O PP ACADA O 64,89% DOS VOTOS EN QUIROGA, NUNHA XORNADA CUNHA PARTICIPACIÓN QUE SUPERA O 71%.

        Quiroga segue sendo un dos municipios máis populares do sur da provincia de Lugo, ao acadar o 64,89% dos votos emitidos na xornada de onte, prácticamente a mesma que nas eleccións do 2012. O PP foi a opción elexida pola maioría dos quirogueses, concretamente por 1.340. Seguenlle a moita distancia o Partido Socialista, que con 273 votos obten un 13,22% e En Marea que cos seus 259 votos obten un 12,54%.

          A participación nestes comicios foi alta, dun 71,44%, o que se traduce en que 2.065 quirogueses acudiron ás urnas, nunha xornada sen incidencias, para exercer o seu dereito a voto nestas eleccións autonómicas. Do total de votos acadados 1.340 foron para o Partido Popular; 259 para en Marea; 273 para o Partido Socialista; 95 para o BNG; 46 para Ciudadanos; 4 para o partido Animalista; 3 para Anticorrupción; 2 para Gañemos – Sí se puede; outros dous para Recortes Cero; 1 para Converxencia 21 e outro para Compromiso x Galicia. Ademáis houbo 13 votos en branco e 26 foron nulos.

No noso municipio constituíronse seis mesas electorais: na mesa situada en Vilar de Lor votaron os veciños censados no Lor Alto e no Lor Baixo. Dun censo de 254 veciños emitíronse 180 votos, un 71,26%; deles 131 para o PP; 27 para o Partido Socialista;  14 para En Marea; 5 para o BNG; e 2 para Ciudadanos. Houbo tamén 1 voto en branco.

Na mesa de Soldón de Sequeiros, onde tamén votan os veciños de Montefurado, cun censo de 383 votantes, exerceron este dereito 271, o que supón un 71,02%. Nesta mesa o PP acadou 195 votos; o Partido Socialista 32;  En Marea, 28; BNG 10; 4 para Ciudadanos e 1 para Recortes Cero. Houbo tamén 1 voto en branco.

          Na primeira mesa do Centro Social, na que votaban os veciños censados na parroquia de San Martiño con apelidos comprendidos entre o A e o L, dun censo total de 646 recibiu 437 votos, un 69,50%. Por partidos políticos, o PP acadou 274; En Marea, 65; o Partido Socialista 51, o BNG 25, 7 para Ciudadanos, 1 para o partido Anticorrupción e 2 para Gañemos- Sí se puede. Houbo tamén 8 votos nulos e 4 en branco.

Na segunda mesa situada no Centro Social, onde votaban os apelidos dende o L ata o Z, a máis numerosa de todas, cun censo de 873 acadáronse 601 votos, o que supón un 70,68%. Nesta mesa o PP acadou 369 votos, En Marea 84, o Partido Socialista 76, o BNG 29, 22 para Ciudadanos, 2 para o Partido Animalista, 2 para Anticorrupción e 1 para Converxencia 21. Houbo tamén 13 votos nulos e 3 en branco.

        Na mesa situada na Casa da Cultura, que acollía os veciños das parroquias da Ermida e do Nocedo, dun censo de 200 votaron 156, un 78,50%: destes votos 98 foron para o PP; 31 para o Partido Socialista, 13 para o BNG; 11 para En Marea, 1 para Ciudadanos e 1 para Recortes Cero. Houbo tamén 1 voto nulo.

Finalmente, na mesa situada no Centro Social de Campos de Vila, onde votaron os veciños comprendidos entre as parroquias do Hospital e A Seara, cun censo de 589 persoas, recolleu un 72,67%, 420 votos. O PP acadou 273, En Marea 57; o Partido Socialista 56, o BNG 13, 10 votos foron para Ciudadanos, 2 para o partido Animalista e 1 para Compromiso x Galicia. Houbo tamén 4 votos nulos e 4 en branco.

COMEZA O CURSO 2016/2017 NO CEIP DE QUIROGA CON 147 ALUMNOS

Onte comezou o curso 2016/2017 no Centro de Educación Infantil e Primaria de Quiroga. 147 é o número de alumnos e alumnas que comezaron as clases, un número que se mantén igual que o curso pasado.

Coa volta ao cole comezaron tamén a funcionar os servizos de transpote e comedor do centro educativo.

O curso 2016/2017 prolongarase ata o 23 de xuño. En canto ás vacacións, as do Nadal comezarán o 22 de decembro e os alumnos non volverán ás aulas ata o día 9 de xaneiro. O entroido volverá dar tres días libres a profesores e alumnos, 27 e 28 de febreiro e 1 de marzo do 2017, mentres que a Semana Santa irá do 10 ao 17 de abril do mesmo ano.

Os alumnos manteñen tamén o horario do curso anterior, é decir, entran ás dez menos cinco da mañá e saen a unha e media para comer e voltan ás tres da tarde para retomar as clases ata as catro e media. Agás os venres que soamente teñen clases de mañá saíndo ás tres menos vintecinco, a excepción dos alumnos de comedor, que saen ás tres e media.

Precisamente co servicio de comedor presentase un novo problema para o centro educativo, xa que conta con máis solicitudes das prazas que ten concedidas, en concreto son 13 alumnos os que quedan fora. A directora do centro, Ana Nuñez, mandou unha mensaxe tranquilizadora aos pais xa que o colexio solicitou a Xunta de Galicia a ampliación deste servizo para que ningún neno quede fora.

36 EMPRESAS OPTAN A AMPLIACIÓN DO POLÍGONO INDUSTRIAL

Un total de 36 empresas presentaron as súas ofertas para a execución de obras de urbanización no parque empresarial de Quiroga.

A Xunta licitou en agosto as correspondentes actuacións e o prazo para a presentación de ofertas rematou o pasado 9 de setembro. Estas actuacións licitáronse por un importe de 356.000 euros, cun prazo de execución de dous meses.

Urbanizarase o polígono D do parque empresarial dado que no mesmo existe demanda de solo e as parcelas urbanizadas están esgotadas. As obras consistirán fundamentalmente na prolongación dun vial xa existente ata o límite do parque empresarial, resultando 11 parcelas destinadas ao asentamento de empresas. A ampliación contará cunha superficie de 15.736 metros cadrados.

HOXE COMEZAN AS FESTAS DE VERÁN

          Quiroga comeza esta tarde as súas festas de verán, que se prolongarán ata o domingo.

As festas abriranse cun festival de música e danza tradicional na praza España, no que actuarán os grupos de danzas San Martiño e Arume da Queiruga e a banda de gaitas San Martiño.

O venres contarase cunha actuación do mago Dani García no parque da Constitución, xunto antes do inicio da XI Festa da Comunidade, para a que xa se poden adquirir as entradas para degustar unha gran paella; e que rematará coa actuación da banda Folk de Ribas de Sil.

Pasada a media noite, tocalle o turno á festa da xuventude, que se desenvolverá na zonas dos pubs, e que nesta ocasión contará coa actuación do grupo Gin Toni’s. Durante esta festa farase a entrega dos premios dos certames de poesía e fotografía da área de xuventude.

O sábado, día 6, pola mañá a banda de música de Xinzo de Limia fará unha alborada e dará un concerto diante da casa do concello. Pola tarde a praza España acollerá un espectáculo e un obradoiro de maxia a cargo de Apren-Deimi. A festa popular correrá a cargo da orquestra The Boys Machine e a verberna contará co grupo Atenas.

O domingo ao mediodía un novo espectáculo de animación de rúa a cargo de Troula Animación, nesta ocasión A Invasión Pirata. E pola tarde unha nova entrega do Concurso pinta con xiz no chan. A festa desta xornada virá da man do grupo Alkar e da orquestra Fania Blanco Show.

Durante estes días tamén haberá actividades deportivas, co II Torneo de Street Soccer; coa presentación do Quiroga nun encontro o sábado contra o Barco e coa disputa do Trofeo Xoiería Zafiro de veteranos entre Quiroga e Monforte.

Como remate das festas celebrarase o día 10 a XXV Mostra do Mel de Quiroga que estará animada pola charanga Terras do Bibei.

QUIROGA XA FORMA PARTE DO PROGRAMA DE VIVENDAS BALEIRAS DA XUNTA

O alcalde de Quiroga, Julio Alvarez, asinou o martes coa conselleira de Infraestruturas e Vivenda, Ethel Vázquez, xunto coa delegada territorial da Xunta en Lugo, Raquel Arias, o convenio de adhesión do noso municipio ao Programa de Vivendas.

A conselleira de Vivenda destacou que Quiroga se convérteu no primeiro concello da provincia de Lugo que se suman a esta iniciativa, elevándose a 13 os municipios de Galicia que forman parte deste programa da Xunta

O obxectivo do programa é crear unha bolsa de vivendas baleiras para alugueiro social, incorporando as vivendas de organismos, particulares e empresas que non se atopen habitadas contando, para isto, coa colaboración das Administracións locais.

Este convenio fixa un prezo máximo da renda do alugueiro –de 200 € -, e a contía virá determinada polas características da propia vivenda e polas circunstancias particulares dos beneficiarios.

A conselleira explicou que se trata de que o alugueiro resulte de interese, tanto para o arrendador como para o arrendatario: que ao propietario lle compense incorporar a vivenda baleira a este programa pola renda que vai recibir e que o beneficiario pague un alugueiro asequible que é compatible, ademais, con outras axudas que poida percibir, tanto do Concello, como da Xunta.

As vivendas que se incorporan a este programa estarán dobremente aseguradas pola Xunta, xa que se financian un seguro multirrisco do fogar e un de garantía de cobro da renda, con asistencia e defensa xurídica, para dar seguridade e tranquilidade aos arrendatarios. Con estes seguros que financia a Xunta o propietario ve como o piso que cede en alugueiro para axudar ás familias está totalmente asegurado.

                                                

EXITO DE PARTICIPACIÓN NA PRIMEIRA NIGHT TRAIL DE QUIROGA

 Quiroga acolleu o sábado a primeira Night Trail, ou carreira nocturna, organizada dende o departamento de deportes, e que contou con preto de 300 inscritos.

Sobre as nove da noite e ata o inicio das carreiras, a praza España acolleu clases de zumba, gratuitas para todo o mundo e no que participaban todas as persoas que quixeron.

  

Sobre as dez da noite comezaban as probas para os nenos que dependendo das idades facían un pequeno recorrido pola vila de Quiroga. En total foron tres as probas infantís.

A carreira que partía ás dez e cuarto da noite dende a praza España, tiña dous recorridos, un de 9,5 km, practicamente urbán e outro de 16 km que aínda que partían xuntos, separábanse á altura de Caspedro. O recorrido de 9,5 km dende Caspedro continuaba pola ruta da Encomenda, é decir por San Xulián de Arriba, Hospital, A Vergaza, A Ermida, o paseo Fluvial e remataba no punto de partida en Quiroga. A máis longa, dende Caspedro continuaba cara o Castelo, para ir polo monte e baixar cara a Vergaza, onde continuaba polo mesmo recorrido que a anterior. Ademais de correndo estes dous recorridos tamén se podían facer na modalidade de andaina.

Tratouse dunha proba bastante suave, accesible para todos os públicos, cunha quilometraxe baixa e sen grandes desniveis nin tramos técnicos, aínda que o 80% do circuíto foi por pistas e carreiros dos arredores de Quiroga. A graza estaba en que se trataba dunha proba nocturna.

 Para ambas as probas era obrigatorio o uso de luz frontal. Había un avituallamiento líquido e sólido en metade do percorrido, máis avituallamiento final en meta, e outros servizos como bolsa de corredor, duchas no pavillón municipal, gardarroupa, ou fisioterapia en meta.

O gañador absoluto foi o lucense Brais Rozados, cun tempo dunha hora, 17 minutos e 36 segundos; seguido de Javier Tourís e Pablo Israel  Rodríguez. Na categoría feminina a gañadora foi Pili Pérez, cun tempo de unha hora, 37 minutos e 27 segundos; seguida de Canmen Pan e Sandra Fernández.

No recorrido máis corto, Rubén Vázquez con 44 minutos e 44 segundos, foi o gañador e na categoría feminina foi Iria Otero con 57 minutos con 29 segundos.

Os mellores corredores locais  do trail de 16 km foron Mariano Álvarez e María Rodríguez, mentres que na andaina destacaron Alejandro Casanova e Rebeca Piñeiro.

  

Como remate da proba celebrouse unha pancetada para os participantes e unha festa con disco móvil.

ULTIMADO O PROGRAMA DAS FESTAS DE VERÁN

        O Concello de Quiroga xa ten ultimado o programa das festas de verán que se desenvolverán os día 4, 5, 6 e 7 de agosto.

As festas abriranse o xoves día 4 cun festival de música e danza tradicional na praza España, no que actuarán os grupos de danzas San Martiño e Arume da Queiruga e a banda de gaitas San Martiño.

O venres contarase cunha actuación do mago Dani García no parque da Constitución, xunto antes do inicio da XI Festa da Comunidade, para a que xa se poden adquirir as entradas para degustar unha gran paella; e que rematará coa actuación da banda Folk de Ribas de Sil.

Pasada a media noite, tocalle o turno á festa da xuventude, que se desenvolverá na zonas dos pubs, e que nesta ocasión contará coa actuación do grupo Gin Toni’s. Durante esta festa farase a entrega dos premios dos certames de poesía e fotografía da área de xuventude.

O sábado, día 6, pola mañá a banda de música de Xinzo de Limia fará unha alborada e dará un concerto diante da casa do concello. Pola tarde a praza España acollerá un espectáculo e un obradoiro de maxia a cargo de Apren-Deimi. A festa popular correrá a cargo da orquestra The Boys Machine e a verberna contará co grupo Atenas.

O domingo ao mediodía un novo espectáculo de animación de rúa a cargo de Troula Animación, nesta ocasión A Invasión Pirata. E pola tarde unha nova entrega do Concurso pinta con xiz no chan. A festa desta xornada virá da man do grupo Alkar e da orquestra Fania Blanco Show.

Durante estes días tamén haberá actividades deportivas, co II Torneo de Street Soccer; coa presentación do Quiroga nun encontro o sábado contra o Barco e coa disputa do Trofeo Xoiería Zafiro de veteranos entre Quiroga e Monforte.

Como remate das festas celebrarase o día 10 a XXV Mostra do Mel de Quiroga que estará animada pola charanga Terras do Bibei.