O sábado, 12 de marzo, levarase a cabo a
cata dos doce viños participantes na XXXIV Feira do Viño de Quiroga,
coincidindo coa reunión anual da Confraría do Viño de Quiroga.
Ás doce e media da mediodía
está previsto que os integrantes da Confraría, tras ser recibidos na casa
consistorial polo alcalde de Quiroga, que ostenta o título de Confrade Maior, desfilen
ao longo da rúa Real, acompañados pola
Banda de Gaitas San Martiño, ata o Museo Etnográfico.
Xa na sala de catas do museo levarase a
cabo a cata dos viños blancos e tintos participantes na feira. Como todos os anos os viños inscritos para
participar na Feira do Viño de Quiroga, despois das análises realizadas no
laboratorio especializado, sométense a un proceso de cata para a súa aprobación
definitiva.
Tras a cata, os
integrantes da confraría continuarán coa orde do día da súa xuntanza, na que
figura o informe do presidente e o estado de contas.
No hay comentarios:
Publicar un comentario