Esta tarde, a partir das oito do serán, abrirase ao público a exposición “Elas fan Camiño”, na sala de exposicións da Casa da Cultura.
Esta mostra rende homenaxe ás mulleres peregrinas e a todas aquelas que participaron na conservación e na promoción do Camiño de Santiago ao longo da historia.
A Secretaría Xeral de Igualdade quixo dar protagonismo ás mulleres no Camiño, querendo lembrar o papel que, a través dos camiños a Santiago, xogaron moitas mulleres, tanto mulleres coñecidas e famosas -raíñas, santas- como mulleres anónimas que chegaron ata Santiago percorrendo con dificultades os camiños para pregar ante o Apóstolo.
No hay comentarios:
Publicar un comentario