27 abr 2012

O PLIEGUE XEOLÓXICO DE CAMPODOLA-LEIXAZÓS FOI DECLARADO ONTE POLA XUNTA DE GALICIA MONUMENTO NATURAL

O pliegue xeolóxico de Campodola-Leixazós, foi declarado onte pola Xunta monumento natural.
Tras a aprobación no Consello da Xunta do decreto que confire a estructura a protección legal, o presidente da Xunta, Alberto Núñez Feijoo subliñou, que   " este acordo blinda a protección dun monumento natural único".
O pregamento xeolóxico de Campodola-Leixazós consiste nun pregamento xeolóxico de tipo deitado, no cal pode apreciarse con total claridade a ondulación dos estratos superiores da codia terrestre provocada polas forzas tectónicas, nun proceso que neste caso tivo unha duración de 500 millóns de anos. A súa singularidade estriba en que pode apreciarse con total nitidez este proceso grazas ao encaixamento do río Ferreiriño, que deixa ao descuberto a estrutura interna do sinclinal nun grande corte transversal, o que o converte nun dos puntos da xeoloxía estrutural máis importante de España e lle confire un gran valor científico-educativo.

Cómpre, por tanto, manter a integridade dos valores xeolóxicos e fomentar o seu coñecemento, polo que a Dirección Xeral de Conservación da Natureza iniciou o procedemento de declaración no ano 2009.

Nos monumentos naturais, con carácter xeral estará prohibida a explotación de recursos, salvo naqueles casos que por razóns de investigación ou conservación se permitan, logo da pertinente autorización administrativa.
A corporación municipal que onte celebraba un pleno non quixo comenzar a sesión plenaria sen amosar  a súa satisfacción unanimemente por a celebración do monumento natural.

25 abr 2012

OS DECORADOS DA PELÍCULA "O APÓSTOLO" EXPOÑERANSE NO MUSEO ETNOGRÁFICO


Os decorados da película de animación galega “O Apóstolo” estarán expostos de xeito permanente no museo etnográfico municipal de quiroga.
          O Museo Etnográfico do Concello de Quiroga contará entre a súa colección permanente cos decorados da película de animación realizada en Galicia “O Apóstolo” grazas ao acordo acadado cos responsables de “Artefacto Produccións”.
Os decorados desta película, que se exhibirá en todo o mundo, están ambientados nas aldeas da montaña lucense. En concreto realizouse un gran traballo de investigación e documentación nos concellos de Quiroga e Folgoso do Caurel, para tratar de capturar nestes decorados a maxia e o ambiente desta zona de montaña.
           Para as instalacións do Museo Etnográfico Municipal de Quiroga, engadir estas reproduccións á súa colección supón un complemento perfecto, xa que nunha instalación deste tipo non é doado amosar aos visitantes a producción arquitectónica; daquela empregando as maquetas realizadas polo equipo de decorados desta película poderase contemplar como son as construccións tradicionais da Serra do Caurel.
O Concello de Quiroga agarda que esta nova parte coa que contará o Museo Etnográfica estea lista para amosarse ao público nun breve prazo de tempo xa que será o propio equipo de decoradores da película os que se despracen a Quiroga para completar a montaxe do mellor xeito posible.
         “O Apóstolo” é a primeira película de animación stop-motion estereoscópica de Europa. Levou tres anos de traballo: dous anos de desenvolvemento e un de rodaxe. Na actualidade a película está en fase de posprodución estereoscópica.
Os actores protagonistas da versión en castelán foron: Jorge Sanz, Gerlaldine Chaplin, Paul Naschy, Carlos Blanco, Luis Tosar, Manquiña, Celso Bugallo, Isabel Blanco, Pico e Pedro Alonso. E para a versión en inglés conta co compromiso de Gary Oldman e Jeff Goldblum, entre outros.
            A banda sonora foi composta por Philip Glass.

24 abr 2012

O EQUIPO DE VOLEIBOL DO C.E.I.P DE QUIROGA CAMPION DA PROVINCIA


O equipo de voleibol de 4º curso de primaria do CEIP de Quiroga, proclamouse o sábado campión da provincia de Lugo da súa categoría, logo dun emocionante partido disputado no Casa do Deporte de Lugo fronte ao club EMEVE. Este equipo sorprendeu xa dende o principio do campionato, ao non ter perdido ningún dos encontros xogados, primeiro na zona sur, en Monforte, e logo na fase provincial, en Lugo.
O Colexio de Educación Infantil e Primaria de Quiroga, participou este ano por primeira vez no programa XOGADE de deporte escolar da Xunta de Galicia. No mesmo programa  participan, xa hai anos, as escolas deportivas municipais de Quiroga na especialidade deportiva de fútbol-sala, onde tamén ano tras ano, os nenos e nenas conseguen moi bos resultados a nivel provincial.
O CEIP de Quiroga, a través da súa dirección, manifestou a alegría que supón para toda a comunidade educativa este triunfo no primeiro ano de incursión nestes campionatos de deporte escolar. Polo que quixo achegarlle os seus  parabéns para estes nenos e nenas.
Tamén  durante a festa de homenaxe aos veciños de Quiroga do pasado domingo se lles quixo facer unha homenaxe as estes pequenos campións subíndoos ao palco da orquestra Panorama, onde recibiron o aplauso de todolos veciños.

A AREA DE XUVENTUDE ORGANIZA UN OBRADOIRO DE SCRAPBOOK


Dende a área de xuventude do concello de Quiroga, organízase para o mes de maio un OBRADOIRO DE SCRAPBOOK, que terá lugar o martes 8 e o xoves 10 de 19 horas a 20:30 na aula da ludoteca municipal.
O scrapbooking é unha técnica coa que se personalizan albumes de fotos, aínda que tamén se realizan tarxetas de todo tipo así como se modifican diferentes obxetos, carteiras, libretas, carpetas, etc…é unha actividade que, mediante procesos creativos, realiza composicións de recordos a través de fotos e outros obxetos.
   
Os interesados en apuntarse deberán facelo na casa de cultura antes do xoves 26 de abril, xa que o venres día 27 se realizará unha reunión para mercar o material, único custo do curso, entre todos os asistentes. Tamén haberá unha semana polo medio para poder compilar recordos, fotos e material que se queira utilizar.

20 abr 2012

A ORQUESTRA PANORAMA NA FESTA POLO TRINTA ANIVERSARIO DA COMISIÓN DE FESTAS


A Comisión de Festas de Quiroga organizou para este domingo unha festa de homenaxe aos veciños de Quiroga no seu trinta aniversario, que contará coa actuación da orquestra Panorama.
A actuación do grupo Panorama comenzará ás dez da noite  na praza - estacionamento de autobuses escolares entre o pavillón municipal e a rúa Real.

José Luis Rivera, membro da comisión de festas, indicou que esta actuación, que é un agradecemento a veciños e hostaleiros pola súa colaboración nas festas durante os trinta anos que leva traballando a comisión,  lévase a cabo agora ante a imposibilidade de contratar esta orquestra durante a tempada estival, debido o excesivo caché que acada.

19 abr 2012

UN CURSO DE TECIDO TRADICIONAL TENTA QUE NON SE PERDA UNHA TÉCNICA MILENARIA DA MONTAÑA QUIROGUESA


A delegación de Cultura do Concello de Quiroga organizou un curso de tecido tradicional en tear.
Aproveitando a recollida e resturación das pezas empregadas no sector téxtil, levada a cabo dende o ano 2007, ofrécese a posibilidade de aprender os secretos dunha técnica milenaria de forte raizame na zona e que co paso do tempo foi quedando no esquecemento.
O curso englobaría todo o proceso do tecido, dende o urdido dos fios para configurar a base sobre a que se tece; preparar o fío da la co seu cardado, fiado e torcido; e preparar os flecos con que decorar as distintas pezas ata chegar ao propio tecido no tear.
O curso de 40 horas de duración impartirase no Museo Etnográfico e será totalmente práctico, correndo a cargo da tecedeira de Visuña, Carmen Barreiro Díaz, que contará coa colaboración de Agapito Vila e Manola Souto.
A data de inicio está prevista para o 28 de maio, desenvolvéndose os luns e mércores dende as sete da tarde ata as nove do serán.

           Para que poda levarse a cabo é preciso acadar un mínimo de dez persoas participantes. Todos @s interesad@s en recibir máis información ou en inscribirse poden dirixirse á Casa de Cultura, tanto persoalmente como no teléfono 982435125.


18 abr 2012

QUIROGA PARTICIPARÁ NUN PROGRAMA DE COMPOSTAXE DOMÉSTICO DE SOGAMA

O Concello de Quiroga en colaboración con Sogama, vai levar a cabo  un programa de compostaxe doméstico en varias vivendas do municipio.
O obxetivo é que a través dos compostadores, no se fogar, os veciños participantes elabores o seu propio compost a partir da materia orgánica xerada nos mesmos, obtendo un abono natural e de alto poder fertilizante que se poderá usar en hortas, xardíns ou terras de cultivo.
Persoal do concello encargarase do seguimento da elaboración deste abono.
Paralelamente éste programa organizouse unha visita ao complexo medioambiental de Sogama, en Cerceda. No que a través  dun percorrido guiado por educadores mediambientais, coñecerase a actividade industrial desenvolvida no mesmo, tomando conciencia da importancia que ten a práctica dos tres erres: reducción, reutilización e reciclaxe, por parte da poboación.
Esta excursión levarase a cabo o 8 de xuño.
Para participar tanto no programa de compostaxe doméstico como na excursión a Sogama, é preciso inscribirse previamente no concello, ben persoalmente ou a través do teléfono 982.42.80.01.

13 abr 2012

MESÓN ESCALEIRA, GAÑADOR DO I CONCURSO "QUIROGA DE TAPAS"

          Mesón Escaleira foi o gañador do I concurso “Quiroga de Tapas” que se fallaba esta mañá no Salón de Plenos do Concello.
        Tanto a concelleira de Xuventude, organizadora do concurso, como o alcalde de Quiroga, afirmaron que o concurso foi un éxito, pero con fallos que a organización tratará de subsanar na edición do próximo ano.
        Para a apertura das urnas estivo presente a representante de hostelería da zona sur da provincia de Lugo. Tras abrir as urnas que recollían os tapacartóns e facer o escrutinio dos votos realizados polos clientes que degustaron as 16 tapas participantes, a tapa gañadora foi Langostino crocanti con espuma de arzúa curado e ensalada de algas.
        Para poder votar, cada cliente tiña que degustar todas as tapas presentadas a concurso, e utilizar o tapacartón que introduciría nas urnas oficiais do concurso, ubicadas en todos os establecementos participantes. Os tapacartóns que non tiñan todos os selos dos establecementos consideránronse nulos. 
E tras coñecer o establecemento gañador, entre as cartillas de votación realizarouse o sorteo entre os clientes que participaron no concurso para unha noite na ferrería de Rugando para dúas personas, con cea incluída.
Todolos establecementos participantes recibiron un diploma de participación; e o gañador recibiu 100 € e unha placa conmemorativa.

10 abr 2012

CENTOS DE PERSOAS NA XXX FEIRA DO VIÑO

Centos de visitantes, achegáronse durante a fin de semana a Quiroga para disfrutar da Trixésima Feira do Viño.
Durante o sábado e o domingo houbo alboradas por parte da banda de gaitas San Martiño e do grupo de gaitas O Recanto. O recinto feiral inaugurábase o sábado ás seis e media da tarde, e o encargado de facelo foi o Xefe Territorial da Consellería de Medio Rural e do Mar en Lugo, D. José Ramón Losada Fernández.
A continuación, o Auditorio Municipal acollía varias actuacións. A primiera delas sería a da Coral Polifónica de Quiroga, que presentaba novo repertorio. Tras a actuación da Coral Polifónica fíxoselle a entrega dos premios aos gañadores do IX Certame Cartas de Amor, do VII Relato Curto e do V Concurso de Debuxo.; todos eles organizados dende o concello. O  grupo de danzas San Martiño e a banda de gaitas do mesmo nome serían os encargados de pechar as actuacións no Auditorio Municipal. 
Ás oito e media xa no palco, tiña lugar o momento máis multitudinario da feira, cando, o  sempre polémico Kiko Matamoros, representante artístico e colaborador en diferentes programas de entretemento de Tele5, era o encargado de pregoar a trixésima edición da feira do viño de Quiroga. Na súa intervención ensalzou os caldos que se producen na nosa zona, pero tamén a paisaxe.
Ante centos de persoas Matamoros non dubidou en indicar que era «toda unha honra e privilexio» ser elixido pregoeiro da feira sabendo que antes que el foino un premio Nobel, Camilo José Cela.
Tras o pregón chegou o momento de elexir o gañador do II concurso de camisetas. A encargada de facer tal elección sería a muller do pregoeiro, a modelo Makoke. 
O domingo, a unha menos cuarto ás autoridades políticas que acudían ao evento facíanlle entrega aos nove colleiteiros participantes nesta edición das medallas conmemorativas no Museo Etnográfico.
Os colleiteiros que participaron no certame deste ano foron: Gaspar Álvarez Nogueira, das Medas; Guillermo Nogueira Veloso, de Bendilló; Antonio García Alvarez, de San Xulián de Abaixo; Alfonso Núñez Calvo, dos Novaes; Antonio Castro Álvarez, de San Vitoiro; José Luis Rodríguez Lago, de San Xulián de Abaixo; María Oliva Cao de Bendollo;  Elías González Mourelo, de Carballo de Hospital; e Ovidio Mondelo Arias, de Bendilló.
Todos eles coindiron en que as ventas desta feira foron moi boas ao que como sempre contribuiu o bon viño presentado este ano e tamén o bon tempo que acompañou ao evento, sobor de todo o domingo.

5 abr 2012

CONTA ATRÁS PARA A XXX FEIRA DO VIÑO

Quiroga celebra esta fin de semana a XXX Feira do Viño, que conta cun amplo programa de actividades que xa se iniciaron co concurso de tapas no que participan 16 bares da vila, contarase tamén  cun concerto benéfico hoxe a tarde; e poserase visitar a exposición de fotografía “Camiño de Santiago, camiño de liberación”, durante toda a semana.
 
         No apartado de deportes hai que descatar a concurrida carreira popular, unha das mais consolidadas da provincia, que terá lugar o venres a partir das cinco da tarde; e o I Torneo de Fútbol Sala Feira do Viño, que se está a disputar no pavillón municipal.
Durante o sábado e o domingo haberá alboradas por parte da banda de gaitas San Martiño e do grupo de gaitas O Recanto. O recinto feiral inaugurarase o sábado ás seis e media da tarde, e o encargado de facelo será o Xefe Territorial da Consellería de Medio Rural e do Mar en Lugo, D. José Ramón Losada Fernández.
Tamen o sábado, ás sete da tarde, o Auditoria Municipal acollerá ás actuacións da Coral Polifónica de Quiroga, do grupo de danzas San Martiño e da banda de gaitas do mesmo nome. Ademais entregaranse os premios do IX Certame Cartas de Amor, do VII Relato Curto e do V Concurso de Debuxo.
          Os oito e media xa no palco, terá lugar o pregón a cargo de Kiko Matamoros e o seu remate farase entrega do premio do II concurso de camisetas. A festa continuará esa noite coa música do grupo Alkar.
O domingo, a unha menos cuarto faraselle entrega aos nove colleiteiros participantes nesta edición dos trofeos no Museo Etnográfico. Os colleiteiros que participan no certame deste ano son: Gaspar Álvarez Nogueira, das Medas; Guillermo Nogueira Veloso, de Bendilló; Antonio García Alvarez, de San Xulián de Abaixo; Alfonso Núñez Calvo, dos Novaes; Antonio Castro Álvarez, de San Vitoiro; José Luis Rodríguez Lago, de San Xulián de Abaixo; María Oliva Cao de Bendollo;  Elías González Mourelo, de Carballo de Hospital e  Ovidio Mondelo Arias, de Bendilló.


2 abr 2012

HOXE COMEZA O I CONCURSO "QUIROGA DE TAPAS"

O Concello de Quiroga en colaboración coa Asociación Provincial de Empresarios de Hostalería organizou o I CONCURSO “QUIROGA DE TAPAS”, que comeza dende hoxe ata o 10 de abril. O establecemento gañador será premiado con cen euros e entre os clientes que participen no certame sortearase unha estancia dunha noite para dúas persoas na casa de turismo rural de Rugando.
Cada  establecemento participante deberá elaborar unha tapa, sendo os seus ingredientes de libre elección, a un prezo de venda ó público de 1,00 €uros. Os establecementos que participan son:
            Mesón Escaleira:Langostino crocanti con espuma de arzúa curado e ensalada de algas.
          Mesón Ferreiriño: Setas á Caurelá.
          O Recuncho de Dino: Ovo á vinagreta.
          Bar Chapakuña3: Lasaña de solomillo, polo, tenreira e grelos ó queixo.
          Hostal Marcos: Zamburiña gratinada.
          Restaurante Torres: Brocheta mixta de carne sobre tosta con aceite de Quiroga.
          O Roxo Vivo: Rulo de lomo con cricante de améndoa.
          Bar Félix: Codillo en salsa de Rioja con patata rejilla.
          O Cantar Miudiño: Muslo de polo recheo de espinacas e pasas con reducción agridoce de mencía.
          Pub Ruxe-Ruxe: Pechuga de pavo rechea.
          Cafetería Quiroga: Barquiño de hamburguesa.
          Bodegón da Andaluza: Tortilla de patacas con grelos, panceta e chourizo.
          Bar Quiper: Ravioli especial Quiper.
          Bar Las Palmeras: Pinguims na feira.
          Ciber-café A Pedra: Nido de serrano con frutos secos e queixo ó aceite de Quiroga.
          Adega de María: Croquetas recheas.
Os locais participantes dispoñen de cartillas de votación “tapacartóns”, a disposición gratuíta do público consumidor, que será quen determine o gañador do concurso. Ademáis, en todos os establecementos participantes, estarán situadas as urnas oficiais de votación.
 Cada vez que un cliente deguste a tapa presentada a concurso, o establecemento participante deberá selarlle a cartilla de votación, na casilla correspondente o seu establecemento, si xa estivera cuberto o tapacartón, o local ten a obriga de darlle outro, e así, o cliente, tamén ten a opción de repetir as veces que así o desexe e optar con máis dun tapacartón ó premio.
Cando o cliente complete a degustación de todas as tapas presentadas a concurso en todos os establecementos participantes, poderá votar a súa tapa favorita utilizando o tapacartón e introducindo o mesmo nas urnas oficiais do concurso, ubicadas en todos os establecementos participantes.
O cliente poderá ter en conta, á hora de emitir o seu voto, os seguintes criterios de valoración: Presentación e innovación; Gusto, sabor, texturas e aromas; Calidade dos ingredientes; e Acompañamento cun viño da Ribeira Sacra.
O concurso “Quiroga de Tapas” fallarase na mañá do venres 13 de abril no Salón de Plenos do Concello de Quiroga. O establecemento gañador recibirá un premio en metálico de 100 €uros, así como unha placa honorífica. O resto dos establecementos participantes recibirá un diploma de participación.
Esa mesma mañá, entre as cartillas de votación realizaráse o sorteo público para unha noite na ferrería de Rugando para dúas personas, con cea incluída.