16 jun. 2010

SOCIOS DO CENTRO SOCIAL RECOLLEN E CLASIFICAN PLANTAS MEDICINAIS

A ducia de socios do Centro Social que participan no obradoiro de Herbas e Plantas máxicas, enmarcado dentro do obradoiro de Memoria Social, realizaron onte a identificación de todalas plantas medicinais que recolleron no entorno.

O taller de herbas e plantas máxicas acolle un obradoiro adicado as plantas medicinais, cunha parte teórica e outra práctica. A parte teórica englobou proxeccións de videos sobre plantas medicinais, a súa clasificación farmacológica e as súas aplicacións; así como unhas nocións básicas sobre o desenvolvemento do obradoiro.

A parte práctica do mesmo inclúe a identificación e a elaboración dunha guía persoal das plantas medicinais recollidas no entorno, que é o traballo que realizaron na tarde de onte os participantes. Con estas plantas elaborarán un herbario medicinal.

No hay comentarios:

Publicar un comentario