28 abr 2017

A CORPORACIÓN SOLICITA A DECLARACIÓN DE ZONA CATASTRÓFICA TRAS QUEDAR AS VIÑAS ARRASADAS POLA XEADA

          Hai duas semanas os colleiteiros que acudían á Feira do viño amosábanse máis que satisfeitos coas vendas acadadas. Falaban de record de vendas nun ano no que tamén acadaran unha boa colleita, a pesar do que tiveran que loitar para gañarlle a batalle aos ataques do mildeu, favorecidos por un tempo demasiado húmido.

Hoxe eses mesmos colleiteiros, ao igual que todos os do municipio, falan dunha vendima prácticamente feita, antes incluso de ver os acios. As fortes xeadas destas duas últimas noites, sobor de todo a do xoves, acabaron cunha uvas que aínda non chegaran a sair.

Temperaturas baixo cero, unidas a fortes e xélidos ventos fixeron que os colleiteiros visen como os gromos das cepas que o día anterior lucían verdes e que apuntaban cara unha abondosa colleita, espertasen totalmente xeados.

A calor das últimas semanas fixera que as cepas agromaran rápidamente e en todo o seu explendor. Os viticultores preparábanse xa para os primeiros tratamentos fitosanitarios nas viñas, e moitos deles xa comezaran coa aplicación de xofres.

Ante o estado non que quedaron as cepas, os viticultores falan da perda de practicamente toda a colleita. Unha gran perda para todas as familias que aínda que non viven integramente do viño, si supón unha parte importante da súa economía. Non en balde, a comarca quiroguesa é dende o ano 2014 a de maior hectáreas prantadas de cepas de toda a Denominación de Orixen Ribeira Sacra, con máis de 200 hectáreas prantadas.

A xeada non pillou de sorpresa aos viticultores, pois as predicións meteorolóxicas levaban uns días anunciando a posibilidade deste drástico descenso de temperaturas, pero nada se puido facer ante a inclemencia do tempo. Os agricultores saben ben o risco que supón a xeada para as cepas e as hortas nesta época, non en balde, dende sempre márcan a data da Santa Cruz, o tres de maio, como a data que hai que superar para deixar atrás o risco de xeadas.

Os vitucultores falan xa da perda total da colleita deste ano e poñen as súas expectativas en que polo menos as cepas volten a retoñar cunhas vides que sirvan para facer unha boa poda e garantir a colleita do vindeiro ano.

A totalidade do val quedou arrasada pola xeada, as cepas ocupan a práctica totalidade destes terros polo que a desolación é grande. Pero non foi o único que axeou. Patacas, cabazas, tomates ou kiwis tampouco superaron os catro graos baixo cero que se acadaron nalgún momento da noite.

Ante esta situación foi polo que a corporación municipal decidiu tomar a decisión de solicitar, unánimemente, a declaración do val de Quiroga como zona catastrófica.



22 abr 2017

MESÓN FERREIRIÑO GAÑADOR DA 6ª EDICIÓN DO QUIROGA DE TAPAS

          Dezasete establecementos participaron na 6ª edición do Concurso "Quiroga de Tapas" organizado a través da Área de Xuventude. Cada un deles participou cunha tapa que eles mesmos escolleron para facerse co premio deste certame, que consiste en 100 € e unha placa conmemorativa, e que nesta edición recaeu no Mesón Ferreiriño.
         
         
        Esta semana procedeuse a apertura das urnas e ao reconto de votos na casa consistorial. Este proceso levouno a cabo a concelleira de Xuventude Rosa Arza e a representante de hostelería na zona sur, Beatriz Vila.
         
        Só se contabilizaban aqueles tapacartóns que tiñan todas as casillas seladas por cada un dos establecementos participantes, co seu voto, escrito de forma lixible e un nome, apelidos e teléfono de contacto da persoa que emitiu o voto.

         Unha vez feito o reconto, a tapa “Torre do Castelo con mousse de piquillo” presentada polo Mesón Ferreiriño, foi a que se alzou co premio a mellor tapa do concurso deste ano. Ademais do recoñecemento cunha placa conmemorativa tamén levou 100 €.

Nesta edición tamén se contou con numerosos premios para as persoas que completaron o circuito e emitiron o seu voto á mellor tapa, dende  300 euros, ata numerosas estancias e comidas en establecementos da comarca, ata lotes de productos típicos da zona.

28 DE MAIO, XVII MOSTRA DO ACEITE DE QUIROGA

      A comisión organizadora da Mostra do Aceite de Quiroga decidiu na súa última xuntanza que a XVII Edición da Mostra do Aceite de Quiroga no muíño de Bendilló terá lugar o día 28 de maio.
A data definitiva para a celebración deste evento turístico-gastronómico, que é Festa de interese turístico de Galicia, fixouse de novo para non coincidir con outros eventos de parecidas características que teñen lugar na zona sur da provincia de Lugo.

     Unha vez rematado o prazo de inscrición entre os días 2 e 9 de marzo, o número de colleiteiros inscritos foi de 5. Na reunión deuse conta dos resultados das análises ás que se someteron as mostras destes cinco aceites presentados nun laboratorio especializado; a calidade das mostras concédelle a categoría de aceite virxe extra, como en edicións anteriores.

    Nunha data aínda sen determinar, as mostras presentadas e analizadas pasarán por un panel de catadores locais. Este acto que se anunciará publicamente terá lugar, como en edicións anteriores, nas instalacións do Museo Etnográfico Municipal de Quiroga.

20 abr 2017

RÉCORD DE VISITAS E DE VENDAS NA FEIRA DO VIÑO DE QUIROGA E MÁIS DE 1.700.000 ESPECTADORES VENDO A NOTICIA EN TELE5

  Centos de persoas que abarrotaron Quiroga durante a fin de semana para participar na  XXXV  Feira do Viño. Axudados polo bo tempo as rúa Real de Quiroga estivo abarrotada durante os dous días, pero sobor de todo o sábado acadáronse cifras record. Os oito colleiteiros participantes falaron dunhas boas ventas, incluso chegaron a calificar esta feira como a de maiores vendas; xa que se venderon máis de 3.000 botellas de viño tinto e branco.
O momento no que máis concentración se acadou foi como sempre o pregón, que nesta edición correu a cargo da actriz Eva Isanta, coñecida por interpretar, entre outras, a Bea na serie de televisión Aquí no hay quien viva e a Maite Figueroa, la Cuqui, en La que se avecina.
Eva Isanta conseguiu encandear ao público cun discurso no que non faltaron encomios ao viño e á paisaxe da zona, e que arrincou os aplausos dos centos de persoas que se achegaron a vela, gañándose ao público cun pregón dedicado ás mulleres quiroguesas.
Pero se o público disfrutou do momento tamén a propia pregoeira dixo sentirse moi agusto e sorprendida pola expectación levantada.
E unha vez máis Quiroga voltou a ser protagonista no programa Sálvame de Tele5. O programa de Mediaset España emitido na tarde do martes fixose eco do pregón que Eva Isanta facía en Quiroga. Sálvame naranja foi o programa de Tele5 máis visto na xornada do martes, acadando un 18% de cota de audiencia (Share), con 1.702.000 espectadores. Ademais da referida noticia ao pregón, tamén os seus colaboradores, moitos deles pregoeiros de pasadas edicións da nosa feira do viño, nos recordaron con agarimo.

14 abr 2017

FEIRA DO VIÑO DE QUIROGA

          A  XXXV  Feira do Viño de Quiroga arranca mañá, aínda que xa foron moitas as actividades que se desenvolven como complemento desta festa.
Hoxe remata a Sexta Edición  do concurso gastronómico ¨Quiroga de Tapas¨ que se ven desenvolvendo dende o pasado xoves e pola tarde disputarase a Carreira Popular.
Mañá,  ás doce menos cuarto do mediodía, terá lugar a inauguración do recinto feiral a cargo de Xosé Luis  Foxo, Director e Fundador da Escola de Gaitas e da Real Banda da Excma. Deputación de Ourense.
          As  doce en punto comezará o segundo Encontro  Infantil do Certame Celtibérico de Bandas de Gaitas coa colaboración da Consellería de Cultura a través da súa Secretaría Xeral. Minutos máis tarde todas as bandas farán un vistoso desfile ao longo de toda a Rúa Real ata a Ppraza España onde darán comezo as actuacións.
          Xa pola tarde os actos trasladaranse ata o Auditorio Municipal onde actuarán as agrupacións locais, Coral Polifónica, Banda de Gaitas e Grupos de Danzas San Martiño e Arume da Queiruga.
Ás oito e media do serán, no palco, terá lugar o pregón. A actriz Eva Isanta,  coñecida por interpretar, entre outras, a Bea na serie de televisión Aquí no hay quien viva e a Maite Figueroa, la Cuqui, en La que se avecina, será a pregoeira deste ano.
Ao remate do pregón terá lugar o séptimo Concurso de Camisetas.  Pola noite, festa e verbena co grupo ATENAS.
          E o domingo, día 16 de abril, ás doce do mediodía, comezará unha animada alborada co Grupo de Gaitas locais  Os do Recanto e a unha menos cuarto, na Casa do Concello, faraselle entrega os colleiteiros dun trofeo para agradecer a súa colaboración con esta nova edición. A Festa continuará pola tarde coa actuación da charanga EUROPA.
Os viños participantes desta edición son:

Antonio García Alvarez, de San Xulián de Abaixo. Gaspar Álvarez Nogueira, As Medas. Elías González Mourelo, de Carballo de Hospital. Antonio Vázquez López, de San Xulián de Abaixo. José Luís Rodríguez Lago, de San Xulián de Abaixo. María Oliva Cao Expósito, de Bendollo. Alfonso Nuñez Calvo, Novaes.  E Secundino Rodríguez Sobrino, do Toucedo.

ESTA TARDE DISPÚTASE A XIII CARREIRA POPULAR FEIRA DO VIÑO

A décima terceira edición da carreira popular Feira do Viño terá lugar esta tarde. O prazo de inscripción pechouse na proba absoluta con 211 inscritos. Entre todas as probas hai inscritos 330 corredores, pero os corredores que participan nas categorias menores ainda contan coa posibilidade de inscribirse antes da proba diante da Casa do Concello, onde está situada a saída e a meta, polo que este número pode verse incrementado.

      Ás catro e cuarto comenzará a carreira na categoría de pitufos, cun recorrido de 100 metros (ata aproximadamente o cruce coa avenida do Caurel). Cinco minutos máis tarde sairán os prebenxamíns e os benxamíns, cun percorrido de 500 metros, é decir unha volta ata a Praza de España. A continuación participará a categoría Alevín cun recorrido de 1.000 metros – 1 volta ata o bar Zorro. E finalmente farano os da categoría Infantil e Cadete, cun recorrido de 2.000 metros, ata as piscinas municipais e volta á meta. 
     

Ás cinco da tarde comenzará a Proba Absoluta, cun percorrido de 9.000 metros; e que comprende as categorías xuvenil, senior e veteranos; masculino e feminino. O percorrido consta de dúas partes. Na primeira, os corredores sairán de diante da Casa do Concello para ir ata a zona das piscinas para regresar ó lugar de partida. Neste punto comeza a segunda parte, na que os participantes terán que completar duas voltas por un tramo do paseo fluvial.

       Este ano a proba de adultos estará novamente controlada a través dun CHIP que se entregará a cada corredor no momento da recollida do dorsal e que se colocará na zapatilla antes da saída da proba.



 Haberá trofeos e medallas para os tres primeiros de cada categoría tanto masculino como feminino, e os tres primeiros locais.

1 abr 2017

A ACTRIZ EVA ISANTA, PREGOEIRA DA XXXV FEIRA DO VIÑO DE QUIROGA


EVA ISANTA


PREGOEIRA DE LA XXXV EDICIÓN DA FEIRA DO VIÑO
DE QUIROGA
      Eva María Isanta Foncuberta. Actriz española coñecida por interpretar, entre outras, a Bea na serie de televisión Aquí no hay quien viva e a Maite Figueroa, la Cuqui,en La que se avecina, será a pregoeira da trixésimo quinta edición da Feira do Viño de Quiroga.
     Estudante de Arte Dramática, compaxinou os estudos de Imaxe e Son coa arte de interpretar na Escola de Cristina Rota.
   O debut oficial da actriz, produciuse en 1990 en Alcalá de Henares, personificando en Don Juan Tenorio a dona Inés, xunto a Luís Merlo. Máis tarde, e da man do director Ricard Reguant, tivo a oportunidade de converterse na «moza mala» da película, un personaxe vital e enérxico, na obra Asesino xunto a Ramón Langa e Paca Gabaldón.
     Tamén tivo a ocasión de facer incursións en televisión. Farmacia de guardia, unha serie que marcou un fito na televisión española, ofreceulle ser Isabel, a filla maior de Concha Cuetos e Carlos Larrañaga, e quizá este fose o papel que máis popularidade deulle ata a súa chegada a Aquí no hay quien viva.
    O cinema chamou ás portas de Eva Isanta. En 1994, participou en Por fin solos!, onde estivo acompañada por Alfredo Landa, Amparo Larrañaga, Juan Luís Galiardo e Luís Merlo, entre outros. Tempo despois, baixo a dirección de César Vallejo de Castro, protagonizou as curtametraxes El dolor e la lluvia e Amores circulares, este último, premiado co máximo galardón do Latín Cinema Festival (Lacinemafe) de Nova York.
     Eva Isanta regresou ao teatro en 2001 con La tentación vive arriba, dirixida por Verónica Forqué, converténdose en Elena; esta obra cultivou críticas dispares e converteuse na representación teatral do ano.
    A actriz non só se dedicou a interpretar, senón que tamén actuou como axudante de dirección de Ricard Reguant (Misery, 1999) e Carles Sans (Familia, 2001).
     A pesar de actuar noutras series e realizar aparicións esporádicas en televisión, Aquí no hay quien viva establece un punto e aparte na vida profesional de Eva. O personaxe de Bea permitiulle ser candidata aos Premios da Unión de Actores. Tras máis de dous anos interpretando a Bea, incorporouse á repartición de série continuación da anterior, La que se avecina, na que, desde 2007, interpreta a Maite Figueroa, tamén coñecida como La Cuqui.
      Recentemente recibiu o Premio á Mellor Actriz Humorística na 7ª edición do Smile Festival, Festival Europeo da Publicidade e o Humor.