24 dic 2014

FELICES FESTAS


I ANDAINA-CARREIRA SOLIDARIA DE QUIROGA

O departamento de deportes  do Concello de Quiroga vai a celebrar a I Carreira Solidaria o día de fin de ano, 31 de decembro ás cinco da tarde. Esta vai a ser unha proba non competitiva e solidaria.
A inscripción será totalmente gratuita a cambio dunha achega voluntaria de 2 kilos de comida non perecedeira para entregar no Banco de Alimentos de Lugo.
A Primeira Carreira Andaina Solidaria San Silvestre de Quiroga terá un percorrido de tres kilómetros e medio llanos, coa saída e a chegada diante do concello.
As persoas interesadas en participar poden inscribirse na casa da cultura, no concello de Quiroga ou unha hora antes do inicio da proba. Todos os participantes serán agasallados cun nariz solidario.

SEN NOTICIAS DO VECIÑO DESAPARECIDO EN CAMPODOLA

Seguese sen noticias do veciño de Campodola, Vicente Alvarez Vieiros, que leva desaparecido dende o pasado martes pola tarde cando saiu do seu domicilio acompañado por dous cans da sua propiedade.
O grupo de emerxencias municipal, acompañado por membros de Protección Civil, da Garda Civil e do Servizo de Seprona da Garda Civil, están percorrendo as inmediacións do pobo en busca do desaparecido. Esta mañá voluntarios de Quiroga sumáronse a este dsipositivo de búsqueda.
Ata o de agora os resultados do perativo foron negativos polo que a Garda Civil decidiu recurrir a cans especializados na búsqueda de cadáveres para atopar ao home, xa que se pensa, que resultaría case imposible que este veciño se atopase con vida despois de pasar tantos días no monte e á intemperie coas baixas temperaturas rexistradas.
O dispositivo está peinando dende hai sete días un amplo radio de cobertura ao redor do núcleo de Campodola, para tentar dar con algunha pista que indique o que lle puido acontecer a este veciño, ou do seu paradeiro.

Os equipos peitearon toda a montaña do pregamento de Campodola, os camiños que puido facer o desaparecido e as inmediacións da aldea na que el e a súa parella son os últimos habitantes, pero de momento non hai nin rastro do home.

COMEZAN OS PREPARATIVOS DA XXXIII FEIRA DO VIÑO DE QUIROGA

        Xa se reuniu a comisión organizadora da XXXIII Feira do Viño de Quiroga, que terá lugar os días 4 e 5 de abril. Nesta reunión creáronse as distintas subcomisións para ir perfilando o programa do evento.
        Seguindo a tradición, cada ano nun tramo da rúa Real, nesta edición o recinto feiral situarase na parte de arriba da rúa.
        Tamén se acordou abrir o prazo de inscrición dos colleiteiros interesados en participar, do 9 ao 23 de xaneiro,  e perfiláronse os requisitos para participar na XXXIII edición:
- Cantidade  mínima: 200 botellas de viño branco e 250 botellas de viño tinto para presentar na feira, e outra cantidade igual ou superior na adega.
- Graduación alcohólica mínima:        12 º para o viño branco.
                                                           11,5 º  para o viño tinto.
- Acidez volátil máxima:            0,5 gr. acético/l. para o viño branco.
                                                  0,6 gr. acético/l. para o viño tinto.
          Unha vez rematado o prazo de inscrición, procederase a recollida das mostras para realizar os análises organolépticos dos caldos. 

CONCERTO SOLIDARIO DE PIANO A CARGO DO DOUTOR JOSEP RAMOS LARA

O Concello de Quiroga ten programado para o vindeiro domingo, día 28 a partir das 19:00 h, no Auditorio Municipal  de Quiroga o Concerto solidario de Canto e Piano “Peasant Poms Música Cinematográfica”, a cargo de Josep Ramos Lara,  a favor da Asociación “Escuelas de la Tierra”.
          A entrada será de balde,  as persoas que queiran achegar os seus donativos a “Escuelas de la Tierra” poderán facelo nunha urna colocada a tal efecto. Membros desta asociación, veciños de Quiroga, explicarán a labor educativa  que desenvolven en países coma Bolivia e tamén en España.

Josep Ramos Lara,  comeza os seus estudos de piano, aos 16 anos, no conservatorio do Liceo de Barcelona, a súa cidade natal. Este seria o seu primeiro contacto coa música que pasaría a converterse nunha das súas grandes paixóns e cuxo estudo xa non abandonaría.

Máis tarde, buscando novos camiños para  complementar a súa formación musical, empeza a formarse como cantante. Como o seu interese pola musica vai en aumento, continua ampliando os seus estudos en canto, piano e composición no conservatorio Calouste Gulbenkian de Aveiro (Portugal), na “Escuela Hispano Rusa de Altos Estudios Musicais” e na Escola Berenguela de Santiago.


Paralelamente a esta faceta, está a académica que o levou a facer medicina, outra das súas paixóns. Actualmente exerce a súa profesión no PAC de Quiroga.

19 dic 2014

CONCERTO DE NADAL

O concello de Quiroga organizou para mañá sábado, a partir das sete da tarde, o tradicional concerto de Nadal.

O concerto inclúe un ano máis as actuacións da banda de gaitas San Martiño, dos grupos de baile Arume da Queiruga e San Martiño, e da Coral Polifónica de Quiroga; así como dos alumnos e alumnas das clases de piano.


Ao longo deste festival tamén se fará a entrega dos premios dos concursos de postais de Nadal e do X certame de relato curto.

CONCERTO GREGORIANO NA ERMIDA

           Este domingo, na parroquia da Ermida tera lugar unha misa-concerto de Nadal a cargo da Schola Gregoriana Lucensis. Como consecuencia: ese día non haberá misa pola maña na parroquia da Ermida, a misa será ás 17:30. Esta misa estará presidida polo párroco José Luis Regueiro González, delegado do clero lucense.

          O concerto está organizado pola Parroquia Sagrado Corazón de Lugo, en agradecemento pola "Operación Kilo" que se desenvolveu dende as parroquias de Quiroga e o Caurel.

ESTA MAÑÁ PRESENTOUSE O LIBRO "OS BOLECHAS VAN A QUIROGA"

O Concello de Quiroga ven de editar o libro “Os Bolechas van a Quiroga”. A presentación desta obra de Pepe Carreiro editada  na editorial Bolanda, tiña lugar esta mañá, no Salón de actos da Casa da Cultura. Ao acto asistían autoridades locais e  os alumnos e alumnas do CEIP de Quiroga, aos que o Concello agasallou cun exemplar da obra.
          O obxectivo deste libro é, dar a coñecer o inmenso  patrimonio artístico, paisaxístico, etnográfico e cultural que agocha o noso municipio a través das aventuras dos  supercoñecidos e famosos personaxes dos Bolechas. Os protagonistas desta hitoria visitan os principais puntos de interés turístico do concello coma o Castelo dos Novaes, a Igrexa da Ermida e a de Hospital, Montefurado, a Mina romana de Margaride, o Pregamento de Campodola, ou a Lagoa de Lucenza. Presentando  ao lector  os importantes recursos turísticos cos que conta esta Comarca.
          Estamos ante unha  guía turística de promoción do Concello de Quiroga que, a través dos nenos e nenas, chegará ao público familiar fomentando o turismo no municipio.

          O libro poderá adquirirse, nas librerías da vila que estean interesadas en poñelos á venda e tamén no Museo Etnográfico e no Museo Xeolóxico.

CONTINÚA A BUSQUEDA DO VECIÑO DE CAMPODOLA DESAPARECIDO

Continúa a búsqueda do veciño de Campodola, Vicente Alvarez Vieiros, que leva desaparecido dende o pasado martes pola tarde cando saiu do seu domicilio acompañado por dous cans da sua propiedade.
Por terceiro día consecutivo, o grupo de emerxencias municipal, acompañados por membros de Protección Civil, da Garda Civil e do Servizo de Seprona da Garda Civil ca unidade canina, están percorrendo as inmediacións do pobo en busca do desaparecido.
Esta mañá uníase ao operativo o grupo de rescate de Trives, para tentar dar co desaparecido, pero ata o de agora, a búsqueda aínda non deu resultado.
O dispositivo está peinando un amplo radio de cobertura ao redor do núcleo de Campodola, para tentar dar con algunha pista que indique o que lle puido acontecer a este veciño, ou do seu paradeiro.

Os traballos de búsqueda prolongaranse durante toda a xornada ata que o permita a luz do día ou ata que se atope algunha pista do seu paradeiro.

5 dic 2014

CONVOCADOS OS CONCURSOS INFANTÍS DE POSTAIS E POESÍA DE NADAL

A área de Educación do concello organizou o concurso de Postais de Nadal para nenos e nenas de 3 a 12 anos.
As postais realizadas en medio folio, evidentemente tendo como tema o Nadal, deberán de presentarse na Casa da Cultura antes do 18 de decembro.
As postais deberán de presentarse acompañadas dun sobre pechado no que se incluirán os datos do autor.
Establécense cinco categorías para o concurso. Categoría A para os participantes de 3 a 4 anos; B para participantes de 5 a 6 anos; categoría C de 7 a 8 anos; categoría D de 9 a 10 anos; e finalmente categoría F para os participantes de 11 a 12 anos.

 Os premios, que serán premios sorpresas, entregaránselle aos gañadores o sábado 20 de decembro.
E a biblioteca pública municipal de Quiroga convoca o certame de poesía  infantil  “nadal 2014” (fase local), no que poden participar todos os nenos e nenas, con poemas sobre o tema xenérico de “O NADAL”.

          Establécense tres categorías: A, ata 8 anos, B de 9 a 11 anos, C, de 12 a 16 anos. Cada autor poderá presentar cantos traballos desexe. Os poemas estarán escritos en galego e a súa extensión  será como máximo dun folio por unha soa cara. Con cada traballo,  acompañarase  unha folla co nome e demais datos do autor.

          O prazo de presentación dos traballos rematará o vindeiro día 22 de decembro, debendo  ser entregados  polos seus autores na  Biblioteca Municipal.

          O  xurado, formado por entendidos na materia, seleccionará por cada modalidade e categoría un máximo de tres traballos. Os autores  seleccionados recibirán cadanseu diploma e  libros. Os traballos premiados nesta fase local participarán na fase provincial do Certame, convocado pola Biblioteca Pública Provincial de Lugo, co patrocinio da Consellería de Cultura e Turismo  da Xunta de Galicia.

          O fallo do xurado local farase público antes de rematar a primeira quincena  de xaneiro de 2015.

28 nov 2014

PUBLÍCASE NO B.O.P. O EXPEDENTE DE EXPROPIACIÓN DOS TERREOS PARA O APARCADOIRO DO CEMITERIO DE HOSPITAL

O Boletín Oficial da Provincia publicou onte xoves o expedente de expropiación forzosa dos terreos necesarios para a execución do proxecto de “Habilitación dunha zona de aparcadoiro público xunto ao Cemiterio Parroquial de San Salvador de Hospital”.

Dacordo coa Lei  sobre expropiación Forzosa e o Decreto polo que se aproba o Regulamento da Lei de Expropiación Forzosa, comunícaselle, aos interesados nas parcelas  número 925, cunha superficie de 810 metros cadrados, e a parcela 1335, de 934 metros, ambas dentro do Polígono 72, e coñecidas co nome de o Caneiro; que se abre  un período de 20 días, dentro do cal se lle require para que manifesten a súa conformidade expresa coa valoración establecida destes terreos.

A primeira das parcelas  está valorada en 4.860 € e a segunda ascende á cantidade de 5.884,20 €. Os propietarios deberán manifestar a súa conformidade nesta cantidade, ou en caso de non ser así, propoñer un prezo no que se estimen as parcelas para chegar a un prezo de mutuo acordo.


21 nov 2014

UNANIMEMENTE APRÓBASE O PLAN XERAL DE ORDENACIÓN MUNICIPAL

         Unanimemente aprobouse na tarde de onte o Plan Xeral de Ordenación Municipal. Na sesión plenaria extraordinaria de onte todos os grupos coincidiron na necesidade deste plan, incluso o alcalde – presidente Julio Alvarez, chegou a afirmar que era a mellor herdanza que unha corporación lle podía deixar a un concello.
         
       A oposición, aínda que apoiando a aprobación do plan, criticou a tardanza na súa elaboración, e o elevado custo da súa elaboración, para o que se vai contar cunha subvención; pero non entrou en detalle en como afectaba esta ordenanza a zonas concretas. O alcalde recordoulle aos concelleiros que este a elaboración destes plans prolongase no tempo debido a que todas as partes afectadas teñen que opinar, dende os propios veciños ata os concellos limítrofes.  
          
         O plan Xeral Ordenación Municipal comeza a elaborarse no  2001. A súa adaptación a varias novas leis de urbanismo fai que ata o 2 de febreiro do 2009 non se aprobe inicialmente en sesión plenaria, comezando o seu período de información pública. No ano 2013 ca memoria ambiental aprobada, presentase o documento para proceder a súa aprobación provisional no pleno da corporación. O 90 % das alegacións presentadas (cerca de mil alegacións entre ás dúas exposicións públicas) polos interesados durante o período de información pública do Plan Xeral foron estimadas.
          
      Actualmente, no municipio de Quiroga están vixentes unas Normas Subsidiarias de Planeamento Municipal, aprobadas o 21 de marzo de 1995. Neste Plan Xeral recóllese un aumento de solo urbano na zona da Ribeira, Toucedo e Paciovello. Delimítanse os 112 núcleos urbanos e faise unha protección férrea no aspecto ambiental na zona da Seara así como do patrimonio artístico, destacando a zona de Montefurado, Margaride, Hermidón, Hospital, ou Bendilló, compatibilizando a explotación mineira da lousa na zona de Pacios da Serra e Vilarbacú.
          
         Tras esta aprobación, o plan xeral seguirá a súa tramitación na Xunta de Galicia. A Corporación Municipal agarda que tras ser aprobado unanimemente e tras ceñirse ás leis de ordenación, na Xunta non presenten obxeccións que impidan a súa aprobación definitiva nuns meses.
          
        O outro punto da sesión e que tamén foi aprobado unanimemente foi a aplicación do Índice de Prezos ao Consumo interanual nas ordenanzas reduladoras da taxa polo servizo de abastecemento de auga e saneamento; polo servizo de sumidoiros e  polo servizo de recollida de residuos sólidos urbanos. Nesta ocasión a aplicación do IPC tradúcese nunha redución, aínda que mínima no custe deste servizos.

19 nov 2014

XORNADAS FORMATIVAS PARA FAMILIARES COIDADORES DE PERSOAS CON ALZHEIMER E OUTRAS DEMENCIAS

Quiroga acollerá os día 27 e 28 de novembro unha xornadas formativas para familiares e coidadores de persoas con alzheimer e outras demencias.
Estas charlas organizadas por AFAMON, asociación de familiares de enfermos de Alzheimer, en colaboración co concello de Quiroga, están patrocinadas polo Servizo Galego de Saúde; e están dirixidas á poboación en xeral, aínda que prioritariamente a familiares de persoas con Alzheimer ou outra demencia e a profesionais e estudantes do ámbito sociosanitario.
Con estas xornadas preténdese facilitarlle aos participantes unha visión integral das demencias e dos coidados que necesitan as persoas enfermas para que os coidadores, sen esquecer o seu propio coidado, adquiran os coñecementos básicos que lles axuden a ofrecer atencións de calidade aos seus familiares enfermos.
A primeira das xornadas, que comezará o xoves 27 a partir das cinco menos cuarto da tarde, na casa da cultura, contará cunha charla sobre a prevención na enfermidade do Alzheimer a cargo do neurólogo do Hospital de Monforte, Daniel García Estévez. A continuación un enfermeiro do SERGAS falará sobre os coidadeos de enfemería nesta enfermidade.
O venres, día 28, a xornada comezará a partir das cinco e media da tarde cando unha fisioterapeuta fale sobre a fisioterapia para as persoas con Alzheimer. E rematará coa intervención da eduadora social de AFAMON, falando dos beneficios da estimulación cognitiva nas persoas con estas enfermidades.

As persoas interesadas en participar deben de inscribirse nas oficionas de servizos sociais do concello, onda tamén recibirán máis información.

QUIROGA OTORGALLE A MEDALLA DE OURO A MANOEL CARRETE

14 nov 2014

RESINTONIZACIÓN DAS CANLES DE TELEVISIÓN

Os veciños do municipio xa poden resintonizar os seus televisores para poder ver todas as canles de televisión. Unha vez actualizados os repetidores situados na Moá, en Bendilló e en San Pedro de Lor; todos os usuarios xa poden sintonizar todas as canles na súa frecuencia de emisión definitiva.
Aínda que nun principio nos edificios se falaba da necesidade de que tivesen que ser necesarios os servizos dun antenista, nun principio non vai ser necesario en todos os edificios, polo que primeiramente deberase tentar a resintonización directamente en cada televisor a través do seu mando. De non ser posible a resintonización entón si debería acudir o antenista. Para estes usuarios o ministerio de Industria lanzou un programa de axudas para que as comunidades de propietarios de Galicia adapten as súas antenas colectivas o novo sistema de transmisión dixital terrestre TDT, que se vai levar a cabo ata o 31 de decembro.
 As axudas varían en función do tipo de antena e van dende os 100 ata os 550 euros. As axudas solicitaranse por parte das comunidades de propietarios. Poderán representar a comunidade, o presidente da mesma, o administrador autorizado pola comunidade ou o propio instalador que realice a adaptación en nome de dita comunidade. O que sí é requisito imprescindible é que os traballos os realicen instaladores autorizados polo Ministerio de Industria.
Neste momento todas as canles existentes están en funcionamento na súa canle definitiva. Dende onte xoves, xa está emitindo tamén a canle que faltaba, Teledeporte polo repetidor de A Moá na canle 41. Agora sí xa é  recomendable que todos os veciños resintonicen os seus televisores.
También están reprogramadas as canles dos micro-reemisores de Bendilló, San Pedro de Lor e Vilaester.

Esta non será a última modificación que o goberno levará a cabo en canto ás televisións, xa que a finais de febreiro do vindeiro ano poñeranse en marcha as canles 26 e 36 que emitirán novas sinais de televisión.

6 nov 2014

O 18 DE NOVEMBRO A CASA DA CULTURA ACOLLE UN SEMINARIO SOBRE AGRICULTURA E GANDERÍA ECOLÓXICA

O salón de actos da Casa de Cultura acollerá o vindeiro 18 de novembro un seminario sobre Agricultura e Gandería Ecolóxicas. A charla divulgativa versará entre outros temas sobre a producción ecolóxica, normativa e certificación, producción animal e vexetal na explotación ecolóxica e sobre todo tipo de axudas.
 
 Todas as persoas interesadas en asistir poden realizar as inscripcións no concello ou a través do correo electrónico asociación.dpe@gmail.com ou no teléfono 678 64 55 49. O horario será dende as 4 da tarde as dez da noite.


O seminario está organizado pola asociación DEPROECO, e nel colabora o Concello de Quiroga e está financiado polo Ministerio de Agricultura e a Xunta de Galicia.

5 nov 2014

O MUSEO XEOLÓXICO DE QUIROGA ORGANIZA DOUS OBRADOIROS, UN DE ARQUEOLOXÍA E OUTRO DE XEOLOXÍA

     O Museo Xeolóxico de Quiroga está organizando dúas actividades para o este mes de Novembro.

     A primeira delas terá lugar o domingo día 23, e consiste en Palentoloxía de Campo : Viaxe por Laciana, Babia e Barrios de Luna para visitar os xacementos de fósiles de: Orallo, Lumajo e Museo de Interpretación del Cámbrico en Miñera. A saída  será as oito da mañá dende a casa da cultura e nesta actividade estarán acompañados polo biólogo-naturalista Guillermo Díaz Aira. O prezo desta actividade será de 10 euros por persoa.

A segunda das actividades terá lugar o sábado 29 de novembro ás dez da mañá nas instalacións do Museo Xeolóxico e abrirase cunha charla de Metodoloxía Arqueolóxica, a cargo da Arqueóloga Tania Arias Canceliña.O xacemento, as once e media da mañá comezará a visita e Charla ao Castro da Torre en Sobredo no concello de Folgoso de Caurel, esta actividade correrá a cargo do Arqueólogo Iván Álvarez Merayo. Esta actividade ten un prezo de 5 euros por persoa.

O prazo xa está aberto e para poder recibir máis información ou inscribirse é necesario acudir a casa da cultura persoalmente ou chamar (Teléfono 982435125). Esta actividade está organizada dende a Área de Cultura do Concello de Quiroga en coloboración coa Área de Cultura da Deputación Provincial.



O CONCELLO DE QUIROGA ABRE DE NOVO O PRAZO PARA INSCRIBIRSE NO CURSO BÁSICO DE PRIMEIROS AUXILIOS:ACTUACIÓNS ANTE ACCIDENTES LABORAIS PARA O SECTOR AGRO-GANDEIRO E FORESTAL

A Conselleria de Traballo e Benestar do Instituto Galego de Seguridade e Saude Laboral, a través dunha cofinanciación do Ministerio de Agricultura ,Alimentación e Medio Ambiente a través do programa de desenvolvemento Rural Sostible, coa colaboración do Concello de Quiroga abre de novo o prazo para inscribirse no Curso Básico de Primeiros Auxilios: Actuacións ante os accidentes laborais para o sector agro-gandeiro e forestal.
O obxectivo deste curso é dotar os traballadores do sector agro gandeiro e forestal dos coñecementos e habilidades básicas e necesarias para prestar, o máis eficazmente posible, os primeiros auxilios ante unha situación de urxencia producida por un sinistro laboral.
O curso vai destinado a persoas traballadoras ocupadas e desempregadas do sector agro gandeiro e forestal, e que estén empadroados en Quiroga, Folgoso do Courel ou Ribas de Sil; ou que traballaaran ou traballen nun centro de traballo situado nun concello de plan de zona...
O curso que consta de 20 horas, 4 ó día, impartiríase no Telecentro da Casa da Cultura dende o día 24 de novembro  ata o día 28 de novembro, en horario de tarde. O número mínimo  de prazas son 15 persoas e o máximo  20 alumnos.

As persoas interesadas en participar poden entregar as solicitudes no concello de Quiroga, dende onde se remitirán ao Instituto Galego de Seguridade e Saude Laboral, antes do mércores 19 de novembro.

4 nov 2014

O CONCELLO DE QUIROGA XA TEN ORGANIZADOS OS ACTOS PARA A CELEBRACIÓN DO SAN MARTIÑO

Numerosas actividades  organizadas dende o Concello con motivo da  festa do San Martiño, patrón da vila, que comezarán xa este sábado día 8 as seis da tarde co acto de entrega da Medalla de Ouro a Don Manoel Carrete Rivera, acto que terá lugar no salón de actos da Casa do Concello.
 As sete a compañía Nostrum Cai presenta a obra teatral “Radio Universo” no Auditorio Municipal.

Dentro das actividades deportivas o domingo día nove as doce do mediodía terá lugar a xa tradicional Carreira Popular San Martiño, na carreira de caracter local, haberá como sempre varias categorías para rapaces e rapazas de 6 a 15 anos, a saída e meta estará situada diante da Casa Consistorial e o recorrido será dentro da casco urbán. As catro e cuarto e no campo do San Martiño o F.C.Quiroga enfróntase o Garabolos.

O martes, día de San Martiño e festa local, as once menos cuarto pasarúas a cargo da Banda de Gaitas polas rúas do pobo, ás doce da mediodía se o tempo o permite celebrarase a procesión na que o Santo homenaxeado recorrerá a Praza Maior. Ao remate dos actos relixiosos actuarán o grupo de danzas Arume da Queiruga acompañado da banda de gaitas San Martiño.

Pola tarde, a partir das catro, xogos populares para os máis pequenos e a partir das sete da tarde castañas  asadas e  viño novo, amenizadas pola música do duo Fondo Tropical.Nun descanso da festa, sobre as nove da noite terá lugar a entrega de premios dos os rapaces que participen nos xogos populares.

3 nov 2014

A OFICINA DE XUVENTUDE ORGANIZA O X CERTAME DE RELATO CURTO

A oficina de xuventude organíza o X Certame de Relato Curto, de tema libre, e no que poden participar todas as persoas co desexen con tantos relatos curtos como queiran.

 Os relatos poden estar escritos en castelán ou en galego cunha extensión máxima de vinte folios e mínima de dous, mecanografados ou a ordenador por unha sóa cara, por duplicado e sen firma.

 Os datos do autor/a, dirección e teléfono presentaránse dentro dun sobre pechado. No exteriror figurará o título do relato e a categoría na que participa, xuvenil ou adultos dependendo de se o autor ten menos de 18 anos ou máis.
 Os traballos pódense enviar por correo ou entregalos persoalmente na Casa de Cultura de Quiroga ou na Oficina de Información Xuvenil, antes do 5 de decembro de 2014.

 Premiaranse os tres mellores relatos de cada categoría. Os premios consistirá,  para o primeiro nun e-book, o segundo unha obra de relatos e o terceiro premio unha placa conmemorativa.

O fallo do xurado será inapelable. Comunicaráselles ós gañadores a data fixada polo Concello para a entrega dos premios.O concello reservase o dereito a deixar o certame deserto.


14 oct 2014

O CONCELLO DE QUIROGA CONCEDERÁ AXUDAS AOS ESTUDANTES QUE TEÑAN QUE DESPRAZARSE FORA DO MUNICIPIO

 Dende a área de Xuventude do concello de Quiroga, e para o curso escolar 2014/2015, concederánselle axudas a todos aqueles estudantes, empadroados en Quiroga, que cursen os seus estudos fóra do val.

Para poder optar a estas axudas, de ata 200 €uros por persoa, teñen que acudir á Casa de Cultura ou á Oficina Municipal de Xuventude e cubrir unha solicitude cos seus datos. Ademais deberán adxuntar un certificado de empadroamento e unha copia da matrícula, durante o curso escolar, ademáis de aportar, cando lles seña posible, os tickets do medio de transporte que utilicen ou do gasóleo ou gasolina, no caso de utilizar un vehículo propio.

O concello aboará a cada solicitante unha cantidade máxima de 200 €uros, da que se pagará en decembro un 60% e no mes de xuño o 40% restante.


9 oct 2014

QUIROGA ACOLLERÁ UN CURSO DE PRIMEIROS AUXILIOS ANTE ACCIDENTES NO SECTOR AGRO GANDEIRO E FORESTAL

A Conselleria de Traballo e Benestar do Instituto Galego de Seguridade e Saude Laboral, en colaboración co Concello de Quiroga vai impartir un Curso Básico de Primeiros Auxilios: Actuacións ante os accidentes laborais para o sector agro gandeiro e forestal.

O obxectivo deste curso é dotar os traballadores do sector agro gandeiro e forestal dos coñecementos e habilidades básicas e necesarias para prestar, o máis eficazmente posible, os primeiros auxilios ante unha situación de urxencia producida por un sinistro laboral.

O curso vai destinado a persoas traballadoras ocupadas e desempregadas do sector agro gandeiro e forestal, e que estén empadroados en Quiroga, Folgoso do Courel ou Ribas de Sil; ou que traballaaran ou traballen nun centro de traballo situado nun concello de plan de zona.

O número de prazas mínimo será de 15 alumnos ata un máximo 20 alumnos.

O curso que consta de 20 horas, 4 ao día, impartiríase no Telecentro da Casa da Cultura dende o día 27 ata o día 31 de outrubro, en horario de tarde.

As persoas interesadas en participar poden entregar as solicitudes no concello de Quiroga, dende onde se remitirán ao Instituto Galego de Seguridade e Saude Laboral, antes do venres 17 de outubro.


30 sept 2014

NESTE MES DE OUTUBRO COMEZAN NOVAS ACTIVIDADES DE EDUCACIÓN E XUVENTUDE

Dende as áreas de Cultura, Igualdade e Xuventude do concello de Quiroga, organízanse clases de zumba e batuka, que comezarán o xoves día 2 de outubro.
         
Estas clases teñen un custo por persoa e mes de 15 €uros e levaranse a cabo os xoves de 19:00 a 20:00 horas.

Por outra banda, e, dende a área de Educación organízase, como cada ano, a Ludoteca municipal para o curso escolar 2014/2015.

A finalidade da ludoteca é a conciliación da vida familiar e laboral ademais de lúdico-educativa, porque o xogo é esencialmente fonte de experiencias novas e un medio de expresión, comunicación, relación e realización persoal.

Os días da ludoteca serán os martes e os xoves cun horario ininterrompido das 16:30 ás 20:00 horas, e terá un custo por mes de 10 €uros, con desconto para irmáns, familias numerosas, monoparentais e para alumnos que estén apuntados a catro actividades ofertadas dende o concello de Quiroga. Este servizo comezará o xoves día 2 de outubro e, como terá lugar ó rematar o colexio, os nenos e nenas poderán levar a merenda.

Dende a área de Xuventude, organízase para os xoves 9, 16, 23 e 30 de outubro o obradoiro “Customiza as túas camisetas”.
Este obradoiro levarase a cabo na Casa de cultura entre as 20:15 e as 21:15 horas e ten carácter gratuíto, os participantes só deben levar camisetas básicas, que adornarán e modificarán para finalmente quedarse con elas e levalas á última moda.
E por último, como en anos anteriores seguimos coas clases de scrapbooking, organizadas dende ás áreas de Educación e Xuventude, os luns para os maiores de 12 anos de 17:45 a 19:45 horas, e os venres, para os menores de 12 anos de 18:00 a 19:00 horas. Tamén de carácter gratuíto, os participantes só teñen que poñer os materiais.


Para apuntarse a calquera destas actividades hai que pasar pola casa de cultura ou chamar o teléfono 982 435 125.

QUIROGA SÚMASE AO CONVENIO DE CAMBIO DE DOMICILIO DA DGT

A Xefa Provincial de Tráfico, Paula Yuguero Plaza, e o alcalde de Quiroga, Julio Alvarez, asinaban esta mañá na casa consistorial un convenio entre estes dous organismos para Cambio de Domicilio.
Este acordo supón a axilización dos trámites administrativos que o cidadán realiza diariamente nas xefaturas provinciais de Tráfico, facilitando deste modo que se manteñan actualizados os domicilios dos titulares nos permisos de circulación e de condución.
Deste modo, cando un cidadán cambie de domicilio e o comunique ao concello para obter a alta ou a modificación no padrón municipal, se este o solicita, a entidade local comunicarao á DGT para que o actualice na súa base de datos e así evitar unha xestión aos veciños residentes nas localidades asinantes.

          Este convenio, ten como primeiro obxectivo mellorar a calidade dos servizos públicos prestados aos cidadáns mediante o fomento da colaboración e a comunicación entre administracións, máxime cando, como é o caso de Lugo, a Xefatura Provincial de Tráfico atópase na capital.


          Este concerto fará, ademais, "máis eficiente a xestión do Imposto sobre Vehículos de Tracción Mecánica (IVTM), imposto que é cobrado polo municipio no que o vehículo estea domiciliado, por iso resulta imprescindible que a dirección domiciliaria dos titulares de vehículos estea actualizada".

18 sept 2014

FÚTBOL SALA E VOLEIBOL OFERTAS DAS ESCOLAS DEPORTIVAS MUNICIPAIS

 A área de deportes do concello vai poñer en marcha as escolas deportivas municipais a partir do vindeiro mes de outubro, para nenos e nenas de 5 a 16 anos. Concretamente comezarán o 1 de outubro e prolongarán a súa actividade ata o 19 de xuño, data prevista para a súa clausura.

As Escolas deportivas ofertan fútbol sala e voleibol. Dentro das escolas deportivas haberá varias categorías: prebenxamín para os nacidos entre o 2009 e o 2007; benxamín, para os nacidos no 2005 e 2006; alevín, para os nacidos no 2004 e o 2003; infantil, para os nacidos no 2001 e 2002; e finalmente a categoría cadete para os naciodos entre 1999 e o ano 2000.

 Os adestramentos irán en función da categoría. Así os prebenxamíns entrenarán os martes e venres a partir das catro e media da tarde. Os benxamíns farano os luns ás sete da tarde e os xoves ás catro e media. Os alevíns entrenarán os martes e xoves ás cinco e media e finalmente os intantis e cadetes farano os mercores ás sete da tarde e os venres as cinco e media. Pola súa banda en boleibol entrenarán os luns e mércores ás seis da tarde.

O prezo das escolas deportivas está fixado en 10 € mensuais para os empadroados en Quiroga e 12 € para os non empadroados. O pago poderase facer de diferentes formas, mensual, trimestral ou nun único pago polo que se aforran 20 €.

Esta cuota inclúe unha equipación. Como as Escolas Deportivas usarán as mesmas equipación do ano pasado, os participantes poderán escoller co pago da inscripción unha nova equipación ou unha mochila.
         

Os rapaces e rapazas interesados en participar deberán de cubrir unha inscripción que entregarán na casa da cultura.

12 sept 2014

O CONCELLO OFERTA PARA ESTES ÚLTIMOS MESES DO ANO, OBRADOIROS DE CESTERÍA, DE IGUALDADE, E CLASES DE MÚSICA.

         A delegación de Cultura, a través do Museo Etnográfico organiza un obradoiro de Cestería Tradicional a celebrarse dende o 13 de outubro ata o 17 de decembro.
O obradoiro de 40 horas celebraríase os luns e mércores dende as sete da tarde ata as nove da noite.  O prezo do obradoiro é de 30 €, no que vai incluído os materiales utilizados e as pezas que se elaboren.
       As persoas interesadas en participar deberán de inscribirse antes do día 10 de outubro na casa da Cultura.

       Dende  a oficina de xuventude organízase para o xoves día 25 de setembro un obradoiro pola igualdade, dirixido a rapaces e rapazas de 12 a 17 anos.
Con este obradoiro preténdese educar en igualdade aos nenos e nenas a través de divertidos xogos, como a Oca da Igualdade, cos que se pretende fomentar o respeto, a tolerancia e a igualdade.
O obradoiro terá lugar na casa da cultura a partir das seis e cuarto da tarde ata as oito do serán.
     A área de Xuventude, en colaboración coa área de Educación, organiza novamente clases de guitarra e piano.

      Todas as persoas interesadas en acudir a esta actividade, que ten un custo de 15 € mensuais, terán unha reunión o xoves, 18 de setembro, a partir das oito e media do serán na casa da Cultura.
     
       O concello de Quiroga, a través dos seus departamentos de educación e cultura vai poñer en marcha unha escola municipal de música.

A nova escola terá varios apartados: Música e movemento para os nenos e nenas de 4 a 6 anos; linguaxe musical e intrumento para os maiores de 7 anos; e formación musical de adultos con iniciación a armonía clásica e moderna, iniciación á improvisación, música de cámara.
As persoas interesadas en participar poderán escoller entre varios instrumentos: oboe, frauta, fagot, saxofón, trompeta, trompa, trombón, bombardino, tuba e percusión.
As clases comezarían o 1 de outubro, polo que as persoas interesadas en participar xa se poden inscribir, cubrindo unha solicitude que se entregará na Casa da Cultura.

10 sept 2014

150 ALUMNOS INICIARON ESTA MAÑÁ O NOVO CURSO NO C.E.I.P. DE QUIROGA

150 Alumnos de educación infantil e primaria comezaron esta mañá o seu curso 2014/2015. O curso que virá marcado pola implantación de Lomce comezou en horario de xornada única (10 da mañá ata 14:30h ou 15:30, si son usuarios do comedor). Un ano máis o alumnado de 40 de Infantil, que comeza no centro por primeira vez entraba en dous turnos o primeiro ás dez da mañá e o segundo sobre as doce da mediodía, nun período de adaptación que se prolongará todo este mes de setembro.
          Co inicio do curso escolar empezaron a funcionar os servizos de transporte e os de comedor xestionados pola Consellería, "tralas modificacións oportunas que se realizan anualmente para o seu axuste ás necesidades actuais".
A Consellería de Cultura, Educación e Ordenación Universitaria da Xunta de Galicia mantén as axudas para a adquisición de libros de texto en todos os cursos do ensino obrigatorio. Así mesmo, os requisitos de renda per cápita familiar para a obtención das axudas foron os mesmos que nos anos anteriores.
Como novidade este ano poténciase a formación de bancos de libros establecendo a obriga de incorporar, logo de rematar o curso, os libros adquiridos con cargo á axuda a un fondo solidario que se constituirá nos centros, como medida que favorece o establecemento dun sistema de socialización do seu uso.
O CEIP de Quiroga adáptase ás tecnoloxías da información xa que foi un dos selecciónados para o proxecto experimental Educación Dixital durante o curso 2014-2015. Polo que este ano ponse en marcha unha plataforma de contidos curriculares dixitais completos, gratuítos para as familias e accesibles sen necesidade de conectividade. Así, o alumnado matriculado en 5º de educación primaria, non accederá ás axudas para libros, xa que a inclusión neste programa permitiralles ter á súa disposición e de xeito gratuíto unha contorna virtual de aprendizaxe con libros e outros materiais dixitais cos que poderán desenvolver a totalidade do currículo.
A iniciativa, que forma parte do Proxecto Abalar, prevé alcanzar en tres anos a alumnos de 5º e 6º de primaria e 1º e 2º da ESO.

O curso que comezou esta mañá prolongarase ata o venres 19 de xuño do 2015.

4 sept 2014

INICIASE A VENDIMA EN QUIROGA

       A adega Val de Quiroga foi a primeira en iniciar a campaña de recollida de uva deste ano. Esta mesma mañá comezaba a vendima en viñas da zona da Hermida.
O consello regulador da denominación de orixen Ribeira Sacra deulle a adega un permiso especial en función das características e a ubicación dos viñedos que fan que a uva cumpra cos par´ñametros esixidos polo consello para iniciar a súa recollida.
Manuel Gómez Guntiñas, propietario da adega, afirmaba que as uvas de godello que están a vendimar xa presentan unha graduación de doce graos e medio; e contan con viñas de mencía e tempranillo que arroxan nas medicións 13 graos; polo que previsiblemente, a adega unha vez rematada a vendima do godello continuará xa coas outras variedades.
Gómez Guntiñas coincide cos demais adegueiros en que este ano a vendima ven cuns dez dias de adianto con respecto aos últimos anos. Os motivos para este adegueiro son que o clima condicionou que as cepas agromaran antes e tamén que florecesen antes, o que se traduciu nunha pronta maduración.
En canto á calidade das uvas, este adegueiro confirmou que é moi bo, polo que se presentan sanísimas, de continuar o bo tempo, esta vendima meterá nas adegas unhas uvas en excelentes condicións.
          O punto negativo quizais está na cantidade, xa que é inferior a colleita pasada, sobre todo na variedade tinta mencía, algo que o adegueiro calificou de normal, xa que a pasada colleita foi máis grande de nornal.
        O controis de maduración que serven de referencia ao consello regulador para fixar a data recomendada de comezo da vendima voltaban a medirse hoxe, tras unha primeira mostraxe realizada a pasada semana que arroxou resultados bastante prometedores. Sobre todo porque a mencía presentaba nas analíticas un bo equilibrio entre grao e acidez, polo menos antes da chegada da onda de calor das últimas xornadas.

28 ago 2014

OS CAMPAMENTOS DE VERÁN DESPÍDENSE CUNHA FESTA NA PISCINA

        O  departamento de Educación do concello , organiza para mañá venres, unha festa para despedir os Campamentos de Verán 2014.
      Dirixida aos participantes nos mesmos durante os meses de xullo e agosto, os campamentos comezarán como sempre ás 11:00 horas na Casa de Cultura, onde se realizará un obradoiro de maquillaxe facial e tatuaxes, ás 12:00 dirixiránse á piscina para disfrutar do último baño dos campamentos, onde terán globoflexia e, a partir das 13:30 están convidados a uns pinchos no bar das piscinas para despedirse ata o próximo ano.
        Neste verán, foron exactamente 120 nenos e nenas entre 2 e 12 anos os que compartiron, tres horas nas mañás dos luns aos venres, clases de reforzo escolar, inglés, manualidades, xogos, coñecemento do mundo, obradoiros educativos, deportes e natación. Así como tamén algún extra como o programa “Ponlle as pilas ao teu bocata”, organizado dende a Consellería do Mar e Medio Rural, ou os hinchables na piscina, organizados polo concello en colaboración co bar das piscinas.
           



26 ago 2014

25 POETAS IINSCRITOS NO XVI ENCONTRO DE POETAS NO VAL DE QUIROGA

         O vindeiro sábado 30 de agosto a partir das 11 da mañá na Casa da Cultura, terá lugar o décimo sexto Encontro de Poetas no Val de Quiroga, organizado polo grupo poético Amencer Quirogués e o Concello de Quiroga.
          Un ano mais os poetas da comarca, Xesús Galán e Pepe Pol, serán os encargados de presentar o acto onde Estevan González Alonso actuará como pregoeiro deste certame.
          A este acto acoden cada ano máis poetas, tanto da nosa Comunidade coma doutras da xeografía española, todos eles co afán de potenciar este xénero literario. A día de hoxe hai xa inscritos 25 poetas, algúns que xa veñen participando dende a primeira edición deste certame e outros que se incorporan por primeira vez paticiparán nesta nova edición do Encontro de Poetas. O acto contará con música en directo, nesta ocasión a cargo do cantautor Javier Rodríguez Sotuela.
         Con este Certame o Concello de Quiroga quere fomentar o interese pola literatura en xeral e pola poesía en particular, ademais de ofrecer a posibilidade de desenvolvemento da creatividade de todos os poetas, algúns ata este intre no anonimato, que atopan neste tipo de eventos o lugar axeitado para expresar e mostrar a súa obra.           

          Unha vez rematado o evento entregaraselles a todolos participantes do certame un pequeno detalle para agradecerlles a sua participación neste novo encontro de poetas no Val de Quiroga.

15 ago 2014

FESTAS ROMANAS EN MONTEFURADO E MARGARIDE

       O municipio de Quiroga celebra esta fin de semana duas das súas festas romanas. Estes dous festexos xa se veñen celebrándo nos últimos anos nas localidades de Montefurado e Margaride

Durante a fin de semana celebrarase a terceira edición dá festa romana dá parroquia de Montefurado. O programa comprende un bateo de areas na praza do pobo ás cinco da tarde do sábado e as sete unha charla cultural da historia de Montefurado. Pola noite cea e festa cunha exhibición de loita de gladiadores a cargo dá asociación Caetra Lucensium. O domingo pola mañá, a partir das once e mdia instrucción para nenos e xogos e as doce e media unha representación da moeda e da escritura romana.
       
     A máis veterana dás festas romanas do municipio, a dá parroquia de Margaride, celebrará a súa cuarta edición o domingo 17. A asociación de veciños dá localidade, que organiza o festexo, abrirá o programa cunh misa en latín as once da mañá. A continuación farase un percorrido polas adegas dá zona e unha comida popular.

     
      Pola tarde xogos populares, unha exposición de olaría de Gundivós e unha conferencia sobre a minaría romana na cova do Medo. A xornada rematará cunha festa amenizada pola charanga Nova Terras de Trives. 

13 ago 2014

QUIROGA, RIBAS DO SIL E FOLGOSO CONTARÁN CUN OBRADOIRO DE EMPREGO CONXUNTO

Esta mañá tiña lugar nas instalacións do Colexio de Educación Infantil e Primaria de Quiroga, unha selección para o obradoiro de emprego Sil Lor, que se poñerá en marcha conxuntamente entre os concellos de Quiroga, Folgoso do Caurel e Ribas do Sil, a través da Consellería de Traballo e Benestar, da Xunta de Galicia.
Os candidatos a participantes tiñan como requisitos ser maiores de idade e atoparse en situación de desemprego e realizar o examen que deben superar.

O obradoiro de emprego contará con 20 traballadores e 3 monitores, que realizarán traballos de construcción durante seis meses, dende o 29 de agosto ata o 28 de febreiro. En Quiroga os traballos centraranse no do centro multiusos da Ribeira.

6 ago 2014

A FESTA DA COMUNIDADE CELEBRARASE BAIXO UNHA CARPA E CUNHA PAELLA COMO MENÚ

         O Concello ten á venda as entradas para participar na novena edición da Festa da Comunidade e que este ano se celebra o venres día 8 de agosto no parque da Constitución. Ante as posibilidades de choiva para esta xornada, a comisión organizadora decidiu instalar unha carpa no recinto.
O menú desta edición estará composto por paella de marisco, pan, bebidas variadas e como postre tarrina de xeado. Unha vez máis o concello habilitará o recinto para que os participantes poidan degustar a cea comodamente sentados en sillas e mesas.
As entradas para a cea que comezará ás nove e media da noite teñen un cusot de 5 euros por persoa.
As entradas podense adquirir na: cafetería as Palmeras, bar Portón, bar Raposo,cafetería Quiper, a Taberna, bar Lago, bar Felix, bar Zorro,bar Cantar Miudíño,bar Recuncho de Dino, na tenda Todocien e no Centro Social. Dende a organización tamén lembran, que como todolos anos, as entradas, poderanse adquirir no recinto o mesmo día da cea.

          Tras a cea haberá festa popular amenizada polo dúo local Fondo Tropical.

OS SERVIZOS SOCIAIS DO CONCELLO TRAMITAN AS AXUDAS PARA A FACTURA ELÉCTRICA A FAMILIAS CON FILLOS MENORES A CARGO E QUE NON SUPEREN O IPREM

O Diario Oficial de Galicia publicou o pasado luns a resolución pola que se regulan e se convocan as axudas económicas para o pagamento de parte da factura eléctrica, a través do tícket eléctrico social de Galicia durante o primeiro semestre de 2014, ás familias con fillos menores a cargo cuxos ingresos non superen o IPREM.
A axuda consiste nunha cantidade fixa semestral que ten por obxecto contribuír ao pa­gamento da factura eléctrica daquelas familias con fillos menores a cargo, cuxos ingresos totais durante o ano 2013 non superen o IPREM. Establécese unha cantidade de 45 € ao semestre para as unidades de convivencia que cumpran os requisitos, incrementándose esta cantidade ata 60 € para as que acrediten ser familia numerosa.
Os servizos sociais municipais asesorarán e colaborarán cos solicitantes na presentación te­lemática das solicitudes, que se deberán presentar antes do cinco de novembro.

A solicitude de axuda deberá ir acompañada dun informe emitido polos servizos sociais municipais sobre as necesidades eco­nómicas da unidade de convivencia. Así como de copia do libro de familia, certificado de empadroamento, facturas emitidas no exercicio 2014 en concepto de subministración eléctrica, certificado de convivencia e copia do título de familia numerosa, de ser o caso.

ESTA TARDE COMEZA O TORNEO STREET SOCCER DAS FESTAS DE VERÁN

A área de deportes do concello organizou con motivo das festas de verán, un torneo de Street Soccer, un torneo de fútbol 4x4, os días 6, 7 e 8 na pista do parque da Constitución.
O torneo disputarase nas categorías Benxamín, para os nados no 2002 e anteriores; infantil para os nados entre o anos 1999 e 2001 e categoría senior, para os maiores de 16 anos.
Os torneos nas categorías benxamíns e infantís disputaranse dende as sete e media da tarde ata as oito e media, e na categoría senior a partir das oito e media ata as dez da noite.

Na categoría senior hai 12 equipos inscritos, e na infantil 4. Pola súa banda os nenos e nenas da categorái benxamín que queiran participar deben achegarse ata a pista ás sete e media da tarde para constituir os equipos.

30 jul 2014

O 10 DE AGOSTO CELEBRASE A XXIII MOSTRA DO MEL DE QUIROGA

    O Concello de Quiroga, está a traballar na organización da XXIII Mostra do Mel de Quiroga, que terá lugar o domingo día 10 de agosto coincidindo coa feira mensual máis importante do ano e nesta edición coas festas de verán de Quiroga.
Puntual a súa cita de todos os veráns durante 23 anos, este evento gastronómico ten como obxectivo principal dar a coñecer as magníficas calidades do mel que se produce na zona de Quiroga, que comparte un lugar destacado con produtos como o viño, o aceite ou as castañas.

    O venres día 8 de agosto a partir das oito e media do serán na Casa da Cultura sortearanse os postos de venda e entregaránselle as credenciais aos seis apicultores participantes. O domingo, 10 de agosto, ás once da mañá inaugurarase o recinto feiral onde se poñerá a venda e exposición o mel e outros produtos típicos da zona. Estes productos estarán a disposición de quen o desexe dende primeiras horas da mañá ata despois do xantar. Tralo corte de cinta dará comezo a alborada e posterior concerto da man do grupo de música tradicional "XUVENTUDES MUSICAIS DE SOBER".

  Os apicultores participantes nesta edición son Isabel Marcos López, da Ponte Rodela; Manuel Macía González, das Estradas; Ángel Gómez Martínez, de Paradapiñol; Andrés Campo García, de Fisteus; Manuel Rodríguez Fernández, de Centeais e Eduardo López Arias, de Quiroga.