29 abr 2011

AS ACTIVIDADES Ó AIRE LIBRE CENTRAN AS ACTIVIDADES DO CENTRO SOCIAL PARA O VINDEIRO TRIMESTRE

O Centro Social ven de sacar o boletín no que recolle as actividades programadas para os meses de maio, xuño e xullo, que se centran maioritariamente nas actividades ó aire libre.

No mes de maio, realizarán unha xornada gastronómica e de convivencia social o día 19. Tamén teñen prevista unha excursión ó Principado de Asturias coa visita o Santuario de Covadonga e as localidades de Cangas de Onís e Colunga, os días 25 e 26 de maio.

Ademáis continuarase cos obradoiros de ximnasia, de manualidades e de plantas máxicas e cos bailes os domingos.

No mes de xuño unha ruta de sendeirismo polo río e a montaña do Lor e unha excursión ás Rías Baixas centran o programa. Paro o mes seguinte as protagonistas das viaxes serán as Rías Altas.

UN INCENDIO CALCINA UNHA CARROCETA E UN ALPENDRE EN SAMPAIO

Membros do Grupo Municipal de Intervención Rápida e da Policía Local achegábanse esta mañá ata Sampaio tras ser alertados dun incendio polo 112. Tratábase dun incendio ocorrido nun alpendre no que se atopaba unha carroceta do dono da vivenda colindante.

Os veciños ademáis da carroceta perderon varios apeiros de labranza, pero aínda que os danos materiais foron cuantiosos afortunadamente non houbo que lamentar ningún dano persoal.

O incendio, do que avisou un veciño que pasaba pola zona, iniciouse sobre as once e media da mañá cando estaban tentando arrancar a carroceta onde se iniciou o lume, as lapas quedaron controladas unha hora máis tarde.

28 abr 2011

GARCÍA BORREGÓN ENTREVÍSTASE CO ALCALDE DE QUIROGA

O Director Xeral da Conservación da Natureza, Ricardo García Borregón, visitaba onte o noso municipio. García Borregón era recibido na casa consistorial polo rexedor local, con quen mantiña unha xuntanza privada.

A visita, segúndo palabras do propio director xeral fíxose a petición do alcalde, Julio Alvarez, co motivo de coordinar as inversións que esta dircción xeral vai realizar na Rede Natura durante os vindeiros anos.

CONTRATADAS AS OBRAS DE 93 CAMIÑOS DE ACCESO A VIÑEDOS

En breve prazo darán comezo as obras para a mellora de accesos a viñedos que contratou a consellería do Medio Rural da Xunta de Galicia. A empresa Taboada e Ramos será a encargada de realizar a mellora de 93 camiños en quince parroquias do municipio de Quiroga.

Na parroquia de Paradaseca, cun presupostos de máis de 11.000 €, arranxaranse os camiños da Ferreira, de Reboredo do viñal das viñas de arriba, de outeiro e o acceso ás viñas de Paradapiñol. Na parroquia de Quintá do Lor, con 9.000 €, arranxaranse os camiños do Robredo, do Val, da Comarcal 533, de Sobrado, do agro no Freixeiro e das viñas en Castí. Na parroquia de San Martiño, con 26.000 €, os camiño nos que se traballará serán o do Pombar, Piñeiro, Barrelo, as Paredes, Pontido e Tapiceiros.

Tamén se realizarán traballos nas parroquias de Bendollo, Bendilló, Cereixido, Enciñeira, A Hermida, Fisteus, Hospital, Montefurado, o Nocedo, Sequeiros, Vilarmiel e Villaester; ata compretar un presuposto que ascende a preto de 460.000 €.  

27 abr 2011

A LUDOTECA ESTREA NOVAS INSTALACIÓNS

O servicio de Educación Social do Concello de Quiroga trasladou na tarde de onte a Ludoteca ás súas novas instalacións situadas no baixo da Casa de Cultura.

Este traslado celebrouse cunha festa, á que estaban convidados todos os usuarios da ludoteca, dende as cinco da tarde ata as oito do serán.

O servicio de Ludoteca é gratuíto, xa que o subvenciona o concello de Quiroga, coa axuda da Deputación Provincial de Lugo e vai dirixido a nenos e nenas de 3 a 12 anos. Ten lugar todos os martes e xoves no seguinte horario:
- de 5 a 6 da tarde para nenos/as de 3 e 4 anos.
- de 6 a 7 para nenos/as de 5 a 8 anos.
- de 7 a 8 para rapaces e rapazas de 9 a 12 anos.

Como novidade, a partir deste momento e, para casos excepcionais, aqueles pais, nais ou tutores que o necesiten, poderán dispoñer da ludoteca para os seus fillos/as en horario ininterrumpido de 5 da tarde ata as 8 do serán.

A programación de actividades da ludoteca baséase no xogo libre, xa que este combina a voluntariedade, o establecemento de reaccións sociais, a espontaneidade e o desenrolo da autonomía. O xogo libre vai acompañado de materiais de xogo seleccionados baixo criterios de calidade funcional, material e pedagóxica, unha distribución de espazos coherentes, e unha normativa interna que facilite a liberdade e o respecto tanto polos compañeiros de xogo como polos materiais da ludoteca. Paralelamente ó xogo libre, utilízanse diferentes propostas de actividades como: Talleres, actividades grupais organizadas, xogos dirixidos...

Os interesados en asistir só deben apuntarse ben persoalmente na Casa de Cultura ou na Ludoteca, ben chamando o número de teléfono 982 435 125.

20 abr 2011

VII CARREIRA POPULAR FEIRA DO VIÑO DE QUIROGA.

A área de deportes do concello de Quiroga organizou para a tarde do venres a VII Carreira Popular como preludio dos actos organizados para a XXIX Feira do Viño.

A carreira comenzará ás cinco menos cuarto da tarde coa modalidade de Canicross , cun percorrido de 5 KM. Tamto esta como o resto das carreiras terán a saída e a chegada diante da casa do Concello.

Ás cinco da tarde comenzará a carreira na categoría de pitufos, os nacidos no 2007 e posteriores, cun recorrido de 100 metros (ata o bar cine). Cinco minutos máis tarde sairán os prebenxamíns e os benxamíns, nacidos  nos anos 2003 e 2004 e no 2001 e 2002, cun percorrido de 500 metros, é decir unha volta ata a Praza de España.

Cinco minutos máis tarde participarán os nacidos nos anos 1999-2000, a categoría Alevín cun recorrido de 1.000 metros – 1 volta ata o bar Zorro. A continuación farano os da categoría Infantil e Cadete, é decir, os nacidos nos anos 1997 e 1998; e no 1995 e 1996, cun recorrido de 2.000 metros, ata as piscinas municipais e volta á meta.

A retirada de dorsais realizarase o día da proba no Concello, en horario de 12 a 13 h, tamén poderán recollerse dende as 15 h ata media hora antes do inicio de cada proba.

Ás cinco e media comenzará a Proba Absoluta, cun percorrido de 9.400 metros; e que comprende as categorías xuvenil, senior e veteranos; masculino e feminino. Este ano a proba de adultos estará controlada a través dun CHIP que se entregará a cada corredor no momento da recollida do dorsal e que se colocará na zapatilla antes da saída da proba.


Haberá trofeos e medallas para os tres primeiros de cada categoría tanto masculino como feminino, e os tres primeiros locais, e ó corredor de maior idade e o mais novo. Os participantes terán como agasallo unha camiseta conmemorativa da proba ata esgotar existencias. Os tres primeiros de cada categoría recibirán ademais como obsequio botellas de viño da nosa comarca.

19 abr 2011

O MÉRCORES 20 DE ABRIL ÁBRESE AO PÚBLICO NA SALA DE EXPOSICIÓNS DO CONCELLO A EXPOSICIÓN DE PINTURA E FOTOGRAFÍA, "ENGURRAS", DO ARTISTA IAGO EIREOS.

A sala de exposicións, do Concello de Quiroga acollerá, dende o mércores 20 de abril ata o luns 9 de maio, a exposición de fotografía “Engurras”, do artista lugués Iago Eireos. O acto de apertura terá lugar o mércores, día 20, ás 18.00 h .

A exposición “Engurras” versa sobre a terceira idade, o paso do tempo, as pegadas do camiño andado e as persoas maiores, que por evolución natural experimentan condicións de vida especialmente difíciles, xa que perden paulatinamente a saúde, a actividade social e a capacidade de socialización e, en moitos casos, séntense postergados e excluídos.

“Engurras” é un xeito de mostrar protagonismo e eloxio a esas persoas que adoitan mirar como espectadores o que acontece ao seu carón, sendo eles, realmente, os responsables directos do noso presente. As engurras son belas metáforas da experiencia que o tempo outorga e son sinónimo de autenticidade e de naturalidade.

Nun mundo rexido por un voraz sistema de consumo, cada vez máis cheo de camuflaxes e trampas rexidas polas modas publicitarias que vulneran a nosa sociedade… Máis que nunca, a engurra é bela.

13 abr 2011

O SÁBADO 16 DE ABRIL INAUGURASE NO MUSEO ETNOGRÁFICO A EXPOSICIÓN DA PRODUCCIÓN ARTÍSTICA DE DOLORES NÚÑEZ SALGUEIRO


O vindeiro sábado, día 16 ás 19:00 ábrese ao público, na sala de exposicións do Museo Etnográfico Municipal de Quiroga, a exposición de artesanía da artista quiroguesa, pero afincada en Madrid, Dna. Dolores Núñez Salgueiro (Loli).
Esta mostra multidisciplinar inclúe pezas de iconografía, esmalte ao forno, oleo sobre cristal ,etc; técnicas complexas e laboriosas que a artista domina perfectamente.
Esta exposición, que se poderá visitar ata o día 27 de abril, está composta por máis de medio centenar de pezas, que conforman unha mínima parte da prolífica obra desta artista que se define como autodidacta.

12 abr 2011

PAZ PADILLA SERÁ A PREGOEIRA DA XXIX FEIRA DO VIÑO DE QUIROGA


Naceu en Cádiz en 1970. Tras unha etapa inicial ligada o Hospital Universitario Puerta del Mar da súa cidade natal, como auxiliar de clínica, Paz Padilla adentrouse na televisión en 1994 no programa de humor Genio y Figura emitido en Antena 3, ademais deste colaborou en varios programas mais desta cadea.

En 1996 pasou ás autonómicas, copresentando o programa Inocente, Inocente e pouco despois a TVE, en 1996 pasou a "Muchas Gracias 96" na noiteboa de 1996, donde Paz Padilla presentouno e contou ademais chistes. Entre 1997 e 1999 colaborou no famoso programa Crónicas Marcianas de Telecinco, con gran éxito. Ademais de participar en programas tamén fixo de actriz en numerosas series e cine.

Actualmente e dende o 2009 é presentadora do progarma de Telecinco “Sálvame Dirario” os venres sustituíndo a Jorge Javier Vázquez.

A coñecida humorista, actriz e presentadora de televisión, Paz Padilla, será a pregoeira da XXIX Edición da Feira do Viño de Quiroga, que se celebrará os días 23 e 24 de Abril. Tamén será o xurado para o concurso de camisetas que se celebra este ano como novidade.

A lectura do pregón faráse dende o balcón da Casa Consistorial ás oito e media da tarde do sábado.

PRESENTACIÓN DO LIBRO "LAS ENCOMIENDAS GALLEGAS DE LA ORDEN DE SAN JUAN DE JERUSALÉN.ESTUDIO Y EDICIÓN DOCUMENTAL.LA ENCOMIENDA DE QUIROGA"

O vindeiro venres día 15 ás 20 h na Casa da Cultura terá lugar o acto de presentación do libro de Isidro García Tato e Eleutino Álvarez Álvarez, “Las encomiendas Gallegas de la Orden de San Juan de Jerusalén, Estudio y edicción documental. La Encomienda de Quiroga”.

O acto contará coas intervencións de Carlos García Cortés , Profesor do Instituto Teolóxico Compostelán; Eduardo Parda de Guevara y Valdés, Director do Instituto de Estudios Galegos “Padre Sarmiento” e por último Ignacio Santos Cidrás, Director Xerente da S.A. de Xestión do Plan Xacobeo.

6 abr 2011

MAÑÁ SÁBADO 9 DE ABRIL O MUSEO ETNOGRÁFICO ACOLLE A TRADICIONAL CATA DOS VIÑOS QUE PARTICIPAN NA XXIX FEIRA DO VIÑO

Mañá sábado, o museo Etnográfico acollerá a tradiconal cata das mostras do viño recollidas entre os nove participantes inscritos na XXIX Feira do Viño. A partir das 13:30 h, unha comisión de catadores probarán e valorarán os  viños tintos e brancos que xa foron remitidos a un laboratorio especializado para a súa análise.

Os viños que se catarán corresponden aos viticultores:

-Gaspar Álvarez Nogueira, das Medas.
-Guillermo Nogueira Veloso, de Bendilló.
-Francisco Javier Mendoza Teijeiro, de Quiroga.
-Antonio García Alvarez, de San Xulián de Abaixo.
-Alfonso Núñez Calvo, dos Novaes.
-Antonio Castro Álvarez, de San Vitoiro.
-Ceferino González, de Bendilló.
-José Luis Rodríguez Lago, de San Xulián de Abaixo.
-María Oliva Cao de Bendollo.

MUSEO XEOLÓXICO DE QUIROGA: ACORDO MARCO DE COLABORACIÓN ENTRE A UNIVERSIDADE DA CORUÑA EO O CONCELLO DE QUIROGA.

O alcalde de Quiroga, Julio Álvarez Núñez e o reitor da Universidade da Coruña, José María Barja Pérez, asinarán mañá día 7 de abril ás 13 h, no Reitorado da Coruña, un acordo de colaboración entre a Universidade da Coruña e o Concello de Quiroga.

Este convenio asínase para acadar a colaboración, do Instituto Universitario de Xeoloxía “Isidro Parga Pondal”, encabezado polo seu director, Juan Ramón Vidal Romaní e a doutora, Aurora Grandal d’Anglade, na posta en marcha do futuro Museo Xeolóxico de Quiroga.
O persoal do Instituto Universitario de Xeoloxía da Coruña, que leva moitos anos desenvolvendo traballos nesta zona, visitaron hai algún tempo o edificio construído para o museo e amosaron a súa total disposición para colaborar nesta iniciativa pioneira en Galicia.
Na actualidade o Concello de Quiroga está a rematar a infraestrutura do edificio en función dos contidos cos que se dotará este centro. Estes contidos xiran ao redor do impresionante patrimonio xeolóxico e paleontolóxico da comarca quiroguesa, constituíndo unha temática singular e atractiva para dar a coñecer esta parte do patrimonio natural e polo tanto contribuír de xeito activo á súa protección.
As instalacións do Museo Xeolóxico de Quiroga serán o punto de partida para unha Ruta Xeolóxica que permitirá contemplar e entender sobre o propio terreo os principais elementos que constitúen as distintas salas temáticas nas que se articula. Daquela o sinclinal do Caurel (pregamento de Campodola-Leixazós), as zonas mineiras (Pacios da Serra, Montefurado, Vilarbacú etc), os vales glaciares da Seara e Vieiros, os restos fósiles da fauna do Cuaternario e anterior e as primeiras testemuñas da presenza humana nesta zona, terán o seu protagonismo neste espazo que pretenderá axudar a comprender o que pasou hai millóns de anos.

5 abr 2011

O CONCELLO DE QUIROGA ORGANIZA UN CURSO DE CATA DE VIÑOS GALEGOS

O Concello de Quiroga, dende a oficina de Xuventude e coa colaboración da Xunta de Galicia, organizou para este ano o programa “TURISTEA POLO MUNDO DA ENOLOXÍA”, consistente nun curso de Cata de Viños Galegos, impartido polo sumiller e docente de hostelería D. Luís José López Padín, e nas viaxes ás feiras do viño de Sober e Vilachá.

Este programa, de balde para os/as participantes, compónse dun curso de tres días, martes 12, mércores 13 e venres 15 de abril das 20:15h. ás 22:15h. no Museo Etnográfico de Quiroga e de dúas viaxes, que terán lugar nas tardes dos domingos de ditas feiras coa saída ás 15:00h e a volta ás 00:00h. coa parada diante do concello.

Para poder asistir hai que apuntarse na Casa de Cultura antes do día 7 de abril, ou no teléfono 982 435 125.

1 abr 2011

CURSO DE NATACIÓN PARA NENOS/AS EN IDADE ESCOLAR

Dende o Concello de Quiroga, a través da Área de Educación Social, ofértase de novo o CURSO DE NATACIÓN na piscina climatizada de Monforte de Lemos, dito curso está subvencionado polo concello en colaboración coa Deputación de Lugo.

O curso, que vai dirixido a nenos e nenas en idade escolar, comezará o día 13 de abril e terá lugar todos os mércores dende a saída do colexio, 16:30h. ata as 19h., durante o trimestre de abril a xuño.

Hai prazas limitadas, e para aqueles que queden fóra das prazas quedará feita a reserva para o trimestre de outubro a decembro, cando se voltará a realizar.

Os interesados/as en apuntarse deberán pasar pola Casa de Cultura ou chamar ó teléfono 982 435 125.

XXIX FEIRA DO VIÑO DE QUIROGA OS DÍAS 23 E 24 DE ABRIL

A VII Carreira Popular que se celebrará o venres 22 ás cinco da tarde será a encargada de abrir o programa de actividades organizado para a XXIX Feira do Viño de Quiroga.

O sábado ás 5 da tarde comenzan os actos cunha alborada a cargo da Banda de Gaitas San Martiño, ás seis e media inaugurarase o recinto feiral e media hora máis tarde, ás 7, terán lugar no auditorio municipal as actuacións da Coral Polifónica de Quiroga, da Banda de Gaitas e do Grupo de Danzas San Martiño, e farase entrega dos premios do VIII certame Cartas de Amor Vila de Quiroga así como do concurso de debuxo.

As oito e media está previsto que comence o pregón no balcón da Casa do Concello. Tras o pregón, ás nove e cuarto entregaraselles os trofeos aos colleiteiros e tamén os premios os gañadores do concurso de camisetas no palco. A festa estará amenizada polo grupo Limón.

O domingo ás once da mediodía alborada a cargo do grupo de gaitas “Os do Recanto”. Pola tarde a música correrá a cargo da charanga “Terras de Bibei”.

Durante estes dous días poderase ver na sala de exposicións da Casa da Cultura unha exposición de pintura e fotografía de Iago Eireos Franco e no Museo Etnográfico unha exposición de artesanía de Dolores Núñez Salgueiro.