de servicios sociais para o ano 2010, o BNG quixo saber se estes plans servian para algo, mentras que o PSOE esixiu que se lle rendisen contas das subvencións concedidas baixo estes plans.

Por unanimidade adxudicouse unha praza de garaxe na Praza de España. E finalmente, tamén por unanimidade aprobouse o regulamento da marca rexistrada Aceite de Quiroga.

5 may. 2010

EXPOSICIÓN DE MAQUETAS NO MUSEO ETNOGRÁFICO

O Museo Etnográfico acolle durante todo este mes de maio, unha exposición de maquetas de Vicente Blanco Gómez, veciño da Enciñeira.

A exposición acolle unha quincena de maquetas de considerable tamaño realizadas maioritariamente en pedra e madeira, que son réplicas de edificacións da zona. Entre as que destacan as maquetas da igrexa da Enciñeira e da igrexa de Montefurado, ou unha lareira con todo o seu mobiliario.

O museo etnográfico ten aberta a exposición os sábados, domingos e festivos en horario de doce a unha da mediodía.

4 may. 2010

UN CENTRO MULTIUSOS PARA A ZONA DA RIBEIRA

A goberno municipal ten intención de dotar a zona da Ribeira dun centro multiusos. O alcalde de Quiroga, Julio Álvarez, falaba no programa Audiencia Pública de que este proxecto está supeditado a que o concello consiga os terreos onde levantar a construcción.