A escola infantil celebrou hoxe o seu fin de curso cunha festa na que participaron a maioría dos nenos que acudiron o centro durante este curso. Aínda que o centro educativo non pecha durante o verán, e manterá o seu horario de mañá e de tarde; algúns dos rapaces collen vacacións durante estes meses polo que o centro decidiu realizar a festa.
Na celebración, á que acudía o alcalde de Quiroga, Julio Alvarez, despediuse ós nenos que o vindeiro curso deixará a escola infantil para pasar ó Colexio de Infantil e Primaria, por cumprir os tres anos de idade.
Na festa entregáronselle ós rapaces orlas e diplomas como símbolo de graduación deste curso 2009-2010.
Como remate da festa non faltou unha merenda na que os rapaces deron boa conta das larpeiradas.
No hay comentarios:
Publicar un comentario